لاتنظر الرجّال في كثر ماله=وغرّب عن الشرهات \\ وللطاله أشرق
ولا لا تخلّي في أمورك عجاله=من يشرب الماء في عجاله؟ بيشرق
خلك حكيمٍ محتكم بالسهاله=وأعرف من إنته تنتسب له وتعرق
وأظفر بخوّة من كسب للجماله=اللي بجور الوقت ماهوب يزرق
ولاتحسب الزلات صوب الزماله=زلة خويك عن عدوك بتفرق
وأبعد عن الرديان واهل الفساله=والشور؟ لاتاخذه من خبلٍ أخرق
... إالخ=

ولهان اشوفك وابري العلّ والجرح=يازين انا بالحيل ولهان ولهان
حبك بقلبي؟ مغتنيٍ عن الشرح=حبٍ ولا يحتاج شرحٍ وتبيان
يزيد حبك مافهم يوم بالطرح=كذا من الله حب مافيه نقصان

ياقوافي لاتخافي بإعترافي إحكي قولي=ووضحي لاتستحي للغاليه كيف المحبه
وفهميها من يبيها وعلميها عن ميولي=واستعيني لا تهيني واشعلي بالحب شبه
حبها مع قلبها في وسط قلبي ماتزولي=خجله ووجله ودربٍ فيه شينٍ ماتطبه

وياعذولي يافضولي ماانت قاوي ياعذولي=وآتحدّا من تردّا يعذلن باللي احبه

بعض العرب يحرجك وتقول ياطيبه=ويبيّن الطيب لك بلسانه الحالي
ولا اقفّيت عنه؟ يطعّن ظهرك بغيبه=ضاري بكسب الفساله يابري حالي
وبعض العرب بالرخا يازين تجريبه=ولا صار خطبٍ؟ فلا تلقى له أزوالي
وبعض العرب يقترب لك لا فضى جيبه=ولامن طنخ؟ صار متكبر ومتعالي
وبعض العرب كلمه توديّه وتجيبه=مره يشوفك رخيص ومرةٍ غالي
جنّب عن اللي سبقنا ذكره وعيبه=يامن تبي خوةٍ ترفعك للعالي
وخاو الخوي الذي لاجاتك مصيبه=إيفز لك فزة الشيهان طوّالي
ويدري بحكيك قبل تنطق وتبدي به=ولازاد همك ؟ يجي للهم شيالي
وكلٍ يماري بطيبه كل يحكي به=طلق بلسانه وطلق يمين وأفعالي

أعترف إني فقدة الغالي اللي ياغلاته=وأعترف إني أحبه وإن قلبي مايعافه
وأعترف إني هملته .. آآخ ياقلبي وقساته=وأعترف إن كبريائي؟ ذنبٍ وتم إقترافه
ياعيون الخلق صدي بالنظر يكفي شماته=ماني أول عاشقٍ يشكي ويدلي بإعترافه
هو صحيح إن كبرياء الرجل من أسمى صفاته=بس والله كل شي يزيد عن حده؟ (قرافه)