محاوره(3) ليلة الخميس 12 ربيع 1

[الطائر المهاجر]

المهاجر=
الجمعة اللي ماتحصل بها كبش= مثل صلاة الظهر والمخ تشويش
سعود الحافي=
بكره خميس ولا تكثّر وتدوش = الوقت محسوب ولا به تغاشيش
المهاجر=
خلك مع القرآن لا تقرب اللبش= وبكر بساعه بعد دشٍ وترويش
نعرف متى الجمعه حقيقه بلا غبش= ومن لاعرفها يلزمه بعض تفتيش
ابو مياس=
العود تال الليل يصير به ربش= ياعود هلل ماتمل العراميش
المهاجر=
هات السؤال بشعر مافيه من هبش= نعطيك له رد يصحى النخاشيش
سعود=
يا طير خلك طير لا تنكب العفش = لا تسبق الاحداث قول وتغبيش
المهاجر=
من لايطب الملعبه يلزمه نبش= ماهوب شاعر لو يجيب التهاتيش
سعود=
حنا نشوف اخبار ونتابع الدش = اخباركم يا طير مثل المطاريش
ماجد الزيد=
لو كان به خيرن فلا شفت بي طبش=الشعر ماعز الشنافر على قريش
سعود=
ياللي نظمت القاف قافه على النبش = الله يكافينا من اهل التنابيش
ماجد=
صبرن صبرته يافهد جارشن جرش=وش عاد لو بصبر ووش عاد باعيش
اجسادنا من تحت كل كافرن فرش=امّه لها الله عاثي بها مخاريش
سعود=
ما قصدي أجرح بالضماير و نبلش = القصد ترويج بمزح وفرافيش
ماجد=
ياسعود ما والله بي باقين هرش=الهم كل جاشي كما يوكل الشيش
سعود=
العود سلمنا طواريق و إنخش = مدري علامه والشوارع تفاتيش
فهد المطلق=
زين الشعر بين النشامى كما الطش=لاصار مابه انتقادٍ وتهميش
ماجد=
راسي عزيتك يرحمك خالق العرش=يحْيا على كيفي يموتن على طيش
فهد=
الوضع الاقشر ياخوي صايرٍ هش=واليد مابه حيل والوقت تغبيش
سعود=
يابوحمد والله لك جــو يربش = منك القوافي كنها كهرب الفيش
فهد=
كلن يشوف اللي تشوفه ويربش=ولاظنتي موجود من قادر يهيش
ماجد=
قدمّت جنّة ربي عن والي القرش=جعل المنيّة قنبله بي ولا اعيش
فهد=
الضيق باقي بالصدور متعشعش=والوضع يفرض نجرع المر ونعيش
فرحان=
ياناس ردوا لي التحية بلا قرش=وش بالفطاحل صابها نبرة الطيش
سعود=
اللي تحزم . قالوا الناس ذا خدش =لو كان له حق عطوه التهاميش
فرحان=
جاكم مسير راجيٍ زلة الفرش=وولى مدحدر رايحٍ يمة القيش
ماجد=
دين الخلوف العن ابوهم على شرش=يفدى المحيزم من تحيزم قياييش
فهد=
مابه مجالٍ لويحاول بيكمش=ولايهتني حتى بمراده ولا العيش
سعود=
ليت السلام اللي على القدس ينعش = ليت العرب تصحا من أعباء ذا الطيش

[النهج المختلف]

الله يعطيكم العافية على المحاورة الجميل

تحياتي لشعراء ... المبدعين

[الطامي]

الله عليكم فطاحله
صح السنتكم جميعا
ولاهنتو

[نجم الإبداع]

صحت قلوبكم جميع

شكرا على النقل

ياعود

لاهنت

عافاكم الله

وتسلم يالمهاجر على النقل

تحياتي

[عبدالله المسعودي]

صح لسآن كل آلشعر1ء ..؛
ننتظر آبدآعكم بـ فآرغ آلصبر ..؛
دمتم بـ كل صحة وعآ‘إفية ..؛

[السريع]

شكراً لما امتعتنا به
تحياتي

[المورد]

مشكور
على المعلومه الجيده
تحياتي

[المؤذن]

شكرا لك
على الجهد الطيب
تحياتي

[خميس]

وفقك الله
وسلمت اناملك
تحياتي وتقديري