[يوسف الشقران]

ياخوي ياحمد انا اتفق معاك تماما حول جوهر ماتفضلت فيه

وياكثرهم اللي يكتبون كلام مايدرون شمعناه الحقيقي والمشكله انك لو تحاول تفهمهم او تنبههم يزعلون

ــــــ

بخصوص الامثله اللي تفضلت فيها :

انا مسألة (بلعون) ماعندي علم كونها اسم صنم او لا
ولكن معناها ماهو خافي ومعروف ولكن انا من اللناس اللي عمري ماستخدمتها ولا احب اسمعها

ــ

كلمة ( غدى ) انا اختلف معاك فيها لان معناها معروف
وواضح ولو اني كذلك ماحب استخدامها لان اعتقد ان الشاعر الجيد هو من يستخدم كلامه الدارج
يعني شفيها لو انه قال ضاع !!

ــــ
مسألة بس ومير هذي تكلمت فيها من قبل
وخذ على سبيل المثال

شطر البيت المشهور ( للاعلاميه ) نهى نبيل

ودى ارسل لك رساله ( مير ) ماعندي رصيد

انا ماني في صدد مناقشة ضعف وقوة هذا الشطر الغريب

لكن انا كنت راح استسيغه اكثر لو بدلت كلمة (مير) وحطت ( بس )

ـــــ

انا اعتقد ان اللفظه يجب ان يراعى فيها مناسبة القصيده ومجال القصيده وموضوعها
وكذلك يجب ان يبتعد شاعرها عن التصنع بانه بدوي مثلا او يجيب كلمات مايعرفها غيره على ابو مثقف وبعدين يتضح العكس

تحيتي

واشكرك على الموضوع الممتع والمهم