تغيرتي مع الأيام(بالصوت)

[الجابر]

صــــــح لسانـــــــك و اعتلى شانـــــك وربــــي أبد لا هانـــــك

نتريـــــا يديــــــدك ^_^ لا تتأخر عليــنا

سلامــــــي

هنا الإبداع يتجلّى من خلال قصيدةٍ مذهله

رااااائعه

دام لك المداد

ولا حرمنا إبداعك

[صوت الإحساس]

المشاركة الأصلية كتبت بواسطة الطائر المهاجر

تغيرتي مع الأيام وصرتي ضمن عدواني= اواجه مين والاّ مين/ هموم الوقت وإلا انتي
كفاني من الزمن ظلمه/ كفاني منك ماجاني = تحطّم كل شي فيني/ ولا تدرين/ لاهنتي
اطالع صورتي مدري/ اهي لي/ او لاحد ثاني= نحيل العود مجروح الفؤاد وفيه اثخنتي
وهم والاّ حقيقه تبعدي وابقى على احزاني= ولا غيرك سكن قلبي ومن نبضه تمكّنتي
تعاهدنا فكيف العهد تلاشى كن ما كاني= ونا باقي عليه اطرد سرابك وين ما كنتي
حرام اللي يصير ولا دريتي ويش اضناني= حرام إنك حرمتيني ولا لبعض العهد صنتي
تنامي ما تحسين السهر والسهد باوجاني = افكر وش حصل حتى بتعذيبي تفننتي
تركتيني مع النسيان اعاني مر حرماني= وسليتي ما كأنك عن يقين الحب آمنتي
انا ماعاد فيني حيل تهاوت كل اركاني = احاول انتهض مقدر مدامك بعد ما اذنتي
تعالي نفهم اللي صار ونعرف منهو الجاني = تلاقي قلبي المتهم بريٍ ولا تفطنتي
تعالي وامسحي جرحه بنبضة قلبك الحاني= تعود له الحياة ويبتسم حظه الى لنتي
عتب يوقظ حروف الصمت من اعماق وجداني= تكسّر في جدار الصدّ والإنقاذ منك انتي

تقتبس كامله



بيض الله وجهك




من أجمل النصوص في الفتره الأخيره



استمتعت



بهذه الكائفه

ابيات في غاية الجمال

الله يعافيك يالمهاجر

وصح لسانك

تحياتي

[نجم الإبداع]

الطائر المهاجر

صح قلبك

عاطفيه راقيه

ابدعت ياشاعر

لاهنت

فائق الاحترام

[ابراهيم عبدالحميد]

إبداع و تألق
بكلمات رائعه عزفت على أوتار قلوبنا
و معانى هامت بنا فى لحظات من النشوى و الشجون
سلمت يداك أخى المبدع و دمت لنا

تحطّم كل شي فينـي/ ولا تدريـن/ لاهنتـي

معا احتراماتي لك


ملاحضه كلمت (لاهنتي )

لا مايجوز تأنيثها

لاهنت لرجل وليس لاهنتي للمرأه

وهذا توضيح واعتذر اذا كلامي فيه خطأ

[الطائر المهاجر]

وليش ما يجوز ياعبدالله
وعلى اي شئ اعتمدت في عدم جواز التأنيث

[محمد بن عبدالله السلمان]

صح لسانك .. لاهنت
جميل بوحك بهذه الباذخة الحزينه
تحيتي وتقديري

[الطائر المهاجر]

شكرا محمد
على كريم المتابعه
لاهنت
اطيب التحيه