بعد مافقدت الأمل في الحياة [قصة حصلت لي ]

[وجدان القلوب]

المشاركة الأصلية كتبت بواسطة أم فيصل

الحمدلله على السلامه

تحياااتي لك

الله يسلمك ...مشكوره أم فيصل على قراءتك لمواضيعي..والله شي يسعدني..

[وجدان القلوب]

المشاركة الأصلية كتبت بواسطة الريم

مره تأثرت ...

بس الحمدالله الحمدالله الحمدالله على سلامتك حبيبتي

ما تشوفيين شرر ,,

والله هالناس ما يعطوون خيير ابد انتبهي مره ثانيه يا قلبي وخلك احرص وحطي ببالك اي شي ممكن يصير

ياعمري
الله يسلمك.. وجعل الشر مايجيك..

[وجدان القلوب]

المشاركة الأصلية كتبت بواسطة القــعـقـاع

الحمدلله على سلامتك اختي وجدان...

الله يسلمك أخوي.....

[وجدان القلوب]

المشاركة الأصلية كتبت بواسطة المشرف العام

الحمد لله على السلامة

الله يسلمك..

لكن ابيك تفهمين حاجة وحدة ، ما تعرضتي له ، اجهاد للجهاز العصبي ، صاحبه بعض الإضطرابات الجسمية النفسية المنشأ ، وأي متخصص ، يستطيع أن يعالجك منها في خلال اسبوع إلى اسبوعين فقط . فقد عالجت الكثير
من مثل حالتك حينما كنت في العيادة . وبالتالي شيلي من فكرك أي تفسيرات اخرى ..
تحياتي

لو أدري كنت جيت تعالجت عندك ومنها كنت انت طمنتني وطمنت أبوي وأمي...

بس على فكره ياأبو عبدالله المكان هذا اللي أنا مرضت فيه ....ماتلقى بيت عندهم سليم من العين أو الحسد...
طبعا هي هنا بالرياض بس مايحتاج أذكرها....
ويمكن كلامك هو الصح لإن خبرتك أكثر مما لاشك... ومشكور على قراءتك للقصه..

[الغريب]

الأخت الفاضلة وجدان

أول شي أحب أقولك حمد لله على السلامة والحمد لله إن الله رزقك بأب وأم حنونين وشغالة طيبه

بخصوص ما ورد في قصتك المؤثرة جداً

أحب أقولك نصيحة اعتبريها من أخ لأخته من أب لابنته على راحتك

أكثر ما يصاب بالعين والمس هن النساء

لذلك أنصحك أكثري من الدعاء وداومي على قراءة أذكار الصباح والمساء وقراءة المعوذات

وبعد صلاة الفجر والمغرب كرري ثلاث بسم الله الذي لا يضر مع اسمه شي في الأرض ولا في السماء وهو السميع العليم

و أعوذ بكلمات الله التامة من شر ما خلق

وستكونين في رعاية الرحمن من تصبحين الين ما تمسين ولن يصيبك إي شي إلا بأمر الله


وجدان اسأل الله إن يحفظك من كل شر ومن كل مكروه أنتي والعابرين

بس حلوه أحس انه على دولاب

[وجدان القلوب]

المشاركة الأصلية كتبت بواسطة ذيب السنافي

سلامتك والله ياوجدان

الله يسلمك ..

ياضعيفة

مالقوي إلا الله سبحانه...
ووقتها عرفت اشلون شدة ضعف الأنسان,,وإنه ولاشي...

والحمد الله جت على كذا ماجت أكثر ,,,,

ايووالله الحمدلله...أعتبرت نفسي مت وأحييت من جديد..

وألف شكر أخوي ذيب على قراءة القصة..

[وجدان القلوب]

المشاركة الأصلية كتبت بواسطة غريب الآه

الأخت الفاضلة وجدان

أول شي أحب أقولك حمد لله على السلامة والحمد لله إن الله رزقك بأب وأم حنونين وشغالة طيبه

الله يسلمك...صدقت والله,,و لولا الله ثمن أبوي وأمي كان ماأدري ايش صار فيني,,ولو ذكرت اللي سووه كله ماكان توقفت عن الكتابه...

