الميدان ياحميدان

[الطائر المهاجر]

الموج شوفي علا ياخوف يرهبنا= ماعاد ندري ارتفاعه او مناسيبه
والريح شدّت تبي تقلب مراكبنا = والقرش من حولنا يفتح مشاذيبه

[الطائر المهاجر]

الميدان ياحميدان لكل الحضور
اين المبارز ، اي المناجز ، لايبرز لي كسلان ولا عاجر ، اليوم هز الهزائز ،
هذي اذكرها وحنا في الإبتدائي ناخذها من قصص عنترة والزير سالم
وكل واحد ياخذ له جريده نخله وطباقة مطبخية ، وما فيه إلا شعر وضرب في الطبايق

[نسناس الهوى]

دام المراكب شيّشت والقاف شيّشنا = موج الهبايب ما يثير اليوم ترهيبه
اسكب حروف القاف ويخفّ مركبنا = وشف شفـّة الحوت ذاليوم تسقي به

[الطائر المهاجر]

الموج لو شاش ما ظنيت يرهبنا = حنا الفطاحل وقصر العز نبي به
والراكب اللي تسلق كود يتعبنا = ننطله في البحر لو مسكت عراقيبه

[نسناس الهوى]

والموج مايرهبه غير الفات منطقنا = لا هاج حرفك هجّ لو مانت تهجي به
مثل اللذي قد "كاد" ينطق بها خذنا = موج ٍ "مُريب" اليوم قد لاق طاري به

[الطائر المهاجر]

وان هب ريح الهوى لا وين مهربنا = يعصف بنا لو بدى نسناس نرهي به
وان هب ريح الهوى في الدرب يطربنا= شعر بلا حب شكله شعر تركيبه

[نسناس الهوى]

ون همّ في ذاك السما سحب ٍ وغممنا = تمطر سحايب حرفنا عطر ٍ تلاقي به
ون شبّ ضوّ اللهب في خافقك قمنا = نكتب قصيدٍ بالغزل يْركـد لهاهيبه

[الطائر المهاجر]

ون غطمل النوم في الكنبل تغطملنا = تصبح على خير يافطحول لك هيبه

ههههههههههههههههه

طريقة حلوة للنوم يا مشرفنا

[الطائر المهاجر]

وين اللي ودهم يبارزون قبل ما يغطمل النوم