عليك أخاف

[عبدالناصرالعالي]

السلام عليكم ورحمة الله وبركاته

ودي اجيك من التعب ثم أضمك = وتشوف أنا وشلون عايش بلياك
قربك عطر ودي من البعد أشمك = أخاف يبرد مابقى لي بذكراك
أبنثرك في عروق قلبي ولمك = وأحسسك بالحب في يوم لقياك
باقي معي أغلى هديه تهمك = صورتك كاتب فوقها مقدر أنساك
متى يزين الوقت وأكون يمك = أقلها اعرف ظروفك ودنياك
ياليتني في أنفاس روحك ودمك = أبقى معك وأعيش الأيام وياك
ياكثر ماني بغربتي شلت همك = انشد نجوم الليل من عقب فرقاك
عليك أخاف أكثر من أبوك وأمك = والله ماتلقى مثل قلبي أغلاك
مارتاح أنا من الوله لين أضمك = وأعلمك وشلون حالي بلياك

[نجم الإبداع]

الله الله

ارحب ارحب ياعبدالناصر

وصح لسانك على المصافحه الراقيه


ابدعت

لاهنت


تقبل مروري

وتقديري

[النهج المختلف]

عبدالناصر العالي صح السانك ,, ,,

قصيدة راقية من شاعر عذب ,, ,,

الله يعطيك العافية على هذا الجمال والإبداع الرائع ,, ,,

لاهنت
تحياتي وتقديري ,, ,,

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[مبروك بن ماضي]

الاخ الفاضل الشاعر / عبدالناصر العالي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[مسلم عواد العميري]

عبدالناصر شاعريه مميزه
كلمات ايقاعها ممتع جدا
صح لسانك وعلا شانك,,

الشاعر عبدالناصر العالي

قصيدة جميله ومتلاقيه وصادقه

صح لسانك يالغالي

تحياتي لك

[محمد عبدالله البدراني]

العزيز الغالي عبدالناصر العالي سلمه الله


الف مليون صح السانك وعلا شانك

لاهنت يالغالي


قلت واجزلت


بيض الله وجهك

تحيتي

[سناعيس]

الفاضل عبدالناصر
صح لسانك ولله درك
على هذه الرائعه


تحياتي

[الـزلـزال]

أبنثرك في عروق قلبي ولمـك=وأحسسك بالحب في يوم لقيـاك
باقي معي أغلى هديـه تهمـك=صورتك كاتب فوقها مقدر أنساك

عبدالناصر العالي

بوح مميز ومعبر

شاهدنا فيه حنين وأشواق حاره للحبيب

أبدعت أبدعت غالينا سلمك الله

صح لسانك ملايين ملايين

ولك فائق تحياتي