العودة   منتديات الفطاحله > منتديات الشعر النبطي/يمنع الفيديو > ساحة المحاورات

إضافة رد
 
أدوات الموضوع
قديم 29-01-2006, 11:50 PM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي ردية بيني وبين الخلاوي


حيّاك ربّك من تسمّى الخلاوي =أصلك وفصلك كان ما فيه عايبه
لي في نزار وزارةٍ اكتفي بها=ولي في نزار الجود اعلى مناسبه
البعض قالوا عنك بالأصل هايف =ومادمت أصيلٍ فليش اسمك تجانبه
واذكر وصاة من منيع بن سالم= وغيري الى (من جاع تظهر معايبه(
شبيهة ميثاء يالصليبي خلها =ولو كنت جايع (والصفاري بلهايب(
وخليتها لعيون ميثاء عتيقه =عتيقة صليبي (ذراعه كسايبه)
صبرنا وعدنا في صليب وحالهم =وما عابهم واهفا هفاهم جلايبه
يعني اصولك من صليبٍ وربعهم=وين العلاقة مع نزار ونسايبه
ترى صليب اجاويد نما الجود جدهم=نزار الذي صلب العرب من صلايبه
اجاويد قوم قلب الله قلوبهم =بحيلات سوء عابت القوم خايبه
قوم طغوا والناس في الجاهلية =وازرى بهم شرك تطاما غبايبه
كلامك جديدٍ تجهل الناس ساسه =فاللي يعرفونه من افكار صايبه
يقولوا بقايا حملةٍ للصليبي=بعد حملة للشرق عادت بخايبه
وعندك خبر منها فليا تجادل=فهي سابقه وقتك وتدري نوايبه
الا ايها اللوام كفوا ملامكم =وخلوا سبيل الخلاوي و صاحبه
فماذا لكم لا اسعد الله فالكم =من الحظ في تصريم حبلى وجاذبه
صبرنا على البلوى وما جا من السما= وشلنا حمول فوق ما يطاقبه
يباتون حسادى على صالي الغضا = ويضحون في ذل من الله خايبه
الرجل من فعله ولا افعال جده=ومهما يكن اصلك ففعلك مغالبه
لكن بغيت افهم عن الشعر حاجه =وش شوفتك في الشعر واللي يقاربه
قد قلت اشعار الملا هي ثلاثة=من راي فكر حل قلبي وجالبه
شعر يموت وصاحبه حي لو فنى =وشعر يعيش ماعاش صاحبه
مامات من هذي بقاياه في الورى=ولا نسي من أنشا من الشعر صايبه
ترى الناس من فج عميق تجيله=وتجري مدامعهم على الارواح ذاهبه
ممكن عسى تسلم نعرف الخلاوي=من نظرةٍ للكون بالنصح طايبه
العبد بالنيات يجزى بما نوى= في نفس قول الله والشرع قال به
فلا للورى عما بدى الله متقى =ولاحيله يحتالها الخلق (صايبه)
ولاخير في مالٍ عن الله شاغل = ولاخير في دنيا عن الله حاجبه
دنيا بليّا دين نقمه على الفتى =ما يهتني فيها لكثرة مصايبه
ورجل بليّا خوف من رافع السماء=مهما تقرّب لك فليّا تقاربه
الى دقت الوسطى بالأبهام تذكرت = زمان مضى ماله رجوع (بعجايبه)
فلابد ماسحم الضواري تحوفني = بليل ولالي عن لقاهن (حجايبه)
نعد الليالي والليالي تعدنا = العمر يفني والليالي (عقايبه)
ومن قال إن الحذر يمنع القدر= فأقاويل جهال من ابليس كاذبه
الاقلام جفت بالذي سار واستوى =على الكون وطوال السجلات كاتبه
العاقل اللي في حياته تفكّر= يدري النهاية كنها الشمس غاربه
وما قدر الرحمن لابد واقع =والمؤمن اللي ما تهزه مصايبه
من تابع المشراق والكن والذرا =يموت ماحاشت يديه( لطلايبه)
فاغنم متى ما لاحت من العمر فرصة =وان هب نسناس فإذرفي سواسبه
ترى أبرك ساعات الفتى مابها الفتى=ومافات مات وساعة الغيب غايبه
والي ضاع عمر المرء في ليت أو عسى=فكثير التمني مابنى بيت صاحبه
فمن عود العين الرقاد تعودت= ومن عود العين المساري (تصاحبه)
ياطول ماوسدت راسي كتاده= ما بي وساده خايفٍ من تبايبه
الدين ماهو رهبنه في العباده = لكن عمل ايضا يقوّي شكايبه
ومن لا استغل لقوته في شبابه =ما يهتني في شيبته من مكاسبه
والدين يدعو للتواضع قناعه = يبي رجالٍ تحتمل كل نايبه
والاطباع تطبع جود من جاد جده = ولو كان من بيت رفيع وناصبه
والأطباع تارد الفتى مارد الردي =ومالدين والدنيا والأطباع خاربه
فالرجل ماهو من تعزوى بجده = لكن بفعله ما انعرف عنه عايبه
مقام الفتى في منصب العز ساعة=ولا الف عام يصحب الذل صاحبه
حياة بلا عز محا الله حظها= حياة الفتى لافاتها العز خايبه
والذل داء للضواري يسلها=كما سل داء السل معلوق صاحبه
فإلى المرء صار العار والذل حظه = فالموت سترٍ له يغطىَ معايبه
والاجهاد عدى اللايمات من الفتى = والارزاق ماتأتي الفتى من (طلايبه)
