الميدان ياحميدان

[الطائر المهاجر]

هلا بكم
وكل عام وانتم بخير
الدعوة مفتوحة للجميع ، اقلطوا للمحاوره

من بغى الميدان يقلط صوبنا = منه نتعلم وحنا نعلمه
ولو بدينا المنتدى يادوبنا= الفطاحل في المحاور معلمه

[سناعيس]

تونا جينا مافصخنا ثوبنا= عقب عيد به ضحايا مولمه
يقبل الله حجنا مع توبنا=مع نفوس سالمه ومسلمه

[الطائر المهاجر]

المطابخ خففت لذنوبنا = تذبح وتصلخ ولو به مظلمه
تفرض الغالي وتسرق حوبنا= والدراهم قبل ذبح مسلمه

[الــذاهبه]

عيدكم مبارك

وسلمت اناملكم

[سناعيس]

يالمهاجر من خلقنا اسلوبنا=نذبح ونصلخ لوبسكين مثلمه
لين جانا من يغث اقلوبنا=من عماله جاهله ولامتعلمه

[الطائر المهاجر]

ذاك يوم انا نعرف دروبنا = ولا نعرف الا الرجال مبلمه
ومن بعد جات الحضاره صوبنا= صار كل طفل يرضع بحلمه

[سناعيس]

والله اني مرسل مندوبنا=للفطاحل مرسله ومكلمه
وقلت له حنا على مسحوبنا=ننشد الأشعار بشعر نلملمه

[الطائر المهاجر]

الشعر يا صاحبي محبوبنا = نخدمه حتى بليالي مظلمه
لا نصتنا الملهمه فاسلوبنا = ما نفكر كافره او مسلمه

[سناعيس]

الله اللي ملهم(ن)لقلوبنا=وما دخلها من نوايا يعلمه
لا كتبنا شعرنا عذروبنا=ما نفرق بين عارف وجلمه

[الطائر المهاجر]

يوم شاب القاف من عذروبنا= ما بقى شئ يكمل لا "لمه"