فلاح أقرب تعال

[نجم الإبداع]

انا معك والحق ماني بخواف = فيضه لطرش البحر واهل الجشاعه
تذكر زمان الكوت في عز الارجاف= هجوا ديار الغرب مثل اليراعه

[ابو زياد]

لله دركما شاعرين متمكنين
متابع ومصفق لكليكما

[سناعيس]

أبو زياد
لاهنت يالغالي
تشريفك يشجعنا

ودي نغير طرقنا يابن منشار=ويصير صدره ار والعجز أدي
يانسل حر طار من بين الاحرار=يكفخ بجنحانه ويهوى التحدي

[نجم الإبداع]

يامرحبا ياصاحبي ولك مقدار = بالود جاك اليوم ياصاح ردي
ياخوي من غيبتك انا صرت محتار= تصد عني كل يوم وتعدي

[سناعيس]

مشاغل الدنيا وبعدي عن الدار=ماقصرت فيني وغصب اصدي
ظروف حدتني ساقها وال الأقدار=وابشرك زالت وهاك المردي

[نجم الإبداع]

عساك سالم ياسناعيس وش صار= نبدي معك في جزر والا بمدي
حنا انزعجنا عنك مانعرف اخبار = والله ان لك وحشه ومقدار عندي

[سناعيس]

لاسلم راسك مانبي كشف الاسرار=ونبي السموحه كانها لك تسدي
الله هو اللي عالم حجم الأضرار=وانت الذي دايم لأزري تشدي

[نجم الإبداع]

اخوي
سناعيس
اسف على التاخير والله اني توي جاي كنت معزوم
استلم لاهنت

العذر منكم ياسناعيس وامجار= دامك معافى فاقترب لاتهدي
ابن القوافي وانتظر رزمة الزار= شد الحزام وناظر اليوم صدي

[سناعيس]

أخوي فلاح ولا يهمك
خذ راحتك الكل منا له مشاويره اللي ماتخلص
الله يعين الجميع المشوار في الرياض يعتبر سفر

أنا من اللي يهتوي نظم الأشعار=ان جاء معي بالطيب والابكدي
الشعر اقوله بالضحى أو بالاسحار=لاني أخذته ورث من عقب جدي

[نجم الإبداع]

خابرك نجمٍ ساطعٌ بين الاقمار = والشعر بين الناس جذبٍ وشدي
لكن انا بانشدك كم وزن قنطار= حسبه قديمه ماتبى منك عدي