العودة   منتديات الفطاحله > المنتديات العامة/يمنع الفيديو > القبائل بلدانها وشعرائها

إضافة رد
 
أدوات الموضوع
قديم 07-05-2006, 02:38 AM   رقم المشاركة : 11
سناعيس
سليمان السالم/شاعر عضو شرف
 الصورة الرمزية سناعيس





معلومات إضافية
  النقاط : 10
  الحالة :سناعيس غير متواجد حالياً

 

افتراضي


وهذه أيضا مشاركة وهديه سابقه لأهل الحريق
نوردها هنا مادام الكلام عن هذه البلدة العزيزه

أباأنشدك ياللـي تعـدد خطاويـك=وراك ماعديـت لـم الحـريـق
لأجلٍ ينادونك ايـلا حـل طاريـك=يافلان "يالمحظوظ" لك به ارفيـق
أنا أشهد انك ديرة حي مـن فيـك=حبلك غليظ وحبل غيـرك ادقيـق
عز الله ان اللي ربى وسط أراضيك=باله وسيع وصدر الأنـذال ضيـق
أنا أحمد اللي جابني في حراويـك=وزاد الشرف لي فيه قلبٍ اشفيـق
للمنتدى ولكل منهـو كتـب فيـك=أزكى سلام من سناعيـس شيـق
وسلامتكم
تحياتي






توقيع سناعيس
 
اللهم ارحم والدتي وأسكنها الفسيح من الجنان واحشرها مع الانبياء وعبادك الصالحين وأموات المسلمين
  رد مع اقتباس
قديم 07-05-2006, 03:18 AM   رقم المشاركة : 12
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي


يقولون لي وش ديرتك قلت فوق طويق = بنجد العذيّه نجمةٍ فوق الاقماري
لها في جبين الدهر بصمه من التوثيق = بمجد انكتب في صفحته غصب واجباري
والى من طلب مني اسمها قلت بالتدقيق= تراها الحرّيق درة الكون للساري
فتاريخها المشهود ما احتاج للتحقيق = حروفه ذهب مطبوعه بكل آثاري
سلوم الشهامه والكرم لونها تعتيق = وفي العمق نبع المرجله يسقي الجاري
بها رجال هم ربعي وعضدي بلا تفريق = فكلٍ مثل درعي على هول الاقداري
وانا سيفها البتّار وقت الرخاء والضيق = فهي من عطتني المرجله رمز وشعاري
تبينا نصون العهد ونصدقه تصديق = على حبها بالفعل في عزم واصراري
تبي مجدها السالف بغصن الزمن توريق= تعود لطبيعتها ملاذٍ للاحراري
شياهين مسكنها بعال الجبال شهيق = ولا ترتضي بالقاع او تحت الاشجاري






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 07-05-2006, 03:20 AM   رقم المشاركة : 13
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي


لي ديرةٍ بين الجبال الشامخه لمع الجدي = تاريخها المنقوش في صدر الزمن فخر ومهابه
من خلقت الدنيا وهي كالشمس فيها نهتدي = نحسها بقلوبنا تمطر عليها كالسحابه
تروي عروق ضاميه في حبها العذب الندي= وتزهر ورودٍ ذابله من مزنها شهدٍ شرابه
هذي الحرّيق ديرة الأمجاد منها نبتدي = وفيها نهاية فخرنا تاريخ مفتوحٍ كتابه
ديرة هلي ديرة مناعير الرجال السجدي = لله وحده ما ارتجوا مخلوق لو يفتح لبابه
كلهم هلي ، هم محزمي هم في الشدايد مسندي= هذا ولد عمي وذا خالي وهذا من القرابه
ما بيننا منهو غريب الساس والاّ المولدي = الدم يجمعنا اختلط من كل عرق وكل لابه
اجدّاننا شادوا بناها وقهروا للمعتدي= وهم من ركض للضيف وارهوا دمهم يحمي ركابه
وهم من فزع للجار يوم النهب والوقت الردي = وهم سطروا اجمل ملاحم ما تكفيها الكتابه
احرار ما نخشى سوى اللي في المساجد يعبدي= وقلوبنا مع بعضها وشعارنا طيب وحبابه
بكره نشوفك ديرتي بالعز فوق الفرقدي = نجمٍ تلالا مثلما كنتي لنا عز ومهابه






