.. اكلات سهلة للعجازات فقط...ღ.*.ღ

[بارقةأمل]

.. اكلات سهلة للعجازات فقط...ღ.*.ღ
--------------------------------------------------------------------------------




ندخل في موضوع الاكلات..انا لقيت اكلات سهلة بس تبيلها بعض المهارة !!!!! يعني مو صعبة ولا معقدة وهذا المطلوب؟وان شاء الله تعجبكم


(الكبسة)


أول شي نجيب الخلاط ونحط فيةبصلة+طماطة+فص ثوم+شوية بهارات+ملعقةصغيرة صلصة+جزرة
نخلطهم بالخلاط بعدين نضعهم في قدرالضغط البخاري بعدين نحط فوقهم الدجاجة المقطعة اوبدون تقطيع (حسب الرغبة )والرز المغسول والمنقوع والملح وفنجال زيت واعواد القرفةوالليمون الاسود وحبات هيل والماء بحيث يغطي الرز ونقوم باغلاق القدر بأحكام ووضعة فوق النارونخلية نص ساعة لين نحس ان الرز بدا يتشرب الماء بعدين نقصر علية من تحت ونخلية لين نحس انة تشرب الماء تمام وبالعافية

********************

وهذا حلى سهل وسريع وتقدر تسوية من الليل وتاكلة على الفطور مايخرب ولايتغير طعمة ولذيذ

(السميدة)

واحد ونص كاس سميد نحطة في تاوة ونحمسة على النار واطية( عشان مايحترق )لين يطلع اشقر ثم نرفعة ونحطة على جنب
علبة قشطة+كاس سكر مطحون نخلطهم مع بعض بعدين نكب عليهم السميد المحموس ونخلطهم لين يتجانسون ونحطهم في صينية ونضعهم في الثلاجة
وبالعافية

************************

وهاذي فطاير سهلة وحلوة وسريعة واطعم باكثير من الفطاير العادية

علبة متوسطة تونة بدون عظم +ملعقة مايونيز +فلفل اسود ملعقة صغيرة +ملعقة عصير ليمون+ذرة ملح
نفتح التونة ونكب الزيت حقها ونهرسها بشوكة بعدين نحط الفلفل والملح وعصير الليمون وبعدين نجيب توستة ونحط شوي ملعقة من الحشوة ونوزعها زين بعدين نحط فوقها التوستة الثانية بعدين حسب الرغبة اذا بغيت تحطها في الالة اولا عشان تتحمر ويطلع طعمها احلى

*************************

وللي يحبون البيتزا صراحة هاذي طريقة مختصرة مرة

طماطة مقطعة مكعبات صغيرة +فلفل بارد مقط صغار +زيتون شرائح +جبن بيتزا

نجيب التوست نحط الجبن بعدين الطماط نقلل منه الفلفل الزيتون ونحط علية التوستة الثانية ونحطة في الاآلة وان شاء اللة يعجبكم

*************************

القطايف

2كاس دقيق +3كاس ماء+نص كاس سميد+ملعقة بكن بودر +ملعقة سكر+ملعقة خميرة

نحط جميع المقادير بالخلاط بعدين نحمي التاوة ونصير نصبهم على شكل اقراص صغيرة بعد ماتتحمر من تحت نشيلهم ونحشيهم الحشوة الي نحبها قشطة ,جبن ,كريمة انتو ورغبتكم بعدين نحط فوقها الشيرة
بالعافية

*************************

هذا حلى سهل

نجيب نص كاس حليب نيدو ونحطة في تاوة ونحطة على نار هادية عشان مايحترق ونحركة بالملعقة باستمرار لين يطلع اشقر
بعدين نجيب الخلاط ونحط فية علبة زبادي +2فنجال سكر+الحليب المشقر نخلطة مع بعض لين يتجانس
نجيب صينية وناخذ بسكوت شاي ونغطة في ماء ونصف لين يغطي جميع الفرغات ثم نصب فوقة الخليط ونحطة في الفرن ونولع الفرن بس من فوق لين يحمر بعدين نحطة بالثلاجة وبالعافية


**************************

مسااكين تكسرون الخااطر عشان كذادورت لكم على هالاكلات البسيطة والحلوة في نفس الوقت ولاتنسوني من دعواتكم وانتم تطبخون خخخ
باااااااااااايو ياعجازات

[الخنساء]

شكرا ام زياد

ما قصرتي اكلات بسيطه وسريعة فعلا للكسولات

لكنها لذيدة موريها

دمتي بخير

[عابرة سبيل]

يعطيكي العافيه اختي ام زياد

<<<<<<<<<<<<<<<<<<<<<<<< مهيب عجازه ابد خخخخخخخخ
دمتي في حفظه تعالى

[السفيرة]

يعطيك العاافيه ام زوزو وتسلم ايدك ياااقلبي

تحيااتي

[عذبة الطباع]

يسلمووووووووووووام زيزو
بس لو تسوينها وترسلينها احسن
تحياتي ..

[بارقةأمل]

المشاركة الأصلية كتبت بواسطة الخنساء

شكرا ام زياد

ما قصرتي اكلات بسيطه وسريعة فعلا للكسولات

لكنها لذيدة موريها

دمتي بخير

هلا وغلا بالخنساء

تسلمين على المرور العطر وتراها بعد تصلح للسنعات إذا جاهم أحد فجأة وتبي تحط شي يبيض الوجه
ويملى سفرتها من أشياء سريعة وسهلة وغير مكلفة والباقي منها تحطه بالثلاجة
مايضيع هذي ميزتها
تحياتي لكي وإحترامي وتقديري

[بارقةأمل]

المشاركة الأصلية كتبت بواسطة عابرة سبيل

يعطيكي العافيه اختي ام زياد

<<<<<<<<<<<<<<<<<<<<<<<< مهيب عجازه ابد خخخخخخخخ
دمتي في حفظه تعالى

هلا هلا بالعجازة أحلى عجازة


يمدحون الحركة ترى وخلي عنتس العجز

مشكورة حبيبتي ما قصرتي ولله

[البديعي]

بارك الله فيك
على ما تقوم به
احترامي

[المتابع]

الف شكر
على ماجاد به قلمك
تحياتي الطيبه