والدار ما يحصر عليها وليدها = دار الفتى ما طاب فيها مكاسبه
والله اقسم بالنفس ليش ذلّها =من اجل دنيا يوم لابد ذاهبه
فافعل سبب فالرزق معروف ضامنه =حتى ولو هاجرت والنفس ذايبه
وحريب جدك لو صفى مايودك = وعينيه لو تبكي لك الدم كاذبه
ومن لايعدي عن حياضه تشرع = ومن لايكرم لحيته حلق شاربه
ومن لايرد الضد بالسيف والقنا=ويحمي الحما تطلع عليه الثعالبه
ومن لايباشر شر الاشراروالعدا= يوطا وكف عداه لحماه خاربه
ومن عود الصبيان ضرب بالقنا =نخوه بنهار الكون (والشمس غايبه)
ومن عود الصبيان من زاد بيته=عادوه لو هم من( قرايب قرايبه)
هذا يفسّر هجمة الغرب وأصلها=فالحقد من جدّانهم من سبايبه
داسوا مهابتنا وعشنا المذله =حتى لحانا مالها اليوم هايبه
فلا السيف نافع دام نضرب من السما=من دون علم الحال لاشك عاطبه
وترى احسد الحساد ترميه غيره=ويكفي بها داء عن الموت نائبه
فلولا الحسد مازال ابونا مخلد =ولام حوا في نعيم بجانبه
ومن أكرم الحساد أشوى قلوبهم = في قلة حمراء من النار ثاقبه
"تموت الافاعي وسمها في نحورها"=والنار تاكل مابقى من لهايبه
فاعمل ولا تهتم في حقد حاسد = فالصمت سيفك كان تنوي تحاربه
ترى الصبر مفتاح الافراج كلها =ولو هو برقيك مر حلو عواقبه
والصبر محمود على كل ماجرى = الا الى ادى الى ذل صاحبه
الصبر طيب دون ياسٍ من الفتى=واللي بقلبه دين صبره ركايبه
قولوا لبيت الفقر لايامن الغنا =وبيت الغنى لايامن الفـقر( جانبه)
ولايامن المضهود قوم تعزه = ولايامن الجمع العزيز) لمصايبه)
فما بين غمضة مقلة وانتباهه = فلا يندرى من أين تذوي هبايبه
دنيا تقلّب ما عليها دليله= والعاقل اللي والم لكل نايبه
كم ليلةٍ بالحزن فرجت مع الفجر =وكم ليلة بالسعد بالفجر قالبه
وللجار حق قاله الله في السماء =وللجار أدى صفوة الله واجبه
اليوم جارك اقرب الناس حولك=تلقاه في لحظه على اخوك صاعبه
ولاتتقـي في خصلة مالها ذرا=ولاتنزل الا عند (مفّل ركايبه)
ذراك هالأيام قرشك وجاهك = و (واوٍ )تخلي حجتك دوم غالبه
ولاتـسفه المنيوب لاجاك عاني= اياك (ووعودٍ مع الوقت كاذبه)
ولا تصير ضفعه كل يلعب عليها= تكفل خسيس ثم تدفع ضرايبه
ومن عاب شخص قبل يبصر بنفسه= يرى فيه ما لا ينحصر من معايبه
فكلٍ به عيوبه ولا فيه كامل =الا اله العرش مجري سحايبه
وترى شور من لا يستشيرونه الملا =شمعة نهار في ضياء الشمس ذايبه
فالبير مايدري بها الا دليلة =وخيار من ينبيك بالبير شاربه
وفي الراي يا مشكاي خمس تعجل = ونقص تأخرها تلاقي ضرايبه
الجد والتزويج والحرب للعداء = والفرض والقرض الذي في نوايبه
النصح واجب دون ادنى مضره = لا صار خلك يشتكي من مصايبه
والعلم وفرّ كل نصح تريده=في "النت" تلقى ما تبي من عجايبه
بعض التعجل مورثٍ للندامه =وخصوص في التزويج والنفس طالبه
لكن وش اللي تنصحه يالخلاوي=بين النساء ما دمت بالراي صايبه
لاتاخذ الهزلا علشان مالهـا= ولاتقتبس من نارها (او لهايبه)
لاتاخذ الا بنت قوم حميده=عـسى ولدها (يكف عنك مصايب)
فاختص عفرا شارق الشمس خدها =وتغني عن القنديل ماالشمس غايبه
خدً وقدً واعتدال وقامه =وردفٍ طوى للثوب سبحان ناجبه
ليلٍ مقفاها وصبحٍ قبالها = ومن كل دل زاهي الزين جالبه
لعوب كعوب جل من صاغ وصفها= تثنى وحال الشد ياصاح جايبه
در نفيس منتقى كل منتقي = كالدانة الصفراء لدى الرأي ناجبه
وترى سيد الاحكام ماكان مرتضى = ومن يرتضي شيئ ويهواه( صايبه)
نصف الشباب اليوم ببلا وظيفه=وبناتنا عنس ترى النفس طايبه
وش لون يتشرط فقير ومعدم = لا من لقى له "ابلة" الخير جالبه
مادامت القاضي وترضى لنفسها= ياحسين ارجسها ترى الوضع سايبه
عزّ الله إنّك يالخلاوي مجرب =واللي ذكرته يكشف اسرار غايبه
هذا كلام الحرّ من نسل يعرب=وأصل الرجل طبعه يوضّح صلايبه
وما قلت قبلك قاله رجال ودّعوا =زهير بن سلمى قد مشيت بركايبه
لكن ترى ما كل ماقلت نافع =بوقتٍ قلب والناس تشكي لهايبه
مشكور راشد رحلة اليوم وانتهت= مقبول بالفردوس تسعى برحايبه






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 30-01-2006, 02:34 AM   رقم المشاركة : 2
يزيد النمي
شاعر
 الصورة الرمزية يزيد النمي





معلومات إضافية
  النقاط : 10
  الحالة :يزيد النمي غير متواجد حالياً

 

افتراضي


ياسلام عليك يا مشرفنا
ابداع رائع

بس الله يهديك كنك احرجت الرجال اول ما هنا







توقيع يزيد النمي
 
  رد مع اقتباس
قديم 30-01-2006, 06:50 AM   رقم المشاركة : 3
الامير
أهلا بك





معلومات إضافية
  النقاط : 10
  الحالة :الامير غير متواجد حالياً

 

افتراضي


صحت السنكم حكم تكتب بماء الذهب







توقيع الامير
 
  رد مع اقتباس
قديم 30-01-2006, 03:11 PM   رقم المشاركة : 4
ابو زياد
(عبدالله الحسن)شاعر
 الصورة الرمزية ابو زياد





معلومات إضافية
  النقاط : 10
  الحالة :ابو زياد غير متواجد حالياً

 

افتراضي


صح لسانك يابو عبد الله
على الردية الرااااهيه
المليئة بالحكم والامثال







توقيع ابو زياد
 
  رد مع اقتباس
قديم 31-01-2006, 06:05 PM   رقم المشاركة : 5
الخنساء
عضو شرف
 الصورة الرمزية الخنساء





معلومات إضافية
  النقاط : 10
  الحالة :الخنساء غير متواجد حالياً

 

افتراضي


صح لسانك يامشرفنا مواعظ وحكم تسلم الله لا يحرمنا من حرفك تحياتي







توقيع الخنساء
 
  رد مع اقتباس
قديم 31-01-2006, 09:10 PM   رقم المشاركة : 6
أم ريما
عضو شرف
 الصورة الرمزية أم ريما





معلومات إضافية
  النقاط : 10
  الحالة :أم ريما غير متواجد حالياً

 

افتراضي


صح لسانك

ويعطيكم العافيه جميعا


تحياتي لك ..







توقيع أم ريما
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:22 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة