ابي التلميذ وين القاه

[الطائر المهاجر]

ابي التلميذ وين القاه من بين المقيميني = حسب قوله انادي له ولا ني بالفعل مليوم

[نسناس الهوى]

احم .. ومالمقصود بالتلميذ ؟! : )
والمعذرة على المداخلة .. فقد قيلت ، "يكاد المريب يقول خذوني"

[الطائر المهاجر]

الا يا مرحبا بك والإسم ماهوب يعنيني = انا التلميذ والطالب وانت مدرسي ذاليوم

[نسناس الهوى]

الا ياصاحبي ماعاد لي اسم(ن) و يشقيني = بفضل الله وثم انته غديت الشاعر المسيوم

[الطائر المهاجر]

انا قلبي دليلي يوم شفت القاف حاديني = من اللي في تواضعه المحبه زايده بالكوم
هلا بك عد ما هل الهلال بماضي سنيني= ومقبل عمرك اللاحق بسعد يتبعك بالدوم

[نسناس الهوى]

فديت القلب بالشاعر يغيب النوم ينسيني = مدامه قاد بي طاروق اباريها ولو بحلــوم
غديت اليوم نسنانس(ن) هبوب الريح يهنيني = اسامر بيتك الوافي بشورك قافي بمنظوم

[الطائر المهاجر]

وضعت الساس وانتوا من يكمل بيتنا الطيني = جماعه لا تناخوا حطهم يمناك ماهم قوم
رجاجيل الوفاء والعز الاقيهم معينيني = وهذا البيت واركانه علت ماهابت امن نجوم

[نسناس الهوى]

مدام الساس تاج الراس. بدلاته يقهويني = حلات القاف لا صارت تقاد بخبرة(ن) وعلوم
ونا نسناس يا حالي فطاحيلك بتعنيــني = بقدم زود ما قدم فطاحيل الوفا و قروم

[الطائر المهاجر]

كفو نيشاننا درع الحميه ما بها سيني = وجودك بيننا يجلي فؤاد المرهق المهموم
ومن حولك رجال كلهم بالفعل ذربيني = جنى واسط لهم تاريخ عز واضح معلوم

[نسناس الهوى]

ونا ماقول في ذلك بشكّ(ن) فيه يشقيني = بلا بأشهد ونا شاهد سماك اليوم بغيوم
وتحرّى تمطر الدنيا يهلّ الخير والزيني = من اقلام الفطاحل يوم تمحي به هـمـوم