تجــــــــاربــي وتجـــاربــكــم شاركونـــا------------

[الأمـــل]

صباحك ورد يالغالية

تسلمين والله على هالتجارب وهالمجهود

عجبتني جدا فكرة طي ملابس السفرفي الحقيبة ،،ابجربها وادعي لك
ويارب تنفع معي بتريحيني من شغلة الكواي اليومية عندي بالسفر

طيب دامي دخلت واستفدت ابقولك على فكرة قريتها وعجبتني للغاية وتنفع للأمهات الأنيقات
بالسفر وحتى ماتتعبين هناك وتستغرقين وقت في اخراج ملابس طفلك اوطفلتك مع الملحقات من الجزمة والشنطة
والاكسسوار ،ضعي كل لبسة بكيس نايلون ودبسيه وحطيهم بشنطة السفر،،توفرين جهد ووقت

والف شكر لك أم زياد

[بارقةأمل]

الأمــــــــــــورة مشكورة على المتابعة يا الغلا
ترى متابعتك تشجعني أجي أضيف الأفكار اللي تخطر ببالي أو التجارب اللي ألاقيها مكتوبة أيضا

الأمل هلا وسهلا منورة يا الغلا وفكرتك حلوة بعد أنا أسويها بس بدون تدبسات ولا أكياس بس ألف كل لبسة
بجميع مستلزماتها
رول خاصة إذا كانوا أولادي رايحين من دوني مع خوالهم للمزرعة ولا مكان ثاني لأنه بهذي الطريقة ما يحتارون بالتنسيق ولا يحوسون الشنطة بس المرة الجاية بنفذ فكرتك بعد أفضل لأنهم إذا خلصوا مغيرين حطوا الملابس الوسخة في الشنطة وأوقات بدون كيس فيصير فيه ريحة على الملابس النظيفة

العفو يا الغلا الشكر لك ولحضورك الكريم

[بارقةأمل]

تجاربي وأفكار لإستخدام التوست*-^0000000000

وعلى فكرة خبز التوست أنا أسميه المنقذ والطباخ السريع
فيه حاجات كثيرة ممكن تسوينها من التوست وبسرعة وسهولة
مثال ممكن تقصين أطرافها و تفردينها بالشوبك لحد ماتصير رقيقة جداً زي قطعة القماش ثم تدهنيها جبنة سايلة
وتحشيها دجاج مع مبشور الجزر والمايونيز والبقدونس((الدجاج اللي يكون متبقي من الأكل لاترميه تحتاجينه لمثل هذي الطبخات السريعة) وتلفيها رول ثم تحطيهم بالبيض والبقسماط
وتقليهم بالزيت وتقدرين تقدمينهم دون ما تحطينهم بالبيض ولا البقسماط وتكون فطاير باردة مع الشاي وممكن تحشينهم تونة مع الأعشاب المفضلة نعناع بقدونس وجزر
وكمان نفردها زي الأول ((ملاحظة لازم تفردونها لحد ماتصير رقيقة زي قطعة القماش))
وندهنها لبنة ونرش عليها زعتر ونلفها رولات و وبعد ماتنتهين من اللف تقصين الرولات إلى نصفين
يطلع شكلهم تحفة وتصير فطاير كانيبيه للشاهي
وممكن تدهنيها زبدة وثوم وترشين عليهم جبنة موزرلا وتدخلينهم الفرن وتولعين النار العلوية
وممكن تدهنيها زيت زيتون وترشين عليها زعتر وتدخليها الفرن وتولعين عليها النار العلوية
وممكن تدهنوها جبنة سايلة ثم ترشون عليها صلصة بيتزا وتحطون عليها هت دوج وبصل أخضر
مقطع صغير جداً وطماطم صغير جداً وفلفل رومي وفطر وزيتون أسود وأخضر وتولعون عليها الفرن من فوق بس
وممكن تدهنوها جبنة سايلة وتحطون عليها قطع طماطم وكرات وبصل أخضر وجزر مبشور
ونولع برضو عليها العين العلوية في الفرن وماتاخذ دقايق منكم
وفيه صواني نعملها من التوست بعد
بس الآن مشغولة وهي تبي لها مخ صافي بس راح أكتبها لكم إن شاء الله
وفيه طريقة أيضاً رائعة للتوست مع البسكوت المالح الدوائر
وطريقة جيب التاجر اللي بالتوست كمان سهلة جداً

