السلام عليكم ورحمة الله وبركاته
بعرض لكم اول قصيده لي واتمنى ينقدها الشعار الموجودين بكل صراحه
ولا يهمكم ترا صدري شمالي ياسع الكون .. اهم شي الفائده
مرت سنه على فرقاك وأنا مغبون
مرت علي وأنا دموعــي صخيه
غيري نسى ولاني من اللي يتناسون
منســــــاك واللي خلق قلب ليه
طيفك مايفارقني وبذكراك مسجون
اشوفك معي في كل لحظه ساكن فيه
فرقاك جرح وبأسبابه انا مطعون
فرقاك حسرة وانابدونك بلا اهميه
مرت سنه وكنها امس مدفون
مرت سنه وانا جمرتي حيه
ياقبر بطلبك على ابوي بالهون
بالهون يالثرى على صافي النيه
مرحوم يابوي ياضي العيون
مرحوم ياللي غيابك سبب لي الاذيه
مهما كتبت فيك يالقلب الحنون
ماأوصف وحشةغيابك وش سببة ليه
وسلامتكم..
إحســـأس يتيـــــمه