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 07-05-2006, 03:23 AM   رقم المشاركة : 14
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي


الا يا ديرةٍ في القلب محياها ومسكنها = ترى الطير المهاجر ما نساك ولا نسى الغراس
نخيلك شاهده باللي غرسها يوم وامنها = وبنى بين الجبال بيوتك اللي عزمها بالساس
لتبقي دوم في العالي ببصماتٍ لها السنها = تقول إن الحريّق عزها يلمع كما الألماس
لها الصولات والجولات عن شرق وميامنهـا=على درب الفخر والمجد ترفع للنصر أقـواس
فكم من غازيٍ جاهـل نواهـا مـا يثمّنهـا=دفن واللي معه ما حققوا عـزٍّ ولا نومـاس
والى منّه نخاها الجار يمشي الموت يعلنهـا=وراي رجال شجعانٍ لنار الحرب هم مقبـاس
رجالٍ من نصاهم ناصـي العـزّه وموطنهـا=يعرف إنّ الشهامه نبضهم في الدم والأحساس
خذوا من ارضهم أصل الرجوله وطيب معدنها=وصاروا بالذكر رمز الكرم ما مثلهم أجنـاس
ولو فكّرت في معنى الحريّـق دون اخمّنهـا=فهو اسمٍ على مسمى على الأعداء والأنجاس
لقوها كنّها البركـان مـن يقـدر يوازنهـا=ومن قرّب حواليها شوته النـار كالقرطـاس
بفعال رجالها اللي ما رضوا للخصم يغبنهـا=براكين الغضب تهدر وتشعل في السماء قدّاس
منـارات الشمـوخ ابرّهـا تهـدي مآذنهـا=شموعٍ بالفرح توضي وتلبس عزها نومـاس
وتعلن للملا رمز الشجاعـه ويـن مزبنهـا=اذا ذكر الحريّق فزّ من في داخلـه وسـواس
توسط حبهـا "واسـط" بقلـبٍ مـا يخوّنهـا=ولو هو مبعد عنها لها في ضامره أرمـاس






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 07-05-2006, 03:27 AM   رقم المشاركة : 15
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي


الا ياطير يمهاجر رفض ذل القيود وطار= يغنّي بالفخر مجدٍ تميميٍ تطرب لحونه
يبي حريته مهما مشى من اجلها الاخطار= رضعها مع حليب امّه ولا قدروا يفطمونه
مشرّف جدّي الأول ترك للعالمين آثار = وكتب عهدٍ على ذرينه لابد يوفونه
معزّة نفس ما تشرى ولا تنباع بالدينار= ونبضٍ بالشهامه والكرم بالكون يحيونه
بنى حصن الرجوله فالحريّق معقل الأحرار= وملاذٍ للذي يبغى من العدوان يحمونه
هل الطولات هم ربعي لهم في ضامري مقدار= شجاعتهم حمت جيرانهم والخصم يرهونه
الى من ذكّرت لي ديرتي بركان قلبي ثار = حمم في كل نبضاتي على تاريخ يخفونه
زمان البوم ما يبغى لها في عالمه تذكار= نسوها كودها تدفن بليلٍ بانت مجونه
لأنا نرفض الذله لغير الواحد القهّار = ولا نسجد لغير اللي جميع الخلق ينصونه
ولكن باقيه بصدورنا كالنقش بالأحجار = تذكّرنا بمجد لو نسوه الكل يدرونه
لك الله يالحريّق في زمان ينكر الأخيار= غديتي مهمله كالقبر قلوا من يزورونه
وغيرك ماخذٍ حقّه ولو هجره بلا خطّار= مدامه ينتفع اركانها من اللي يخدمونه
قدرك إنّك بقيتي حرّةٍ ما تتبع التيّار = وغذيتينا على مبداك نرفع عالي حصونه






