فكّـر وناظـر يامحمـد تـرى الحـال=نفسـي وتاليهـا مــع الله خبـرهـا
العين كايـن لهـا عـن النـوم عـذّال=تسهر وغاد(ن) نومهـا عـن حجرهـا
والكبـد ماتقبـل مـن الحلـو فنجـال=والمرّ لـو هـو عشـرق(ن) مانقرهـا
دنيـا هيـال ولا لحقنـا لهـا جــال=وأزريت اميّـز سهلهـا مـن وعرهـا
كـان اقبلـت ياحلـو هـاك التبهـلال=وان ادبرت سوّ(ن) على اللي حضرهـا
ماظنّ فيهـا واحـدن(ن) دالـه البـال =احفـظ لدينـك وانتبـه عـن خطرهـا
تـراه مثـل الـفـيّ لابــد يـنـزال=والشمس هي ويّا القمـر مـن فكرهـا
الحـق ينكـر والتفـاخـر بـالامـوال=لاهيـن فـي غفلاتهـم فـي دوّرهــا
كم فرقّت من دولـة(ن) حـلّ واجيـال=والـى ومرهـا الله عطتهـم نحـرهـا
فعـال نـو الخيـر لامـوه الانــذال=كثرت تخاليف العـرب فـي صورهـا
يالله ياعـالـم خفـيـات الاحـــوال=ياللـي ذنـوب العبـد لا شـا غفرهـا
كـم واحـد(ن) يمشـي مـع الـنـاس مهذال= يرعى سواة العاذرة مـن بقرهـا
لاشاحنـه علـم(ن) ولا وراده حــال=ولا يميـز وردهـا مــن صـدرهـا
ثوب النقا مايرخصـه لبـس الاسمـال=سلـم الرجـال اللـي تلامـع شهرهـا
إن كان ما انت ب في معانيـك حمّـال=عمل الـردى يهويـك مظلـم حفرهـا
ذا قول مـن عـدّل غريبـات الامثـال= ابيـاتٍ عسيـراتٍ لـمـن لا قـدرهـا
أنا احمـد الله بّـدل الشمـس بظـلال=وهانـت مصاعبهـا ونقطـف ثمرهـا
ماهمنـي دنـيـا ولا همـنـي مــال= الـرزق ياتـي مثـل هاتـف مطرهـا
شفـي ومقـصـودي مــن الخـيـل=مشوال شقرا نواصيها كثير(ن) شعرهـا
شفي عليها كـان هـو زعـزع المـال=ومن الهنادي صـارم(ن) فـي ظهرهـا
وبالكفّ من غالي المطارق هوى البـال=يـروي بحـزّات اللقـا مـن حمرهـا
ونجرٍ توالي الليل تسمع له اعوال ودلال=يلقـى الكيـف مـن هــو نحـرهـا
بريّـةٍ يطـرب لهـا كــلّ شـغـال=والزعفـران مـع العويـدي ذعـرهـا
تهـدى لماضيـن التجـارب والافعـال=زيـزوم عيـرات(ن) تعايـل جررهـا
وتهـدى لمـن يثنـي نهـار التجيـوال=مودع جيـاد الخيـل تركـب وعرهـا
والثالث اللي بالقسـا يرخـص المـال=لـه ربعـة(ن) دايـم تناطـف سفرهـا
وصدّه عن اللي مع دروب الردى عـال=يمنـاه عـن طيـب المعانـي قصرهـا
وصلّوا على من صار للحـقّ مرسـال=عداد مـا خضـرّ ورق فـي شجرهـا