هذه ابيات قديمة لي قد رد عليها الاخ الشاعر المعروف/ عبدالله بن عبار العنزي
واليكم اياها
----
تمزق قميص الليل والعين ساهره=والنفس بالهوجاس والغم جاهره
ولاهوعلى فرقا عشيري تكدرت=ولاغرها غرون جميله مظاهره
لاكن بلاها ناس ضاعت سموتها=وضاعت مع الايام غالي جواهره
باعت ثمين المجد والعز والعلا=بنفس جحوده للمكارم وعاهره
مايبغي الطيب الذي به شهرته=دون الردا دايم يدور مشاهره
يزعل الى قيل الشرف ذا طريقه=ويفرح لامور باخسه غير طاهره
ماتت به الشيمه ولاعاد يفتكر=ولايسمع الواعظ ولو به تجاهره
ولطخ بدم الكذب قميص يوسف=يبغي على يعقوب تمشي ضواهره
ياكيف يرضى بالحياة الدنيه=الاخنوع ن له مهازل تصاهره
وتسمو بي النفس التي كم حرها=تشوف روض العز ذبلت مزاهره
تسمو عن اللي لومدادي سجله=خطر يقال مابقى من تظاهره
لاكن اعالج لوعة النفس واتقي=هفوات ناس للحشا دوم قاهره
واكن حسرات الليالي وجورها=لوهي على مضغة حشا الصدر باهره
وايوب صبري لو تماديت مانفد=الله حباني روح العزم ماهره
---
جواب الشاعر/ عبدالله بن عبار
--
بديت في عالم خفاه وضواهره=علام في غمق السراير وضاهره
ورديت قيل اللي بعث لي مثايله=ابن حمد سيفه مع الحق شاهره
دنياك يابراهيم هذي مغره=يوم بها تريف ويومين داهره
وبالاخره جنة نعيم وكوثر=وحور تسر العين حلو مظاهره
تلوين يادنيا سريع زوالها=ياما هفا به من ملوك سماهره
مالوم من فكر وحسب عواقبه=ولالوم من عينه من الهم ساهره
الشيمه الشما هفا من ينالها=وين الذي يرخص بها دم اباهره
صاروا شباب مثل ماقلت وصفهم=ناس على كسب الرذايل مداهره
ماعمهم والناس شتا صنافها=بالناس مدنوسه وبه ناس طاهره
من طاب حظه طاب علمه وسمعته=ومن انتكس حظه فلافاد ناهره
يابوحمد قولك صحيح مجرب=هرجك كما روض تفتح زواهره
وانت الذي مثلك كلامه نقره=الصدق دايم في مثايلك جاهره
اهديك في قيلي سلام وتحيه=شهد مصفى وحايف الشهد صاهره
وختام ماقلنا صلاة على النبي= عد الرمال وعد ذاري مفاهره
-----