كنافة غريب الآه ( 1 )

[الغريب]

المقادير:

كيس كنافة

من ثلاثة أرباع إلى كاس كامل سمنه فارم

* علبة قشطه التاج

*موز 6 حبات

شيره

ألطريقه :

من الأفضل انك تقطع الكنافة قطع صغيرة إما عن طريق اليد أو ممكن بمقص لأنها كل ما صغرت كل ما كان

طعمها ألذ وفي طريقة الأكل تكون أحسن بدل ما تكون قطع كبيرة وتطيح وشي يطيح من فمك ! وتفرك الكنافه بالسمن وتفرك كل شوي تصب سمن وتفرك الكنافه وتفركون لازم تتشرب السمن يعني اهم شي تنتبهون لها النقطه

عملية فرك الكنافه بالسمن وهي اتعب شي في تحضير الكنافه،،،،،، فركتوا وطاحت يدكم ها الحين.

تدهن الصينية بقليل من السمن ويفضل تكون بايركس ( قزاز ) عشان تشوفين إذا تحمرت من تحت ولا ، لا.

تفرد الكنافة في الصينية ولازم تراعين ما يكون هناك فراغات بينهم يعني لازم تكثرين شوي.

بعدين نحط ألقشطه وإذا كانت الصينية كبيرة نحط علبتين وعلى العموم اعتبروه على حسب الرغبة

بعدين نقطع الموز ونحطه كطبقة ثانيه فوق ألقشطه وإذا انتو مثلى تحبون الموز كثروا، ما تحبون الموز لا تكثرون

بعدين تحطون الطبقة الأخيرة من الكنافة

وفي الفرن

أول شي من تحت

مهم جداً تعرفون إذا الفرن عندكم قوي راح تأخذ من نصف ساعة إلى ثلاث أرباع الساعة اما اذا فرنكم منتهي ولا فيه شده ساعة إلى ساعة وربع

وبعدين تغيرون النار على الوجه الأعلى الين ما تأخذ اللون الذهبي

وترشو عليها الشيرة بس لازم تكون الشيرة باردة يعني برودة عادية بس ممكن اذاتبون تحطونها في الثلاجة من وقت مايخالف
وبكيفكم تحبون تقدمونها حارة باردة أهم شي أنها تعجبكم

*الكمية على حسب الرغبة

اتمنى انها تعجبكم واشوفكم في طبق جديد احتمال سلطه المحاربين القدماء
وبالهناء والشفاء

[الخنساء]

شكرا اخوي غريب علي الطبق الحلو تسلم يديك
لك تحياتي

[ابو زياد]

اما كيكتك ياغريب الاه رهيبه
انا قاعد افكر في طريقة الاكل
واتخيلني ((ابدد)) واثمي مايمسك
نسيت باقي الطبخة
يسلموا على الحلا

[الريم]

والله حركااات حتى الحلويات ما خليتهاا عنك

يسلموووو ويعطيك العاافيه على الوصفه اللحلووه

[احساس أنثى]

تسلم اخوي غريب
بصراحه عليك طبخات ولااحلى أنا الان بقوم للمطبخ اسويها شكلها حييييييييييييييييييييل شهي
بس تبي الصراحه عيني عليك بارده هاه علشان ماتقول عطيتوني عين
الي بتتزوجك بترتاح طول اليوم متكيه وأنت في المطبخ
<<<<<شكلك تحب الطبخ والدهره>>>>>>>>>

مشاءالله عليك يا غريب

انت خطير لك يد في كل شي

يعني قفزه من السليق للكنافه

بس هذي شكلها تستاهل(( احد ما يحب الكنافه ))

مشكور و يعطيك الف عافيه

[شموخ سدير]

الله الله الله عليك رااااااااائعه جدا جدا جدا


تسلم يدك ....ملاحظه كل شي عندك حسب الرغبه

[أم ريما]

يعطيك العافيه اخوي غريب الآه


طريقه سهله ولذيذه ... شكرا لك


تحياتي لك

[الغريب]

المشاركة الأصلية كتبت بواسطة الخنساء

شكرا اخوي غريب علي الطبق الحلو تسلم يديك
لك تحياتي

تسلمين على ها المرور الرائع

اتمني انك تجربيها

تحياتي

[الغريب]

المشاركة الأصلية كتبت بواسطة شموخ سدير

الله الله الله عليك رااااااااائعه جدا جدا جدا


تسلم يدك ....ملاحظه كل شي عندك حسب الرغبه

ابوزياد والبقيه الباقيه

ابي ارد على شموخ تخبرون تبي تخطبلى مدرسه يعني واسطه

شوفي اخت شموخ بخصوص ملاحظتك

الكنافه او الحلويات عادتاً الرغبه تختلف من شخص لاخر فيه ناس تسوي كنافه الموز بدون قشطه

فيه ناس ماتحب الشيرة فيه ناس تحب القشطه اكثر من الموز عشان كذا انا قلت حسب الرغبه

اتمني ان رديت على سؤالك واي استفسار لا تترددي هما نهايتها بتخطبين لى المدرسه