يقول الفهيم المايـدي اللّـي بنـا = بـدع تـراوه الـرّواة أوشــاع
ما قلـت إلا يـوم ظـال اظويلهـا = مـا بيـن شـرّاي و ذا بـيّـاع
أنـا إلـي كـل لـفـا بمتـاعـه = هيهات ما تلقـى الخبيـث إمتـاع
إلاّ ليربـان القصيـد او حييلهـا = ما طاب منها فـي فـم المجـلاع
مثل الذبيح إللّـي تشبّـع بالكـلا = والعجف ماتصبوا الهـا الأسبـاع
وإذا بغيت إنك تصاحـب صاحـب = لا تصحـب إلاّ جـيّـد الطّـبـاع
حتّى إذا ضـاق المجـال ايثيبـك = بمـدافـع وامنـافـع وافــزاع
لنّك تكن في قلص لي بحـر طمـا = في المغرجات أوصغر كل اشـراع
مالك حميد فـي الطريـق السّـي = الحمد سمت الثّقل فـي المطـلاع
لآل تواصل فـي الحيـاه ابنفعـك = عنـد الممـات فلسـت بالنّفـاع
والموت عنّي ماتفـوت مصايبـه = وان يا الحساب افغيـرك الشّفّـاع
يا خـادم الدنيـا بنصـح تاعـب = لا تستـغـرّ فـإنّـك المبـتـاع
لو ذقت في الدنيا لذيذ إرضاعهـا = لا بد ما تفطمـك عقـب إرضـاع
لا تجفـي إلاّ مـن عناهـا خالـي = لزوم الخلا مـن باطـن المجـلاع
لي ييت بالبيـت الكبيـر الواسـع = لك بيـت حـق مـا يزيـد اذراع
لانسان يفرح عند هبطـت بيتـه = وإذا هبط بيـت التّـراب ارتـاع
ما دمت في دنياك جدّم لـك تقـى = قبل الشقا ما دمت فـي الأوسـاع
والطير يـوم ايطيـر يومـه كلـه = في الليل ما يـازم ابغيـر اوقـاع
وانظر ايلنّ الطير سعـده ريشـه = وان قـصّ مابـه حيلـه وارفـاع
إن تستغيـث الله حـيّ حـاضـر = وان ييت باتسرق تشوف الواعـي
عـلام لشيـا جهرهـا وخفيّـهـا = والغيب بيـن اجوانـح الأضـلاع
وان يسّر الله في يديك فـلا تكـن = ابخيـل ذميـم للعـطـا مـنّـاع
مـدّ الأرامـل واليتامـا والــذي = إبـن السّبيـل إن العطـا نـفّـاع
ما يدفع المقدور لكـنّ مـا يضـر = مثـل الكمـود ايكمّـد الأوجــاع
عزّ النّجيب أو لـو زرا ملبوسـه = لا تنتظـر إلصنـعـة الصّـنّـاع
واتعاف حرّ مـن غياثـه ريشـه = مـا الـرّزج إلا جنحـة القعقـاع
في النّاس ناس لا مـزاد ابقربهـم = وان ماسحـوك اتفقّـد الأصبـاع
وعدّل حسابك في الرّوايـب كلهـا = جـود أن شـي مرّوايـب ضـاع
واحذر جليس فيه ساس ابغاضـه = نطفـة حـرام للخبيـث إمسـاع
يحّـاد سالفـت اليميـل امنـاكـر = فيه لحسـان الأوّلـي جـد ضـاع
مذمـوم بيّـاع الثّنـا بالمـزاهـد = يشري الخبيث إمنين مـا يبتـاع
يدقّ عنـد الذيـب فـي غفلاتـه = وان سمع حس صاح عند الـرّاع
متوقّـف للضّيـف فـي فضلاتـه = يفرح إلى من سمع حـسّ الـدّاع
يبغضك إن سوّى الوليمه غيـرك = واييك لو مـا يـاه منـك الـدّاع
لو الـرّزج دون الله يوخـذ قـوّه = ما يـاع سبـع والكـلاب إشبـاع
في الناس من يمنيك منوى امداهن = ويروغ شروى روغـة الدعـداع
ينبحك مثل نبحة الكلب من بدناتـه = والأسـد فـي غيباتهـن أجنـاع
يعاهـدك مثـل امعاهـدت النّسـا = المطربـات اوعهدهـن اضـيـاع
مثل الأوانـي إن تزايـد حمشهـا = يطفحـن فيمـا يغفـل الـجـدّاع
كذا عصاة الخيـل لـولا الجامهـا = تطرحك إن تمهل لهـا المصـراع
إيّاك لـو لانـت ملاميـس العفـا = لـتـكـون إلاّ مستـكـيـن واع
لا تستغرّ ابهـا أو نغـم اينوبهـا = السّم يظهـر فـي لغـوب الفـاع
وفي الناس أجناس بخيـل اوجيّـد = ومنهم ذليل أومن يكـون اشجـاع
والمشجعه نوعين ولـم أو فالـع = والسّفن فيهـا مستمـر او فـاع
واليسر بعد العسر في قول العلـي = والمحـل يثنـي بعـده المربـاع
رؤيا البروق ايموج راس إرهامها = منـه او ينفحهـا نسيـم الـزّاع
ان زعزعت لرياح روس امزونها = الـودق بيـن احضونهـا نشّـاع
غطّا إينوب البيـد طامـي سيلهـا = وفي الليل جمهـور المـلا هجّـاع
طشّ ايطشّ الأرض بشّ ابربعهـا = عشـب تصانيفـه علـى أنـواع
فيهـا مـن المستامنيـن ثـلاثـة = رعد او بـرق اومغربـي ذعـذاع
يوله عليها او يستزيد ابها البكـا = مـدري متـى حداهـن المطـلاع
هزّاع روس النّايفـات الـى لفـا = والنخـل زور اغدورهـن مـدّاع
أو ناعشات في هـوى زيّ الغنـا = يلعبـن كاشفـات ابغيـر اجنـاع
من ذات حمل مثل غربـان الفـلا = مـا بيـن منشـول وذا منسـاع
ياما قفيـت أولا شفيـت غلايلـي = وانكفت لو كـان القلـوب اهـلاع
من شفت لاح الشّيب جنّي شايـف = ملح الذيـاب الموحشـات ابقـاع
وايقنت أنّ الشّيـب سبـر للفنـا = وامّا الصّبـا مالـه يميـل ايـراع
قفّـا ولا بينـي وبيـنـه زلّــه = ما واجـب منّـي عليـه انـزاع
شـرع عليـه الاّ نهارامسـيـره = مـا يـازت الفرقـا ابغيـر أوداع
ليمن ذكرت الماضيـات اتزيدنـي = ولـه وذكّرنـي حـمـام الــلاّع
وش بك اتنوح أنا حذاك امرضتني = لا حلـك الله يـا حمـام الـقـاع
متخالف الألحـان جـنّ اعويلـه = من راعبـي او قنطـري وقفـاع
شام الصّبا عنّي أويا مـن لا أبـا = حثايـث منهـا يــرن أدمــاع
كانت ملابيس الشّبـاب ضوافـي = خذهن اوعوّضني ابيـرد إسبـاع
صاب العيون مع السّنون اوغيرهن = وايـلا بغيتـه ينجلـي مـا طـاع
والنـاس تختـال الهـلال إلاّ أنـا = ما عدت أعـرف العـدل ملمـدّاع
ثم الصـلاة علـى النّبـي محمـد = عدّ البذور أو مـا رمـى الـزّراع