لجل تفعيل التواصل هو وتوطيد العلاقه // اذكر اسم الشاعر اللي مر وحط بيتين قبلك

[مبروك بن ماضي]

الاخوة والاخوات الاعزاء اعضاء منتدى ( الفطاحله ) 000 السلام عليكم ورحمة الله وبركاته
يسرني في إطارالعمل على تفعيل منتدى (( الفطاحلة )) والحرص على التفاعل والتواصل ان اضع بين أيديكم هذة الفكرة وأتمنى من الاخوه القائمين على المنتدى ( تثبيتها ) في حال رأو انها تخدم المنتدى وهي تتلخص في (ذِكر اسم الشاعر الذي مر من قبلك في المتصفح) ببيت او بيتين ولك الحرية في ماتكتب في إطار الذوق العام وعدم التجريح والاساءة ولست مُلزم بقافية الشاعر الذي سبقك وارى انها تبعث على بث روح المودة والتفاعل والتواصل بين الاعضاء وكلي أمل ان تحوز على إعجابكم ورضاكم . والله يحفظكم ،،


لجـل تفـعـيـل الـتواصـل هو وتوطـيد العــلاقه
(أذكر اسم الشاعر) اللي مر وحط بيتين قبلك
*****
أكتب اي شي عن مفاهيم الاخوّه والصداقه
وان تزيد أكثر فذلك0 خير، من فضلك ونبلك


وتفضلوا بقبول تحياتي واحترامي
أخوكم ومحبكم / بن ماضي

[الطائر المهاجر]

ما كتبها غير منهو كمّل الله في خلاقه = من عرفتك حر يامبروك والأحرار أهلك
ان بغيت المرجله مبروك في كل انطلاقه = وان بغيت الشعر شعرك وافي من طيب أصلك

[يزيد النمي]

ذاك ابو عبد الله اللي ما حدٍ فالطيب فاقه = في تجمع هالفطاحل قدم اللي كان يملك
من فطاحلة الشعر ، محدٍ من اهل الشعر عاقه = يبدع القيفان والشعارفالميدان تهلك

[ابو زياد]

حي ابن ماضي وحي اللي يجيبه من نطاقه=حي قلبك .من قلوب لاحترامك وقفت لك
وانت يالمشرف نحيي فيك منطوق الاناقه=يارفيق لجل طيبك كل هالعالم عنت لك
ولا يهون الشاعراللي صاغ شعره في لباقة= النمي هذا يزيد. اللي سلكله خيرمسلك

[ابو أنس]

قال ابن ماضي وله في القول ميثاق اووثاقه=قالها فكره جميله للتواصل طاب فعلك
ثم جا المشرف وعلّق له بتأكيد ولباقه=مادح (ن)فعله وانا بانهج مناهيجه واباسلك
وليزيد آزيد شكر(ن) كود انمي به علاقه=شاعر(ن) يبني بيوته بالمعني مايفبرك
واباخص اللي سبقني بلفة زهور(ن) وباقه=تحمل الورد الطبيعي والعطر فوحك ونفحك

[سناعيس]

يابو أنس ساقني لك سوق ساقه=طمعتني رفقتك ياطيب فالك
ابن ماضي فكرته حث الرفاقه=قله أبشر رغبتك تحققت لك

[نجم الإبداع]

عشت يامبروك فجر ك سرنا يوم انفتاقه = شاركه بالطيب ابو عبدالله والنمي ونهلك
ثم رد ابو زياد وجاوبه أبو أنس والود راقه= مع سناعيس الفطاحل هنهم يالله بفضلك