لو كل عوجى تجيني من قريب لي

[الطامي]

لو كل عوجى تجيني من قريبٍ لّي
اركض وراها ماكان الناس بصحابي

لكني ادمح خطى الأصحاب بالكلّي
وإلا بغوني لقوني ماني بغابي

وادمح خطاهم وقلبي ماحمل غُّلّي
ولاعليهم بعد شليت مشعابي

ولوني املك كنوز الارض بالكُلّي
ماغيرتني على ربعي ولا اقرابي

لانهم حزامي وعِصبة راس وسيفٍ لي
أضرب به الجمع واقدم ماني أهابي

حتى لو فيهم ضعيف الراي ومِقلٍي
ارفى خماله وانزِله براس مرقابي

ورجل معه لابته يحط ويشلٍلي
منزله اعلى المنازل لو الرجل هابي

عزٍي لرجل وحيدٍ لو هو عصملٍلي
يدرى خواطر مغِلٍينه ومتغابي

[منيع]

ياسلام عليك نعم الاخلاق والرجولة
دمت مبدعا
شكرا لك
تحياتي

[الطائر المهاجر]

الطيب مع من لايقدر سذاجه
اجذر عدوك مرة والف مره= احذر قريب للعقارب مقارب
صح لسانك
ولا هنت
تحياتي

[الطامي]

منيع
صح بدنك
والابداع هو مرورك لاعدمتك
ولاهنت

[الطامي]

الطائر
صح بدنك
والأقارب حبايب
والدنيا ماتخلى من قرايب او بعاد
مرورك رائع وتعليقك اروع
ولاهنت

[داعي الشوق]

ولوني املك كنوز الارض بالكُلّي
ماغيرتني على ربعي ولا اقرابي

البيت لحاله سداد
صح لسانك ابومحمد
جزل ولاهنت