أحب أقولك نصيحة اعتبريها من أخ لأخته من أب لابنته على راحتك]

نصائحك أعتز فيها ومشكور عليها..
وإن شاء الله ماأقصر فيها أبد....

وجدان اسأل الله إن يحفظك من كل شر ومن كل مكروه أنتي والعابرين

أحلى دعوه يسلمو ...

بس حلوه أحس انه على دولاب[/COLOR]

حتى تكون طريقه موصله للمعلومه...
ولأنها كلمتي لأبوي وأمي في مرضي عشان كذا قلت لازم أكتبها وتغير اشوي من جو القصه..
ومشكــــــــــــ أخوي ـــــــــــــــور ..

ياعمري ياجودي تصدقين كاني اول مره ادري عن قصتك على انك سبق وان قلتيها لنا وثاني مره اقول لك حمدلله على السلامه
ومن باب العين ابذكر قصص حصلت1لعائلتي :1-اختي كانت متفوقه جدا ماشاء الله عليها
يوم كانت 3/ثانوي
الترم الاول اخذت الاولى كعادتها وهي ماشاء الله عليها كانت والله تاخذ الاولى من يوم دخلت المدرسه يعني من اولى ابتدائي لحد اولى كليه واغلب مراحله كانت تاخذ الطالبه المثاليه (مو مثلي ياحظي)
بس العين في 3 ثانوي غير يعني البنات يزيد اهتمامهم علشان المعدل
سوت المدرسه حفله تكريم المتفوقات وطبعا الامهات يجون بعد
نادوا اختي بسمها على تفوقها ثم نادوها على انها الطالبه المثاليه في المدرسه وكنت انا في المتوسط كنت عادي مجتهده بس ماني متفوقه ويوم اختي تقوم امي تخزني بعينها يعني اطلعي على اختك ..((كانت مدرسه الثانويه مجموعه مع المتوسط))
المهم بعد ذيك الحفله الله لايعيدها
كنت في فصلي حسيت فيه ازعاج برى الفصل وبنات يشيلون وحده بس ماكنت ادري انها اختي لان البنات متجمعات ولاشفت اللي يشيلونها زين
جت بنت من صديقات اختي وقالت :اختك تعبانه نزلوه تحت الحين قلت : اللي نزلوها قبل شوي اختي انصدمت
قعدت ابكي ماني قادره انزل واشوفها
بس مظطره اتطمن عليها نزلت وليتني مانزلت لقيتها ممده وتبكي ووجهها والله العظيم منقلب لونه خفت ماقدرت اطالع وهي تطالعني وتبكي يعني تعالي انا صرت ابكي زياده ماني قادره اشوف اختي بالحاله ذي جيت وجلست عندها وهدت الحمد لله وجت وحده من المعلمات وقالت لي خلاص روحي لفصلك قلت لا ابجلس عند اختي قالت :خلاص اختك مافيها شيء الحمدلله
اختي تناظرني وتاشر لي بعينها يعني روحي خايفه اني اتهاوش مع المدرسه كالعاده
ورحت مو علشان الاستاذه علشان اختي
في وقت الفسحه رجعت لختي واشتريت لها فطور
بعدين يوم حنا بنرجع البيت اختي قالت لا تقولين لامي انا في البدايه ماوفقت قلت لا والله بقول لها علشان تروحين للمستشفى هي قالت سالتك بالله لاتقولين لها انا الحمدلله بخير انتي تبين تخوفين امي قلت لا قالت خلاص لاتقولين لها عاد كان ابوي وقتها مسافر
اليوم الثاني نفس الحاه تعبت في المدرسه واستمرت ايان كذا وهي تتعب في المدرسه وفي البيت لا وبعدها مصره تخبي على امي
ومره زادت حالتها في المدرسه جت وحده من المعلمات واستاذنت من اللي تشرح لنا الدرس خفت انا قلت اكيد صاير شيء ولا دايم محد يطلعني من الدرس بالعكس يكرشوني للحصه
طلعت ودخلت الغرفه اللي فيها اختي لقيتها متمدده ومتغطيه بشرشف جلست قريب منها رفعت الشرفف كذا فضول ابي اشوف اختي لقيت عيونها مقفله وساكته خفت وقعدت ابكي احسب اختي ماتت المدرسه تقول الله يهديك اختك نايمه لاتقومينها ترى يادوب تنام احس يوم قالتها خلاص صرت ابكي من الفرحه انها حيه وهي تحاول تسكتني صحت اختي من الصوت ناظرت فيها قعدت ابكي واظمها وهي ياقلبي ماتدري وش فيني وتقول لا تخافين انا اشوى الحمدلله
