العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات ومسابقات الفطاحله

إضافة رد
 
أدوات الموضوع
قديم 21-07-2019, 09:09 PM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي هـلا بالغالـي اللـي مع محفوظ ابو نايف


قام الشاعرمحفوظ ابو نايف بالرد على قصيدتي "رسالة الشعر"

اذا من الشعر ما ترجم الاحساس وش لي به = واذا الشاعر تجاهل حسّ غيره ما يصير انسان
همـوم الـوقت تجبرنا نوضّح وش عذاريبه = وليش الناس رغم القهر تستانس على النسيان
قصيد الحب ملينـا ولـو نطرب لاسـاليبه = بعضنا صـادقٍ بالبوح يكتب شعره الحرمان
وبعضنا صفصفة هرجٍ تعـرفه من تراكيبه = يبي ينقـال شاعر كود يلقى مدحة النسوان
وقصيـد المـدح ياكثره ويكشف عن اكاذيبه = نفـاق وهلس في الغالب لتـاجر يبغي الاثمان
ابي شاعر يقـول الحق ما يجهـل مواجيبه = ولكن دوم في عقـله ولـو هو بالقهر مليان
ولا يوجّـه تهم لانسان مهما بان من عيبه = يلـوم الوقت فالشيهـان يفهم شـارة الشيهان
يوعّي الناس باخطار الزمان وسر الاعيبه = ويوقظ في النفوس الدين يشرح هجمة الصلبان
يصحّي من تورط في المخدر وانسرق جيبه= وعقلـه راح لا حـي ولاميت يعيش جنـان
يبيع العرض أو يسرق ولا يدري من صحيبه= غـدا عبـد المخـدر راضخٍ لامـره بلاعصيـان
ينبّه بنت ما تـدري بشباب صـاع والخيبه= يطـارد في بنـات الناس طعمه يغري الجوعان
واذا منه خلص منها رمـاها وتفقـد الهيبه = تصير بضـاعة للسوق أو تقضي العمر باحزان
ترى شعرٍ بلا اهـداف ولـو أعجبك ترتيبه = مصيره سلّة الاهمـال ولـو من قـاله فـلانان
ــــــــــــــــــــــــــــــ ــــــــــــــــــــــــــــــ ــــــــ
وهذا رده


علومك يالمهاجـر مابهـا شـكٍ ولاريبـه=تبدّى في مطاليعك وتعزف طيّـب الألحـان
ترى سوق المعاني يالسنافي صعب ترتيبـه= كما سوق البضاعه كل واحد ينزل الميـدان
وكلاً ياوسيـع المعرفـه يعـرض مجاليبـه=احد يطلع منه كاسب واحد يطلع منه خسران
احد يهجو عواذيله واحـد يمـدح معازيبـه=واحد يبدي بها بين العرب في عالي المزبان
وانا مالوم ذيبـاً فالخـلا يرسـل مقانيبـه=بعد فرقا وليفه راح يشكي لوعة الحرمـان
جريح القلب يالطير المهاجر صعب تطبيبـه= ومن لام المولّع ياوسيع المعرفـه غلطـان
ولا لوم الطليب اللي يدافـع عـن مطاليبـه = وياقف دون حقّه ما يفرِّط فيه مهمـا كـان
وياطيب الذي يبعد عـن البهتـان والغيبـه= ويازن كل كلمه قبل ينطقها علـى الميـزان
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــ
ورديت عليه


هـلا بالغالـي اللـي يـامـر القيـفـان وتجيـبـه=يطوعهـا علـى كيفـه بلمـسـة شاعـرٍ فـنـان
اذا منـك نزلـت السـوق تنقّـى ماعـرف طيـبـه=وتتـرك كـل ما دونـه فبيـع الطيـب بـلأوزان
وبيـع الجـح بـالاكـوام ولا تــدري عذاريـبـه=بعض مشموس وبعض ابيض وبعضٍ تاجده خربان
خسـارة تشتـري بالكـوم مدامـك عـارفٍ عيبـه=ولو معـروض وملمّـع فـزود الشـئ كالنقصـان
وانا همي بشعـر كالذهـب مـا يخسر اصحيبـه=اذا مـن قلـب يامرحـب يقـاوم آفــة النسـيـان
واذا مـدحٍ لاجـل مكسـب فهـو رمـشٍ بتركيبـه=يغيّر بيـن حيـن وحيـن مثـل مكياج بالاوجـان
واذا هو طعم مـن داشـر لغـزال ينـوي ايصيبـه=فحرام اضيّـع اوقاتـي واشجـع حصنـي جوعـان
ابي شعـر الرجـال اللـي وضـوحٍ فـي مطاليبـه=على اليمّـه ولاينافق ويخـدْم النـاس والاوطـان






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 18-10-2020, 07:18 PM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: مع محفوظ ابو نايف


ردية تستحق القراءه







توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 18-10-2020, 08:08 PM   رقم المشاركة : 3
منيع
براهيم بن حمد/نائب المشرف العام
 الصورة الرمزية منيع






معلومات إضافية
  النقاط : 10
  الحالة : منيع متواجد حالياً

 

افتراضي رد: مع محفوظ ابو نايف


شعر في محله يادكتور
كل الشكر لكما
تحياتي وتقديري







توقيع منيع
 
  رد مع اقتباس
قديم 18-10-2020, 11:31 PM   رقم المشاركة : 4
داعي الشوق
سعود العتيبي /شاعر/نائب المشرف العام
 الصورة الرمزية داعي الشوق






معلومات إضافية
  النقاط : 10
  الحالة : داعي الشوق متواجد حالياً

 

افتراضي رد: مع محفوظ ابو نايف


كل وحده اجمل من الثانية
صحة السنتكم جميع

اول مره اشوفها







توقيع داعي الشوق
 
  رد مع اقتباس
قديم 19-10-2020, 01:11 PM   رقم المشاركة : 5
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: مع محفوظ ابو نايف


صح السنتكم دكتور
ردية طيبه ومميزه
لاهنتو جميع







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يوم في حياة نجيب محفوظ إستبرق خدمة المستهلك 16 25-07-2011 07:19 AM
مساجلة بيني وبين نايف الرحيمي طلال البدور الشهراني همس القوافي للشعر النبطي 37 04-12-2010 09:02 AM


الساعة الآن 03:25 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة