يقول المايـدي أبيـات شعـر = طـرا بنيانهـا وافـي التّمـام
مثايلهـا تشـوّق الرّامسيـن = الى من ظال ظـول وازدحـام
سقيت وظمّ واردهـا العطيـن = ظماياهـا روو وهيـه حـيـام
تفـزّ الهـا قلـوب الفاهميـن = وخالي البـال خالطـه المنـام
إلى جابو التّجار حـزوف بـزّ = جلبت أجناس غاليـة المسـام
جواهر جوخ لار ومـن خيـار = رقود سلمـيّ أو حمـر شـام
يناعتها الزّبـون لهـا يبـون = زمان البـدو ينـوون المشـام
وقفّـوا منتـويـن مجنبـيـن = تـوارى دونهـم لال الكـتـام
خفاني الشّوق خالفت الكفـوف = وعانق صبعي الوسطى لبهـام
ومـرّوا كالسّفيـن العابـرات = ترس في شرعهن شرتا لولام
على هين يجوز ابفـوز زيـن = صموت الحجل معلول الوشـام
ربـا بـرّ أغـرّ الوجنتـيـن = مكنّ في الخبا من حـول عـام
يدنّا لـه مـن اقفـار الفـلاة = عبيهـن نبـا منـه السّـنـام
عبـنّ مسـتـدنّ المنكبـيـن = صبوغ من ذ فاريـة الزّهـام
يصفون الرقوم او هـو يـزوم = وإلى من لغـز للدّايـات قـام
تناحيه القروف اوهو زفـوف = فلوما الخلوف منتسع الخـزام
إلى منه حـدا الحـادي قفـاه = تيلّـل مثـل مذيـار النّـعـام
ونادوا من يبون اتجـي ويـاه = بلا جهر خفينـا الهـا النّهـام
ويات اتميل بالحـال الجميـل = وتمشي مشي راعبـة الحمـام
توادعهـا الجـران المولهيـن = موادعـة التحيـة والـسّـلام
وأنا محتـار بيـن الشّايتيـن = حيث نّه ماينـا بينـي الكـلام
صديج من بعيـد ابـلا مزيـد = مرافقـة العبيـد أولاد حــام
صديج ما يسرّ كمـا تشـوف = عـدوّ مـا يضـرّك بانتقـام
معيضك من هوى المجفي جليل = معيض الخيل من علج اللّجـام
تباها لي منّـه بريـام صـدر = بـلا نفـع وبيـس بالـرّبـام
وبالمثلا طهايـة بـو نـوّاس = ولا غيـل فشـيّـال الـكـلام
مراوات الـذي صـلاّ وخـلاّ = صـلاة مـا يزكّيهـا صـيـام
إلى عدت موجد وعليك ديـن = علامك عسر ما توفي الذمـام
مراعـات الثّريّـا للرّجـيـب = تعيب اوهو يبيـن خـلاف زام
تحافظ عنك جمـل الحاظريـن = إلى ما طلتنـي ضـاق اللّيـام
أقطع الله مطمع يوزي البغيض = وحال يورث الشّكوى الزهـام
ويدني مـن مغالظـة القلـوب = ويضني مـن مناقلـة الكـلام
ظنا مـا فيـه نفـع للعـروف = ولا هو جـاز لـولاد الحـرام
إلى ربّوه عجزوا عـن ربـاه = احتاجو لـه لدايـات الضّمـام
يباله مـن يوالـي باعتـراف = موالات الجنيـن إلـى الفطـام
ورانا نخـدم الدنيـا ابـلاش = مـدا بيّـن سفرهـا والظـلام
ولا في خدمة الدنيـا صـلاح = سوى ثوب المقـادر والطعـام
واثرهـا هيـه تلّهينـا ايليـن = تنقّـل مـا عنـاهـا لـلأنـام
توادعنـا إلـى حـق الفـراق = بكوز ماء وقطعة ثـوب خـام
ونلقى حفـرة غبـر المجـال = جزى الله من يودي الها السّلام
وحطّـوا فوقهـم متعاتبـيـن = اثنيـن مـا يعرفـون الكـلام
وذا نيشـان حـظ المسلميـن = عن الكفـار كـل لـه سـوام
تجـد بمـا تقـول العارفيـن = سمعت أبيات وصـف للغـلام
إذا طاحت من اليمنى عصـاك = فلا تخطـا يسـارك مالزمـام
انا رايت أربعة ما يصطفـون = ولا يبـقـى لحلـواهـم دوام
معاهـدت النّسـا المطربـات = وكثـرة لـذة المـال الحـرام
وحكم جاير مـن غيـر حـق = ولا يخلو السّمـا مـن الغمـام
سمعت ابهدهد في هـدو ليـل = تحايا بـه اقليـب المستهـام
كشفت الحاف مضفي اللفـاف = نظرته عقب ما طـاب المنـام
شمالي منكس الجـوزا قصـاد = مغيب الشمـس للقبلـة يمـام
ترى هذا امشـعّ او ذا امفـعّ = وساقه مشمـع سـاق الظـلام
إلى من اضربه عصف الرّياح = دنا من رعدها عالـي النّهـام
سرى شروا رفيف المطربيـن = مزاره دار شوقـي كـل عـام
وضربتها عصي برق رفـوف = تخاخا مـن مغاريـه الحـزام
عليك ابتبـع سـتّ اللازمـات = صلاتك والشّهـادة والصّيـام
وحجّ البيـت والـزام الزكـاة = ونطق الصّدق ما فيه إوتهـام
وصلوا يا رسول على الحضور = عدد ما غرّد القمـري وحـام