[الطائر المهاجر]

يقول الفهيم المايـدي إلّـي بنـا = بـدع تـراه الفاهميـن أمثالهـا
مامونة مـا قلتهـا فـي مذمـة = ونزهه إلى راعي المثايل قالهـا
إلى طرا طاري القصيد نوو لهـا = ولا يطربون الرامسيـن إلا لهـا
الجيل ما بين همـاي او طيـب = ولا الهمـاي المستلـذ إزلالهـا
والناس أجناس خبيـث اوطيـب = ولا يشبهون الخيّريـن أنذالهـا
لنـذال متجرهـا مناقشـة البـلا = ولتثيـب إلا والخبيـث احذالهـا
والخيرين إدّافـع اسبـاب البـلا = تطفي الخبيث بمالهـا واجلالهـا
كرام يهون المال دون اعراضها = ولا تبجّي بالعرض دون أموالهـا
لو تكثر أمـوال البخـالا مابهـا = خير ولا نال الصديـج أنوالهـا
كلعشب يربي في الهشيم كما ترى = حتى يظول اولا يـرى ظوالهـا
ناس حوو دنيا ودين من الهـدى = وفيما عطاهـم ربهـم هنيالهـا
والبعض لا هم هـؤلاء ولا هـم = خلّوا الدّنا والدين مـن أمثالهـا
كذلـك الدنيـا ولـو صافيتـهـا = واتعدّلـت لا بـدّ مـن ميّالهـا
حوشاتها لذات خمـر اوذوقهـا = قشرا تزّهـي للغريـر أخيالهـا
خايلـت بـرّاق وبـرق خـلّـب = ييزيك عن لا تورد الماء لآلهـا
تعمل خطاك ولو عطتـك اللـذه = شروا مهب ويـن دار إحيالهـا
من مشرق الدنيا الـى مغربهـا = متلاطمـات اجنوبهـا واشمالهـا
كـم باتبهيّهـا ممـرّ اسنينهـا = أيامهـا واسبوعهـا ولياليـهـا
والسّرمديّـات الشّهـر معلومـه = لو مـا يفنّدهـا بيـان اهلالهـا
خذ لك مثل مالعارفين او جيلهـم = دنياك ما تدري بكيـف أحوالهـا
لا تستظيم الأمر يجـلاه العلـي = خلّ الأمـور ولا تـرى زوّالهـا
إن الأمور الهـا الآلـه امدبـر = مانت الذي تقدر علـى عدّالهـا
حال رضيت اولا زعلت الاسـوا = ما هيب نشّـاده عنـه زعّالهـا
ترويـك منهـا صحبـة مجفيـه = ولا بد من يـوم يميـل إيلالهـا
ما في صداقتها صلاح اولا بهـا = خيـر تبـدل لامهـا بزوالـهـا
مـكّـارة غــدّارة بصدقـاهـا = ناس دعوها وذخـر واعزّالهـا
لا تستغرّ ابها تراهـا مثـل مـا = غيم الضّباب ولا يـدوم اظلالهـا
لو كحلّت عينك مراودهـا البكـا = لازما تلحـظ بالدمـوع اكحالهـا
الناس تدري المـوت حـق لازم = لكن ما تـدري متـى يوحالهـا
إلا القلوب إلهـا دروب غزيـره = مستوعرات والطريـج اسوالهـا
عنهـا تواكيـد العلـوم لأنـهـا = سحر تماري به ظنيـن اعيالهـا
من شفتها في الأولات عرفتهـا = ومن فيـه زلات ثنـا بامثالهـا
ما دامت ألا لمن يـداوم بالتقـى = دار المقـر او منتهـاك إلا لهـا
والآخـره لازم وخيـر مالـدّنـا = يـوم المـلا مشتغلـة بأموالهـا
شاجين فيها والشقا ضد التقـى = ولا ذاك إلا الصالحـات أبقالهـا
لها مطامـع ظلـم لـذات الغنـا = تدري عصى الميزان من عدّالها
أصبر على البلوى وآمن بالقضا = لا تحسبن الناس ويش انزالهـا
لي ما بنا بيت التّقى قبل الشّقـا = وإلا على الشّطّات مـا واحالهـا
من حمّل البارات يـوم إخواهـر = يتعب نهار الخـبّ فـي نزّالهـا
يوم الخلايج شاخصين أبصارهـا = عري اليبوب احريمها واريالهـا
ما يرتجون إلا الشفيـع محمـد = والعفو من رب يـروف إبحالهـا
إن زلّقت ريلك وحل ابها القضـا = الأخرى احسبها حالها من حالها
تعدّ الظمايا الرّاشين على الظمـا = وإلا فـلا تعـد الـذي يكبالهـا
ما شفت أنعـام غذيـت ابدرّهـا = والباسقـات الزّاهيـه بحمالهـا
ومواشي حلّت عليـك الحومهـا = مفـنّـد حرامـهـا وحلالـهـا
والخيل والهيـن إلتـي زمّلتهـا = ذلّ عواصـي صعبهـا وجمالهـا
بين البلا والروح بـاب صداقـه = تهدي إليه او مرّه يهـدى لهـا
إن كتب الله تربـه فـي جريـة = لازم تزهّـي نـيّـه اويعنالـهـا
وإلى توافق في الحسـاب الأمّـة = مـا تستزيـد إلا وفـا مكيالهـا
فالوصف حبل بين كـفّ الجالـد = تـمّ الجـلاد إذا وقـف ميّالهـا
ثم الصلاة علـى النبـي محمـد = ما هبّ نسناس الغصون او مالها