[بارقةأمل]

جيب التاجر هذي إذا تحبين تسوينها عجينة خاصة زي الجبنية تقطعينها وتقليها بالزيت
ثم تاخذينها بعد ماتبرد وتحشينها اللي بدك إياه حشوة دجاج أو تونة أو شاورما أو تدهنيها مايونيز أو جبنة ثم تحطي فيها شريحة خيار وبيض وطماطم وبقدونس كلوحسب ذوقك وممكن تحشيها لبنة
مع نعناع وبقدونس زي ماتحبي
وممكن تعمليها من التوست بس هنا تحشيها لحمة بس والطريقة تقصين التوست إما مربعات متساوية بعد إزالة الأطراف أو دوائر طبعاً المربعات أفضل لأنها ماراح يكون هناك بواقي خبز
ثم تدهنيها جبنة وتحشيها لحمة مفرومة معصجة أو دجاج معصج أيضاً حسب رغبتك ((معصجة يعني محموسة وحاطين عليها كل اللي نحبه من بهارات وغيروه)) المهم تطبقين كل شريحة حطيتي عليها حشوة بشريحة ثانية وتقفلين الأطراف ثم تغطسينها في البيض ثم البقسماط
ثم على الزيت الحامي بس يدوب يصير لونها ذهبي شيليها من الزيت
وممكن نفس الطريقة السابقة تسوينها بس لاتحطين حشوة بس طبقي ثنتين التوست دون ما تدهنيها أي شي بس طبقيها

ملاحظة مهمة 000000000000

هذي الطريقة لازم تحطين قطعتين التوست فوق بعض ثم تفردينهم

وأغمسيها في البيض و البقسماط وإقليها وبعدين طلعيها وبعد ما تبرد شوي إفتحيها وإحشيها بالحشوة المفضلة ((هذي جيب التاجر نوع ثاني))

وفيه طريقة سهلة جداً وهي تجيبي الخبز المفرود صغير جداً أصغر من حجم راحة اليد
وتحشينه أيضاً نفس الحشوات وترتاحين من العجن واللت وتوفرين الوقت
على فكرة فيه ناس تقول جيب التاجر وناس تقول فم السمكة

وفيه طريقة بشرحها لكم إن شاء الله وهي بالسكويت المالح الدوائر مع التوست لفطائر الكانيبيه
تصلح مع الشاي وشكلها مرررررررررررة حلو وفخم وكمان نوع ثاني حلى

كويتية : لديها وسواس نظاااااااااااااااااااااااااااف ة !!

لذا هاليومين اخترعت رائحة عطرة وشذية وتفوح منها أيضا رائحة الديتول . . .!!

مطر كويتية سوبر ديلوكس :

كالونيا الأطفال + ديتول + معطر البورسلان والسيراميك أي نوع

الطريقة :

تحضرين وعاء ( حلوة وعاء ) وتضعين فيه تقريبا كأسين ماء ومقدار ملعقة ونصف كالونيا الاطفال والديتول بالغطى تضعين منه مرتين ، ومعطر السيراميك تضعين ما مقداره ملعقتين كبيرتين .

بعد ما تنتهين من تنظيف الأرضيات اسكبي الخلطة السابقة ووزعيها في جنبات المكان الذي تريدين تطهيره وأيضا تعطيره وبعدها امسحيه بالأداة المخصصة للمسح ( مش عارفة شنو اسميها ==هي مثل المخمة لكن من خيوطبيضاء ومعها وعاء للعصر )



طريقة إزالة بقع الزيت والدهون من على الثياب .

إحضار بودرة الأطفال أو أى نوع من انواع البودرة البيضاء .

الطريقة :
تغطية المكان المبقع بالزيت بالبودرة وترك الثوب مدة لا تقل عن نصف ساعة .

