جيتكم يالفطاحل

[الطائر المهاجر]

يا بن منشار وابن الطيبين الكرامي = كل عام تعوده بالهناء والكمال
اشهد إنّك سنافي تعتلي للسنامي= مير رادرانا اقفى مر مثل الخيال

[نجم الإبداع]

انت دكتور بالكلمه وانا معك عامي = ارتشف من علومك ياوسيع المجال
اعذر الي برك من قبل تلفي الجمالي= هقوتي انه على بيت الله شد الرحال

[الطائر المهاجر]

[نجم الإبداع]

هات الاسعاف ليل الصب ياناس حامي = شب ناره وقرب جزته والدلال
جيت اناديه قال الفكر ياخوك ضامي = وانت ماعندك الا جمر فوق الرمال

[الطائر المهاجر]

يافلاح تفطحل واعتلى للسنامي = ويش رايك برادارٍ جلس فالظلال
يوم شاف الفطاحل لاذ مثل الجهامي= ما بقى غير بيته تاركه للهمال

[الريم]

الله الله عليكم يا الفطاحل ابدعتوو صراحه صح لسانكم

[نجم الإبداع]

اختنا الريم

مرحبا بك

وكل عام والجميع بخير

استلم يابو عبدالله

ماخبرت المزرفل خل بايدين رامي = مير واجه صواريخك وجاه اختلال
خاف من عمق هذا البحر بين الهوامي = والله انه سنافي شام بين التلال

[الطائر المهاجر]

اطرده يا رفيق واوقظه كان نامي = من بدا للمحاور ينتظر للنزال
وكان سلم سلاحه فاتركه بالسلامي= لايجي للفطاحل طيبين الفعال

[ابو زياد]

وينكم وين منهو قادمن للخصامي= جبت سيفي ودرعي ناوي(ن)للنزال
جيتكم يا الثلاثه ماحذرت السهامي=منهو الي شجاع جاهز(ن)للقتال

على لسان رادار

[الطائر المهاجر]

هالحين عرفنا منهو رادار ، اثاريه معك في البيت ، وراح ووهقنا ، على كل حال مادام كان ضيفك
فأنت المسؤول عنه

ضيفك اللي بداها واختفى بالتمامي = وانت مسؤول عنّه دام شد الرحال
وكان ناوي نزالٍ تحسبك بحر طامي= سهيل دونك ومن بعده فلاح الرجال