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 07-05-2006, 03:29 AM   رقم المشاركة : 16
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي


تميمي وين ما امشي عزيز ورافع للراس = رصيدي في الحضاره واضحٍ والمجد من دونه
من أوّل نشأة الدنيا وانا القيدوم بين الناس= وانا من يكتب التاريخ حتى الخلق يقرونه
اخذ مني الفخر معنى وعطيت الإسم للنوماس= تميمي اصله وفصله وكل العرب يدرونه
واخذ مني الذهب صفوه وعطيت اللمع للألماس= نقي العرق ما دنس عروقي باهتٍ لونه
انا من ينتخى به ما انتخي في السلم والمقباس= ما اهاب ولا اخاف الموت لو كل يهابونه
خلقني ربنا للحق وفصلني عليه لباس = فصدري درع ورماحي بطريق العدل مسنونه
واذا ربي خلق خلقه وخلاهم شيع واجناس= فانا من ميزه ربه بشيٍّ ما يعرفونه
ما اطيق الضيم لا .. لا .. لا .. ولا احني هامتي والراس= لغير اللي جميع الخلق في الضيقات ينصونه
انا اصل العرب كل العرب من معدني تنقاس = وانا بين البريّه فخر رب الكون في كونه
عطاني الله من نوره شعاعٍ يحرق الوجّاس= وحصن للعقيده يرتفع والروح من دونه
تميمي لا نطق حرفي تجاوبه الملا حراس= امشيهم على درب الفضيله حين ينسونه






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 07-05-2006, 06:30 AM   رقم المشاركة : 17
الغريب
عضو شرف
 الصورة الرمزية الغريب






معلومات إضافية
  النقاط : 10
  الحالة :الغريب غير متواجد حالياً

 

افتراضي


تسلم يا ابو عبدالله على ها المعلومات

ابو انس ابيات قمة في الجمال

واتذكر قول الشاعر

احلى الديار من القصيم للحريق

قصة عشق من سمعها غنابها

الماضي يا اللى صار للحاضر طريق .....كملو







توقيع الغريب
 
يسخر من الجروح ..كل من لا يعرف الألم !
الغريب
  رد مع اقتباس
قديم 07-05-2006, 06:32 AM   رقم المشاركة : 18
الغريب
عضو شرف
 الصورة الرمزية الغريب






معلومات إضافية
  النقاط : 10
  الحالة :الغريب غير متواجد حالياً

 

افتراضي


وسبعة انعام

بتميم واهلها







توقيع الغريب
 
يسخر من الجروح ..كل من لا يعرف الألم !
الغريب
  رد مع اقتباس
قديم 07-05-2006, 11:39 AM   رقم المشاركة : 19
أم ريما
عضو شرف
 الصورة الرمزية أم ريما





معلومات إضافية
  النقاط : 10
  الحالة :أم ريما غير متواجد حالياً

 

افتراضي


صح لسانك

وما شاء الله قبليه تميم عريقه ومعروفه

يعطيك العافيه

تحياتي لك







توقيع أم ريما
 
  رد مع اقتباس
قديم 07-05-2006, 01:10 PM   رقم المشاركة : 20
عبدالله بن سعود




معلومات إضافية
  النقاط :
  الحالة :

 

افتراضي


مشرفنا الغالـــــــــــــي

مشكور على هالمعلومات الجيده

الله يعطيك العافيه وما قصرت

وننتظر المزيـــــــد من المعلومات عن مدن وقرى المملكه

لكي يستفيد الجميـــــــــــع







توقيع عبدالله بن سعود
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 15 ( الأعضاء 0 والزوار 15)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الأحنف بن قيس أمير تميم في عهد الرسول صلى الله عليه وسلم العنود المواضيع العامة 15 16-12-2010 06:50 AM
اصالة تميم في مجلة بلا حدود ابراهيم السنيدي الصحافة والعلاقات العامه 18 21-01-2007 11:52 PM
لكل اسبوع عضو مثالي الطائر المهاجر الصحافة والعلاقات العامه 190 13-05-2006 04:30 PM


الساعة الآن 01:51 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة