[كريمة محمد]

القمر والليل والعشّاق على شط البحر والموج غطى الهمس في دفئ وحنين
واحنا كالطيرين فوق غصين تنظر بالعيون وخايفه من همس نسناس البحـر
طارت وراحت بعيد وطار قلبي من محله كود يلحق وابتـدا بـوح الكنيـن
من عذابه صار يكفخ طفل ضاع وضيّع أمه هلّت دموعه فـلا عنـده خبـر
علميني يا حروف الشوق كيف اسلى حبيبٍ ما عطاني غير جرحي والأنين
وفهّميني ويش اسّوي تاهت الغربـة بدربـي لاظـلام ولانجـوم ولا قمـر
كنت واهم ياحبيبي في حساباتي ولا ادري وش تخبّي لي الليالي والسنيـن
بين وهمي والحقيقة مرّ عمري مثل برقٍ ما انتبه له نايـم مـا خـذ حـذر
قام من نومه بوسط السيل ما يدري وش اللي وصّله للقاع مدفـونٍ بطيـن
لو يحرّك رجل يغطس مشكله رجله قصيره وان ينادي مـا حـدٍ ردّ النظـر
ويصرخ بأعلا جنونه ليه يادنيا عليّه وش حصل قولي صراحه وش تبيـن
ينتظر منها تجاوب وينطلق بالجوّ مـارد يكتـب الإصـرار حرفـه كالجمـر
لا يا حرفي لا تسامح ولا تجامل ولا تدوّر وقت يفنى خـاف رب العالميـن
قل لها يكفي فضايح لو تغطي ما يسدّ الشمس منخـل لا ولا اكبـر شجـر
لو بغيت اسمح واصافح عيّت يديّه عليّه ما تطاوعنـي شمـال ولا يميـن
بس يمكن ذكرياتك باقيه دامت جروحك تنحـت بقلبـي وتبنـي بـه قصـر
اذكر أيام خلت وكيف كنا صغار ما ندري عن الحب ولا عـذاب العاشقيـن
كلنا بسمة براءه ، نلعب ونلهو ولا ندري وثـاري الحـب معنـا قـد كبـر
زوّجوها غصب عنها وغصب عني وانتحر حبٍ جمعنـا ويلكـم ياظالميـن
قلت يمكن يوم تهرب وانتظر لكن تبيّن كـل شـئ بعـدي تغيّـر وا قهـر!
ارسلت آخر رساله " ابتعد عني ما اطيقك كان حبّي لك تسلّـي يالفطيـن"
هكذا بعض العذاري وهكذا الحب التجاري وهكـذا نمضـي يسيرنـا القـدر

راااااااااااااااااائع وربى رااااااااااااااااااااااااائع
وتستحق ان ترفع لها الايدى والتصفيق بقوة
وان توضع على ورق من ذهب
تسلم لنا اناملك يالغالى
ودمت بخير
تحياتى لك