عزم يسافر.. رسالة من والد لولده

[النهج المختلف]

المشاركة الأصلية كتبت بواسطة الطائر المهاجر

كيبورديه لأبني الفهد الذي سيسافر لأمريكا لمواصلة الدراسة

عزم يسافر منبع الذوق والطيب= يطرد طموح العلم ماهاب الاخطار
لو هو بكيفي قلت ما فيه تغريب = خلك بدارك فالزمن دوم غدار
وسلمت امري لواحدٍ يعلم الغيب = واللي مقدر ما تؤجله الاحذار
يابوك اسمع ما اقوله بترتيب = قبلك انا في الغرب وادري بالاسرار
ابعد عن اللي ما تدارا عن العيب= ويحسبه حر النفس في دار الاحرار
دمر لروحه ما حسب اي تحسيب= والخاتمه عمره يقضيه في شهار
دامك غريب فلا تقرب من الريب= خلك بحالك لو تعايشك الامرار
كم من فتى اغواه غيره بترحيب = وجره معه حتى يوقعه في العار
ومن لاحكم نفسه بعقلٍ وتأنيب = ياسرع ما يهوي لقيعان الاكدار
اختر صحابك من علو المراتيب = عقلٍ بدين القلب لا دين الاظهار
ومن عاملك بالطيب عامله بالطيب= مهما يكن إلا محشش وخمار
واحذر بنات ابليس لو فكن الجيب= وضحكن او اهدنك مع الفل ازهار
ومن قال جرب اتركه والتجاريب= واثبت على مبداك يانسل الاخيار
بعض التجارب لو تلف بأكاذيب = تقضي على الرجال لو كان جبار
من كل ما يجعل على العقل تضبيب= حتى ولو هو عشب او نبت واشجار
ولا تقبل علاجٍ اذا احتجت تطبيب = إلا من المشفى ومن يد بيطار
واسمع ترى في الصدق منجاة يالذيب= ويقدرون لصاحبه كل مقدار
وجهلك بقانون البلد في المواجيب= ما ينترقع لا ولا لك من اعذار
فاحرص على نفسك وباعد عن العيب= وركز على درسك بعزمك والاصرار
ترجع لنا سالم بعد طول تغريب = مرفوع راسك ما تعرضت لاعثار

الشاعر المبدع الطائر المهاجر صح السانك ,, ,,

الله يوفق ابنك فهد في دراسته ويرجع رافع راسك سالم غانم ,, ,,

قصيدة جزلة طالعه من القلب يابوعبدالله ,, ,,

لاهنت يادكتورنا يالغالي ولاهان راسك وفكرك ,, ,,

الله يعطيك العافية يامبدع ,, ,,

تحياتي وتقديري ,, ,,

[همس الورد]

صح لسانك شاعرنا الكريم

و بيض الله وجهك

كلام رائع مع حس مرهف

سلمت و غنمت

[صعبة المنال]

صح لسااااااااااااانك


صعوووب

[ام العمده]

الطائر

صح لسانك واعتلا شانك

ابدعت

دمت بخير

[صعبة المنال]

الله يرد المسافر لاهله يا ابو عبدالله
ويجمعك بنور عينك ويجمعى بالغالى

امين


صح لسانك مدد بلا عدد

صعوووب

[جلال ابراهيم الصبيح]

صح السانك واعتلى شانك...جميلة جدا.....رااااائعة......لاهنت.. ...دمت بخير.


عاشق دمشق

[اللهيب]

جهد رائع تشكر عليه
تحياتي

[النابغه التميمي]

مليون صح لسانك
ابداع × ابداع
لاهنت
أطيب تحياتي