وين شعاركم ياهل الفطاحل تبين

[سعيد الحظ]

المحترمين اخواني واخواتي رواد المحاوره احببت المشاركه معكم بقدر المستطاع والله يحي من يحضر

خلوها

وين شعاركم ياهل الفطاحل تبين= تاخذ العلم عني والمعاني ثبات
اول(ن) ياهلا بالجمع مثل الجنين= والمحبه تعج بسمتها والصفات

[الطائر المهاجر]

جيت شبعان نوم وكلنا نايمين = وش مصحيك وانته عادتك في سبات
تحسبنك لهم ديان وانت المدين= ما تكمل طريقٍ سالفٍ يوم فات

[سعيد الحظ]

خلوها

مالي بماضي(ن)علم وعندي يقين= انك الي تبي تدفع ديوني ميات
ناقل العلم من شذرات يمة حنين = وما رأيته بعيني غير بعد الفوات

[الطائر المهاجر]

الشباب اللي بعمرك من رجال طيبين = يبدعوا بالجديد ويتركوا الماضيات
هات بدعك ونا لك واقف عن يمين = لو تنيشن تهدف غير بعد الصلاة

[سعيد الحظ]

خلوها

السماء فوقنا والارض دارت سنين= والمطر منهمر والسيل خلف نبات
العيون افتحت والزرع غاطيه طين= وانت تفهم بعلم النفس عطني وصات

[الطائر المهاجر]

علم نفس النبات وانت فيه الفطين = ما علي بخيال مبرقٍ في الفرات
وما علي بنبات ما درى بالونين = كل ارض وبها نوعٍ من الكاينات

[سعيد الحظ]

خلوها

ويش لي بالفرات ومشربي يالذهين= من بكار(ن) مجاهيم تقل هن خوات
واكل من النبات احلاه والله معين= يالله انك تجيب السيل يحيي موات

[الطائر المهاجر]

كل شي تغير واختلف بعد حين = انتبه للحليب ان كان تبغي النجاة
المجاهيم ترعي "منضدٍ" من سنين= كل يوم ضحايا والنهايه وفاة

[سعيد الحظ]

خلوها

لاتسري يشين الرد والا يزين = وانت تفهم وتعلم حرفي عندك نواة
وزود اقول المعاني وقفت بتخمين= والمعذب يعذب دون ذنب وجناة

[الطائر المهاجر]

لا تخمن ولا تتعب وخذها يقين = كل شي وضده بين موت حياة
وبين عدل وظلم والزمن مستكين = من تضيعف فهو جاني ولا له سواة