[بارقةأمل]

يسلموووووووو أختي كويتية
على الأضافة أسعدتيني بحضورك

[بارقةأمل]

تجربة بعد جميلة

لقوالب ثلج رائعة مع العصير والمشروبات عموماً
ممكن تلونين قوالب الثلج
بأن تضعي قطرات من منقوع الزعفران مع ماء القوالب
أو تضعي قطرات من التوت((الفيمتو))حق رمضان في الماء
أو أنك تثلجين أي نوع من العصائر منجا توت كيوي في قوالب الثلج وتزينين فيه العصير
أو إنك تضعي في كل قالب حبة عنب أحمر أو كرزة أو أي فاكهة تفضليها ويفضل
تكون مثل العنب والفراولة والكرز وتصبين عليها ماء وتجمدينها
أو إنك تحطين في كل قالب مع الماء شريحة صغيرة ليمون وورقة نعناع وتجمدينها

وكل نوع من هالقوالب يناسب نوع من العصائر مثلاً اللي بشريحة الليمون وورقة النعناع يناسب عصير الليمون والسفن أب وهكذا أنتي شوفي نوع العصير وجهزي القوالب على الللي يتناسب
إذا كان حبة فراولة فهي تناسب عصير البرتقال والأناناس وعصير الكيوي الكوكتيل مع الجوافة
تناسبه أغلب القوالب المذكورة



وعندي لكم بعد فكرة ------------------------غطاء الفول السوداني ((بنات بتر)) زبدة الفول السوداني باما ولونا الكاسات
لا ترمونه إحتفظي فيه كغطاء للحليب السائل العلب الصغيرة مثل أبو قوس
وكذلك غطاء الجبنة الكاسات له نفس الخدمة لكن حق الفول السوداني أفضل لأنه بلاستيك وما
يتعجن

[بارقةأمل]

العدس والفول ليس فقط يمكنك سلقة فقط بل تستطيعين بعد ان تسلقية جيدا
ان تعملي لة خلطة تشوحين البصل والبهارات ومعجون الطماطم والثوم
ثم خلط الجميع وتكييسة على حسب الحاجة والكمية المناسبة
ثم الفريزر وسيكون هناك اختصار كبير عند الحاجة لانك عند الحاجة ستقومين بالتسخين فقط بدون المرور بكل المراحل كل مرة
كذلك الحمص اقوم بسلقة لانة ياخذ وقت
ثم بدون طحن تصفية وتكيسي قد المطلوب كل يوم -------وكل مرة تطلعية الي ان يذوب الثلج
ثم فى الخلاط مع الثوم والكمون وزيت الزيتون والطحينة
(وسري الخاص شوي جبنة فلادلفيا)
اما المكسرات فبامكانك ان تحمري كمية اكبر من اللوز او الصنوبر فى قليل من
الزبدة +الزيت وتصفيها من الزين ثم توضع فى الفريزر الى وقت الحاجة
أجهز حمسة(تكشينة ) الطماطم بالبصل والثوم لوحبيتي بس لاتكثرين والبهارات والصلصة وشوية ملح
وأكيسها في الفريزر مطبوخة وجاهزة ((تلاقونها في موضوعي شوفوا طريقتي في الطماطم ))
وهذه مرييييييييحة جداً تختصر لك الوقت بالإضافة اللحوم أقطعها وهي طازجة
حسب إحتياجي من الحجوم وأغسلها وأحطها في الفريزر
صوص السلطة00000000000000
اخلط فى قارورة زجاجية خل +فصين ثوم مدقوقة ---اختياري
سماق+كمون+زيت زيتون+نعناع يابس_____ادخلهم فى الثلاجة واستخدمها
وبس إذا جاك ضيوف وقمتي تطبخين لين كل شيء بس طلعي وأطبخي وهذا كله تسوينه بوقت فراغك عشان إاذا جاء يوم شغلك كثير ولا عندك ضيوف يكون كل شيء سهل عليكي ولا ياخذ منك وقت وتتركين الضيوف لحالهم

[حوريه]

تجارب ولا اروع يعطيكم العافيه

[صعبة المنال]

يعطيك العافية


صعووب