عاد تاخذ شوي طبيعيه ثم تتعب مره ثانيه
المدرسه ماكانوا يدرون ان اهلي مادرو انها تعبانه واختي مو صيه صديقاتها ان ماحد يقول لامي
يوم رجعت البيت قلت لاو الله ماني بساكته بقول لامي قلت لامي
امي خافت عليها تقرا دايم عليها وطلبت من المدرسه ان الطالبات يقرون في مويه
لان الحاله زادت عند اختي لدرجه انها خلاص صارت تغيب وصديقاتها الله يجزاهم خير كانوا كل وحده مستلمه دفتر من دفاترها هي المسؤله عنه تكتب لها
يوم جت المويه عند فصلي الاستاذه اللي معاها المويه تخلي وحده وحده تقرا من غير علمهم المويه لمين في بنات رفضوا يقرون يقولون حنا مانعطي احد عين خلتهم الاستاذه يقرون غصب
يوم راحت الاستاذه قالوا المويه لاختك صح انا خلاص بنفجر ماقدر اتحمل من زود التعصيبه قلت ايه لاختي وش عندكم وقريتوا غصب عنكم بعد وسويت معهم هوشه جو مدرسات حاولو يفكونها ماقدروا لاني خلاص لساني ماعاد اقدر اوقفه عاد ماجاء يفكها غير المديره ووقفت معي وقعدت تهاوشهم لين عقبها تابوا اقول كذا يقولون كذا
المهم المويه جت عند اختي مانفعت معاها
جا ابوي من السفر لقى اختي تعبانه هو ماكان يدري عن شيء قعد يهاوش ويقول ليش ماقلتولي
تعبت اختي في يوم من الايام واغمى عليها وجاها ضيق في التنفس
شالوها ودوها مستشفى على حسابهم وانا ازعجتهم بالبكا لين اخذوني معهم ومالبست عباتي زين حتى رحنا المستشفى سووا كل شيء هدت شوي بس ماطابت
امي كلمت خالي عاد خالي مطوع ماشاء الله عليه قال تعالوا انا اعرف شيخ هينا بالرياض ماشاء الله عليه
وبالفعل ابوي وامي واختي راحوا وانا بغيت احشر نفسي بس ابوي رفض قال يالله الحين مافيه مره في البيت غيرك انتبهي له وبنشوفك قد المسؤوليه ولا لا كان يبي يسكتني بس عرف وشلون بالتشجيع
عاد الشغاله غاثتني تقول لي مامه تبي تقهرني
واخواني خذ تعليقات بس كان وناسه اقول لشغاله سوي كذا وحطي الغدا كذا
واخواني يرفعون ضغطي ويقولون اكوي شماغي اغسلي ثوبي
وانا عندكم الشغاله
المهم راحوا للشيخ قعد يقرا عليها 3 ايام وعطاها بعض الاشياء وقال هذي عين بس الحمدلله راحت بمساعدت الله ثم الشيخ
عاد اهلي من الفرحه صاروا يودونها لكل مكان ماخلوا سوق ماودوها له خخخ
ويوم تكلمني مبسوطه انها بخير وكنت انا نذله اقول لبوي على كل شيء يسوونه اخواني
رجعوا لنا لقو اني مخبصه نظام البيت فوق تحت خخخخ
لا اصلا ماكان احد يسمع كلامي غير الشغاله واللي اصغر مني خخخخ
جابوا معاهم هدايا كثيــــره واختي تذكرتني بجزمه الله يعزكم كانت ابي لونها بس مالقيت في اسواقنا
وبكم شغلات تانيه عاد هي غابت عن المدرسه كثير مما سبب نزول نسبتها نزول موقوي بس حرمها من دخول القسم اللي تبيه وهو الانجليزي
بس عسى ان تكرهوا شيء وهو خير لكم امكن خيره لها
ويوم دخلت في الكليه قسم ثاني
واخذت الاولى على دفعتها وبعد ماخلوها بحالها صح الحمدلله ماتعبت بس ماعاد لها نفس تذاكر زي اول وتقول لي والله اني في الاختبار لاجابه تجي ببالي بس ماادري ليش مااكتبها
