بيني وبين خالي

[حي الضمير]

صح لسانك وعلا شانك
قصيده رائعه
ولا عدمنااااك
أجزل التحايا والاحترام يامميز

[!!فريده الحرف!!]

صح لسااااانك ولساان خاالك

وش اقووول غيرر ابدعتوا


تقبل طلتي

[الحــ فهد ــربي]

نايف بن مقبول

نصين من أروع وأجمل المساجلات الي قريتها اليوم ’’

صح لسانك وصح لسان خالكـ كلكم كفو والله ’’

لك مني أجمل التحايا ’’

[الأموره]

صح لسانك ملايين

سلمت و سلم فكرك

الف شكر لك

دمت برعاية الخالق

[الخنساء]

المشاركة الأصلية كتبت بواسطة نايف مقبول العمراني

بيني وبين خالي/الشاعر سليم خضر المطره العميري

ياراكـب اللـي زاهيـا بـالاشـده =عليه من قـش الحميـدات معـلاق
سنه ربـاع وافـي الخمـس عـده =مثل السحاب ان صار يمطر وبراق
يلفي على العمـران ربـع المسـده=مفطرين الضيف مع فـك الاريـاق
تلقـى فراشـه زل فوقـه مـخـده=ومعشرق الفنجـال كـادم غرنـاق
يرموا جزيل الضان والضيف قـده=تشبع يمين الضيف من قبل مـالاق
يانايـف المقـبـول أسـألـك رده=يسألك خالك وانت بالـرد مشتـاق
ابسألك عـن سيـف يازيـن حـده=والسيف الارخم لأسود الراس حلاق
وابسألك عن شيـخ دوبـك تشـده=دايم مريض وكـل علـه بدريـاق
مـر الطبيـب ويمـه الشيـخ وده=يمكن يطيب الشيخ ينجح من الـداق
بيت انبنى (ع) الساس محـد يهـده=لو البحر زالتيـه تمشيـه بالسـاق
نسمع يقول عنيز مـن قبـل مـده=يالله تلعـن دار زي دار بـرشـاق
واسمع كلام الخال واحرص تـرده=واكتب كلام الخال في بيض الاوراق

ردي عليه/

يامرحبـا بالخـط واللـي يـعـده=وحيـاك ياخـال تولـع ومشتـاق
حيك عدد ماهيجنوا علـى الاشـده=واعـداد مابـن تسويـه ويسـاق
واعـداد مايلقـى مــود مــوده=واعداد ماتلقى عن الضيق مـدراق
قــم يانديـبـي ماكتبـنـاه وده=يم المطيري مع تحيـات واشـواق
اركب على اللي مشيتـه مجرهده=سابق ومع طول المسافـات لحـاق
حـر عليـه مـن الدناديـش قـده=ومنين ماسقته على يديـك ينسـاق
كنـه الشيهـان يـومـك تـهـده=دلجه وثيق وكل ساق علـى سـاق
يوصلك للي تقـري الضيـف يـده=في ديرة يشرح بها الصدر لاضاق
فـي ديـرة بربوعهـا مستـبـده=عسى السحايب تعتمدهـا وتنسـاق
تلقى الـذي بالطيـب دايـم نعـده=قلـه علمنـا للعزيزيـن خـفـاق
قلـه بيوتـي تـوهـا مستـجـده=وحلل المعنى علـى كيـف مـالاق
الطيـب سيـف والنشامـا تحـده=بين الرجال اللـي يسنـوه بـراق
وسيف الردى لاعـاد منـه يشـده=مسـود للـراس ارخـم وبــواق
والحـض سيـور الليالـي تـرده=لابـد تلقـى لـه بديـل ومنتـاق
نمشي مع ضروف الزمن دون عده=برد وملابسنـا خفيفـات ورقـاق
احد جفـاه الضيـق واحـد يحـده=واحد ضرير من العاويـس مافـاق
معلـوم بيـت العـز محـد يهـده=لاصار سيسانـه قويـات ووثـاق
ارمي على اللي ضامري يستـوده=معنى وهو يرمي على شوف وحقاق
واللـي نعرفـه للمطيـري نعـده=ونحفضه داخـل دواويـن ووراق

وسلامتكم000

صح لسانك واعتلا شانك

وصح لسان خالك

صوت وصدى راااائعين

سلمت ودمتم بخير

[احمد الفارس]

صح لسانك .. ولسانك خالك..

وطيّب الله فالكم ..

[ترانيم المطر]

صح لسانك واعتلا شانك
عوده مجدده للجمال

وعذوبة اللفظ

تقبل من التحيه أغلاها ودمت بود

[ترانيم المطر]

صح لسانك واعتلا شانك
عوده مجدده للجمال

وعذوبة اللفظ

تقبل من التحيه أغلاها ودمت بود

[الـزلـزال]

نايف العمراني
قصيدتين رائعه وممزه
أبدعت غالينا في صداك الرائع والمميز
رعاك الله ووقاك
صح لسانك ملايين ملايين
ولك فائق تحياتي وتقديري

[الطائر المهاجر]

ترفع لمزيد من الردود
التي تستحقها
صح لسانك
ولا هنت
تحياتي