والله ان الدين للمديون ضيم --للنايفه--

[النايفه]

السلام عليكم ورحمة الله

وكل عام وانتم بخير

وعيد مبارك على الجميع

والله ان الدين للمديون ضيم = كان دار الحول دينه ما وفاه
لاترجا عيال من ظهر العقيم = ولاترجا توبة(ن) بعد الوفاه
العن العثرات وأبليس الرجيم = واحسب ايام العمر وأدرك خطاه
ماذكر بالكون يالغالي مقيم = غير رب البيت مايبقى سواه
كم ابو طفل(ن) مع العالم يتيم = ارتسم دمعه على صفحة شقاه
وكم اسير(ن) اكتو بجمر الجحيم = ماشكينا الي تسبب في بلاه
وكم فتاة(ن) غرها ضحكت وسيم = ماسألت البنت وش غيّر نباه
وين راعى البيت والرجل الحكيم = مايشوف الذيب لا يطا حماه
لغزنا مدفون حله يانديم = مايحله كل من شاف و قراه
ويش عودا خاين(ن) لو هو فهيم = مظهرن خيره وشره في خفاه
سارق(ن) للوقت والعقل السليم= حطه الي غر شره من عماه
جاكم المكتوب واشهد ياعظيم = الحذر مطلوب عن وجه الرماه
الدليل يضيع بالجو العتيم = والعماء لومه على موضع عصاه
لايغرك نو سيلن عقب ديم =كم ابو سيلا جرف بيت ومحاه
ولا يغرك عيشة كله نعيم = احمد اللي اكرم النفس وعطاه
الحيا والطيب من رب(ن)رحيم = ماعطانا أقنع الروح وكفاه

[الطائر المهاجر]

جزلة وطيبه
من راس طيب وشاعرة مبدعه
صح لسانك وكلك
ولاهنتي
تحياتي

[محمد بن عمار]

المشاركة الأصلية كتبت بواسطة النايفه

السلام عليكم ورحمة الله

وكل عام وانتم بخير

وعيد مبارك على الجميع

والله ان الدين للمديون ضيم = كان دار الحول دينه ما وفاه
لاترجا عيال من ظهر العقيم = ولاترجا توبة(ن) بعد الوفاه
العن العثرات وأبليس الرجيم = واحسب ايام العمر وأدرك خطاه
ماذكر بالكون يالغالي مقيم = غير رب البيت مايبقى سواه
كم ابو طفل(ن) مع العالم يتيم = ارتسم دمعه على صفحة شقاه
وكم اسير(ن) اكتو بجمر الجحيم = ماشكينا الي تسبب في بلاه
وكم فتاة(ن) غرها ضحكت وسيم = ماسألت البنت وش غيّر نباه
وين راعى البيت والرجل الحكيم = مايشوف الذيب لا يطا حماه
لغزنا مدفون حله يانديم = مايحله كل من شاف و قراه
ويش عودا خاين(ن) لو هو فهيم = مظهرن خيره وشره في خفاه
سارق(ن) للوقت والعقل السليم= حطه الي غر شره من عماه
جاكم المكتوب واشهد ياعظيم = الحذر مطلوب عن وجه الرماه
الدليل يضيع بالجو العتيم = والعماء لومه على موضع عصاه
لايغرك نو سيلن عقب ديم =كم ابو سيلا جرف بيت ومحاه
ولا يغرك عيشة كله نعيم = احمد اللي اكرم النفس وعطاه
الحيا والطيب من رب(ن)رحيم = ماعطانا أقنع الروح وكفاه

	السلام عليكم هلا وغلا / اختي الكريمة النايفة - كل عام وقلبك وفكرك بخير لاهنتي ولاهان غاليك صح لسانك ووجدانك ياخت الرجال ،،، تحيتي وتقديري محمد بن عمار

[الطامي]

والله ان الدين للمديـون ضيـم
كان دار الحول دينه مـا وفـاه
لاترجا عيال من ظهـر العقيـم
ولاترجا توبـة(ن) بعـد الوفـاه
،،،،،،،،،،،،،،،،،،،
النايفه
صح السانش ملايين
رائعة جدا
وكلام صحيح الله يفك ديون المسلمين عامة
شكرا لكي

[داعي الشوق]

صح لساانك مليوون يالنايفة

و عيدك مبارك

أبدعتي بالحيل

كما هو أنتي دائما

صح لساانك مليووون

مع التقدير لك و لحضورك الجميل

***********

[منيع]

اكثر من رائعه
شكرا لكم
تحياتي

[عبدالعزيز العمار]

صح لسانك يالنااايفه وجاد بيانك

قصيدة رائعه وكايفه من شاعره قديره

وكل عام وانتي بخير وعيدك مبارك

[سناعيس]

الله الله يالنايفه
صح لسانك ولاهنتي
على هذه الرائعه

تحياتي

[عبير الورد]

صح لسااااااااااااااااااانك ملايين
سلمتِ وسلم منطوقك الجزل
ربي يعطيك العافية

[الخنساء]

صح لسانك مليوون ولايكفون

قصيدة جزلة من شاعر ةجزلة

سلمتى ودام حرفك