صارت بعد اولى كليه تاخذ الثانيه ..الثالث...لين ماصارت من الاوائل بس الحمدلله على كل حال اهم شيء صحتها
2- يوم كنت انا في 3/ث تخرجت الترم الاول والحمدلله بنسبه عاليه موناقصني الا شوي واصير 100% وكان في فصلي اجانب 9 تقريبا اغلبهم مصريات وبرغم من كذا الحمدلله اخذت الاولى
وهذ من فضل الله ثم فضل امي وابوي
كانوا يقولون لي انتي على الاقل احد مهتم فيك يسويلك اللي تبين وتتشجعين
ترجعين البيت تلقين ابوك يسويلك وامك تسويلك وحنا يقولون لنا البنت مالها الا بيتها يعني لو حنا مو المصرين على الدراسه كان فصلونا ومن بعدها والله العظيم ان ابوي يطلع من المستشفى بعد مايتنوم وامي تدخل بعد مايطلع امكن مرتين صار كذا واحد يدخل ويوم ندري ان الثاني يدخل كذا فجائه
بس امي مره طولت كثير امكن اسبوعين في المتشفى وكان الضغط علي من كل جهه الدراسه والوالده الله يحفظها كنت ابي ارافق معها بس هي رفضت وحلفت علي انا واختي وقالت لاتغيبون والله ازعل يعني ابوي في البيت طايح عندنا تعبان وامي في المستشفى
كانت اختي تهتم في ابوي وانا كنت في امي واخواني بعد مايقصرون الحمدلله
كان ابوي الله يخليه لي ماخذ لي مدرسات خصوصيات في مواد الفهم وهي رياضيات وفيزياء وكيمياء وبعد بالاضافه للنجليزي والنحو
كنت مضغوطه مره من المدرسه للبيت للمدرسات الخصوصيات والمستشفى كان كل يوم عندي مدرسه خصوصيه وبعض الاحيان مرتين او ثلاثه في الخميس والجمعه يعني مااجلس كثير في البيت
كنت اطلع من المدرسه للبيت اغير ثم اتغدى ثم على طول سيده لامي إذا كان وقت زياره
ثم مدرسه خصوصيه ثم لامي في موعد الزياره الثانيه وامي تحلفني اهتم وانا اقول طيب خلاص ابذاكر عندك واجيب كم كتاب بس علشان ماتزعل علي عاد اكتشفت في امي دوائر سوداء قلت يمه وش ذا امي قالت هذا الابر جو بيسحبون مني دم مالقوا عرق يقدرون يسحبون منه
جت الممرضه وانا عند امي ومعاها الابره ثم طعزتها مارضى يطلع دم وانا مغمضه مابي اشوف امي تندق بالابره ثم تطلعها من غير رحمه وتقول بنجرب في رجلك يعني حاطتها فار تجارب تجرب عليها وامي تقول لها يابنيتي شوي شوي علي خلاص مو لازم خلوها بعدين عارفه اني امكن اسوي مصيبه
شفت دموع امي رحت ابكي ماقدرت اتحمل ثم رحت اهاوش الممرضه قلت مافي قلب انتي رحمه خليها خافت مني شافتني عصبت تحسب خلاص مدام امي ساكته انا بسكت قالت هذا لازم علشان شوف وش تعب هيا قلت مولازم بعدي عنها خلاص
رجعت البيت قلت لاخوي اللي برياض ماعاد ابي امي تجلس في المستشفى الخايس هذا وعلمته جا واخذ امي وابوي ولا كانوا بعد مخوفينا قايلين ان ابوي فيه جلطه بس الحمدلله يوم جو هينا في الرياض طلع ابوي سليم مافيه جلطه ولا شيء وامي تعب خفيف وطابت الحمدلله بعدها ماصار احد يدخل المستشفى ذاك ابوي مراجعاته كلها هينا وامي إذا جت في الاجازات تروح تشيك على عمرها في المستشفى هينا
والحمدلله مرت ذيك الايام على خير ورجعوا لنا بالسلامه
كنت في الاختبارات الشهريه نقصت كم درجه في بعض المواد تعاونوا معي المدرسات وعادوها لي والحمدلله تخرجت بنسبه رفعت راس امي وابوي قدام العائله الكريمه وصرت ماقول لبنا مدرستي القديمه وش سوى ابوي ولا امي ووش ماسوى يعني تبت


