اجمل تعبير عن الصوره بالشعر

[نجم الإبداع]

فكره وصوره رائعه اخي ابو مياس
لاهنت

وكل عام وانت بخير

يازين عيشتنا على الفقر والطيب=زمان يوم الود ساكن بالارواح
كان التألف بيننا يفني الريب = لو صاح واحد مابقي شخص مرتاح
نفز للفزعه كما فزت الذيب= مابيننا للغرب عاشق وسواح
نزرع ونبني بيوتنا بالمراقيب=بيديننا من غير عامل وجراح
وحريمنا مثل الخيول المناجيب=تكفي الرجل لوغاب في حزن وافراح
شامه على خد الوفاء حزت النيب=تحطب وتسقي الماء كما نجم وضاح
واليوم بين الناس فرقاء وتثريب= عصر الانانيه على الدار جماح

[نجم الإبداع]

المشاركة الأصلية كتبت بواسطة ابومياس

الموضوع هذا للترفيه

سوف توضع صورة كل اسبوع ويطلب من الشعراء التعبير

عن الصورة بثلاثة ابيات 0

وسوف نختار اجمل مشاركة الفائزة للاسبوع0

دمتم بخير وعافية 0

اول الصور هي :

احببت نقل الصوره الى هنا
للي بعدي
تحياتي

[داعي الشوق]

هذي ضروف أيام ناس منول = حياتهم تطغى عليها القساوه
مع كل هذا كل وقت تحول = إلا زمنهم فيه لطف وحلاوه

[سناعيس]

رجلي تشيل النفس والراس شايل=الله يصبرني على والوقت والضيم
قوتي بزنبيلي وباقي الحمايل=لهم الذي ينزل مطرها من الغيم
أمشي على فالي ولامن صمايل=والكل مثلي في زمان به نهيم

[علي محمد العتيبي]

ابو مياس
يعطيك العافيه
على هذه الفكره الرائعه والطيبه
؛

شمس الضحى لو خايلتنا بلا ظلال = مثل النخل شامخ ولا فيه حيله
لو كان بعض احيان يبكي على اطلال = ويجر ونات العنا في حصيله
كنّه يقول الوقت يمضى على اجيال = وكلٍ يعيش وينتهي وقت جيله
يارب ترحمنا على كل الاحوال = مافيه غيرك واحدٍ نلتجيله

أبوميـّـاس

يسلم فِكـرك على هالطرح

المميـز...دمت بهـذا السمـو


×

×

الارض جدبا والشَعر ناشه الشيب=مير الضماير عشبها حَي لازال
عـنـدي جـِفاف الريق بالعز والطيب=أهون ولاارجي حامس البن فنجّـال
صحيح حرمه لكن الشح والعيب=ساوى عزومي في ثمانين رجّـال

×

×



دمتم بخير

[الحــ فهد ــربي]

ابو ميااس يعطيك ربي العافيهـ على هالصورهـ الرائعهـ ..

تقبلو هالخرابيش برحابة صدر ..

(الا ليت الزمن يرجع ورى والا الليال تدور)=وتجي نادين مع غااده على الغدران ورادات
ويعزبن مع شياه العود في الوادي بليا قصور=وينامٍ في ظلام الليل بلا سراج وبــلا لمبات
مثل ذيك العجوز الي في الصوره بجنب السور=طحين البر عيشتها ولا تدري وش الكتكات

تقبلو خالص تحياتي ...

[ابومياس]

عافاكم الله جميعاً وصح لسانكم لاهنتوا

حروف اشرقت بهذا المتصفح

سوف تقوم لجنه باختيار اجمل تعليق

دمتم بخير وعافية 0

[أبو رائد]

رغم قلة خبرتي بالشعر النبطي ارشح تعليق الأخ الطائر المهاجر

اما اذا كان الالتزام بالأبيات الثلاثة فارشح تعليق الأخ ( منيع )

[منيع]

استمتعت بالقراءة
شكرا جزيلاً
تحياتي الطيبه