[هاجس نجد]

المشاركة الأصلية كتبت بواسطة عبدالله السهلي

على الكيبورد

*

*

*

الهروج اهروج لاكن يفرق الرجل الفعايل= والليال السود تكشف من قروم ومن هلايم
والعلوم الغانمه يسعى لها ولد الحمايل=والنعم مايكسبه ياكودمن حاز الغنايم
ماكسبه اللي رقد بالليل لاعزالقوايل= وينه وين المراجل عايش ٍ عيشت بهايم
الردي مايحسب الاضمن تعداد العوايل=لعنبو ذيك اللحى ماهيب كفو ٍ للعزايم
سودالله وجه خبل ٍ مانفع فيه الجمايل=لوتنقزله عيونك بالقفى سب وشتايم
السفيه اللي يطرّدللحكي قالوا وقايل=والحكاوي ماطردها كود عذبات النسايم
انت ياللي من سمعلك قال حصل حصايل=ماسطى قلبك ولاعظامك تشيلك وانت قايم
من يبي القمه يكافح يرتكي لحمل الثقايل=مايجيك الشي وانتا منسدح طايح ونايم

الشاعر العزيز / عبد الله السهلي

صح لسانك يالقرم

مهما قلت عنك لن أوفيك ما تستحق

بالفعل أنت شاعر مبدع ومتجدد

القصيدة طيبه وكلها تدل على علوم

الرجال الطيبين شرواك

تقبل تحياتي وتقديري

أخــــوك

سعــد عبــد الله العبيــد

هاجس }{ نجـــــد