وجدان اسفه على المداخله ذي بس عادي امون صديقتك خخخخخخخخ


اطلب من المشرف العام السماح بتثبيت الموضوع وكل واحد يكتب قصص من هذا النوع حتى نزيد حرص ونستفيد ونخاف الله ونذكره اسمه على كل شيء يعجبنا مهما كانت تفاهته
ولنعلم ان العين حق يعني مانقول اني انا مااعطي عين علشان كذا مو قايل ماشاء الله فااولا ذكر الله زين وثانيا نحط انفسنا مكان هذا الشخص لو احد قاله ياحظك ووووووووو وش بيصيرلك مايرتفع ضغطك وتقول قول ماشاء الله فليش ماتقول ماشاء الله وماتحرج نفسك من البدايه
وصح انه مو صاير لنا الا اللي كاتبه لنا ربي لكن لناخذ بالاسباب ولنعلم ان اكثر مافي القبور ماتوا بسبب العين من امراض وغيرها والعياذ بالله
والسلام عليكم ،،،

[الطائر المهاجر]

الإنسان يتعرض في حياته اليومية للكثير من الضغوط النفسية التي قد تنتج أمراضا جسدية معينة ، وليس من الجائز أن نستسلم بالقول بأن ما اصابنا يرجع للعين او الحسد او الجن او السحر او سواها ، فالله سبحانه خلقنا وميزنا عن غيرنا من المخلوقات بالعقل ، وطالبنا أن نتبصر في انفسنا ، وأن نعلم أن من انزل الداء هو من لديه الدواء ولكن علينا فعل السبب . لقد استفاد الكثير من الدجالين والمشعوذين من عدم تفكرنا وتبصرنا في انفسنا ، والتسليم بأن ما يصيبنا ليس بسبب انفسنا ولكن بسبب الآخرين ، وحتى العلم الذي نتعلمه لانحاول الإستفادة منه ، فكل ما يصيبنا من امور مشابهة لها تفسيراتها العلمية ولها الطرق المناسبة لعلاجها ، فمتى سنفوت الفرصة على اولئك الدجالين والمشعوذين!!

[الخنساء]

سلامتك اختي وجدان علي ماحصل لك
فالعين حق فكثيرا من الامراض تصيب الانسان
سببه العين والحسد واضم صوتي لاخي غريب
فالتحصين اليومي بالقران واكل عجوة المدينه
سيكون له اثر في العلاج السريع باذن الله
للاسف ففي هذا الزمن كثر الحسد والسحر
ايضا وذلك لضعف الوازع الديني وعدم ذكر
ما شاء الله تبارك الله
اتمني لك وجدان دوام العافيه واحرصي التحصين
بالقران الكريم
تحياتي