جيتكم يالفطاحل

السلام عليكم
وياهلا بكم
مبروك عليكم المنتدى يالفطاحل

جيتكم يالفطاحل كودي القى مرامي= الشعر والأصاله في بديع الجمال
قبل ما ادخل قريت وشفت بعض الاسامي= كلكم في الحقيقه من فحول الرجال

لكم ودي وتقديري

[ابو زياد]

مرحبا ياهلابك يا سراج الضلامي=حي رادار حية حي وافي الخصال
حسك اليوم جابك ياسليل العضامي= يم صرح الفطاحل فوق روس الجبال

حياك الله اخوي رادار بيننا

[ضاامية الود]

اخوي رادار

هلا بك والله بين اخوانك واخواتك

ونورتنا فى قدومك وملفاك=ونور علينا يسنافي جديدك


تقبل مني خالص التقدير

ضاامية الود

[ابو زياد]

انت وينك علامك ما ترد السلامي=وانت شاعر ولا به في علومك محال
ناحرين لعينك عاليات السنامي=والصياني تنادي انت وينك تعال

[الطائر المهاجر]

خاف منك وروّح ما سمع للكلامي = اشهد إنك سنافي دون شك وجدال
قال رادار.. قلنا انتبه للسهامي = جتك من طير شلوى من يمين وشمال

[ثار التميميه]

ماشاء الله عليكم

صحت السنكم ولاهنتو

[نجم الإبداع]

عشت يابو زياد الود لك والوصالي = تقري الضيف همك بالمكارم كمال
أنت فارس حقيقه بالمشاعر خيالي = نظمك الجزل يرهب قبل يبداء السجال

[ابو زياد]

ما عليكم مزايد يالفحول العضامي=كاسبين الجمايل شايلين الثقال
انتم النور فينا لين حل العتامي=نستقي الطيب منكم ماعليهاجدال

[الطائر المهاجر]

كيف ذيرت رادرٍ كشف للغمامي = واقلعت طايراتك فوق شمخ الجبال
شهد إنك وليده يالهمام العصامي = صارمٍ صيرميٍ من خيار الرجال

[نجم الإبداع]

زان ليل القصيد وهزنا بانسجامي = ليلة العيد زاهي نجمها والهلال
جعلكم في سعاده غامره كل عامي = والستر دوم والرحمه علينا ظلال