اقتباس:
المشاركة الأصلية كتبت بواسطة الطائر المهاجر
لا من لقيت اللي تحسه بوجهين = فاصبر تلاقي له وجيهٍ كثيره
حبل الكذب لو طال يقصر بعد حين= وكم جرةٍ تكشف دفين السريره
فكم واحدٍ يعجبك حرصه على الدين= ولا من سمعته قلت ياحي طيره
يمكن تثق به فوق اهلك والادنين= ويمكن تعده للأمور العسيره
وفي لحظةٍ تكشفه من غير تخمين= وتدري بأنه ما يساوي شعيره
صعلوك غارق في بحورٍ من الدين= لاجل الشهاوي كل يومٍ بديره
حتى ولو يظهر طباع الشياهين = وانه اصيل ومن كبار العشيره
ولو يظهر انه دايم الدوم كالعين= يحمي الفضيله من عقولٍ غريره
لا من سبرته تعرف ان الشياطين= منّه تعوّذ فالفعال الحقيره
فالله عطاه من الذكاء دون تعيين= لكن ذكاه موجّه لْضرّ غيره
من كل طيّب ما درى فعله الشين= يحسبه رجل مكمّلٍ بالبصيره
مثله كثير مخادعٍ للمساكين = في وقت راهي بالنفوس الشريره
لاهو مريضٍ ينحسب فالمجانين= ولاهوب صاحي يرتجى منه خيره
شخصيةٍ فيها انحراف الموازين= تشخيصه اوضح من نجومٍ سهيره
شخصيةٍ تجمع نفاقٍ وتلوين= وكذبٍ وغيبه فالأمور اليسيره
حقده تعدى حقد كل البعارين= يقتل ويمشي في جنازة عشيره
مثله خطر فاحذر تلاقيه بالزين= ولو شفت منه الضعف ليّا تجيره
من لاحكمه العرف والعقل والدين= ابعده عن دربك ولا تستشيره
|
ابوعبالله صج لسانك لين ترضى
ولاتوصي ملناعذرغلى القصيد الزين يجبرنا غلى الدخول بدون استئذان
وانت ممييز قصيده تحمل كل المعاني حكم وموعظه وجزاله