الملعبه ياسهيل وابو انس وبو زياد ومن حضر

[ابو أنس]

ابو زياد

انا منكم ركبني غيرة وازريت في صبري=على وصف الغواني كلكم في العشق رجالي
وايلا من الرجل سلم سلاحه غاص في شبري=بدا يبحث عن التعويض على ما قيل او قالي

[ابو زياد]

سناعيس

هلا بك عد ما خطوا على القرطاس بالحبري=مواقفكم لنا بانت وانا الشيمات تحلا لي
تقدم واقضب الدفه ومشيها على السطري=وهي لك وانت سيرها على اللي بالك وبالي

[ابو زياد]

ابو انس

عسى من لامكم ينلام ويشرب مالح كدري=ومنهو ما رقص قلبه ؟مع اللي حطت الشالي
وإلااا منه عشق قلبك فخله يعشق بقدري= ولا تقتل شعورالحب وهو في المهد طـوالي

[ابو أنس]

شموسي تقتل النبته الى من ابرضت بدري=مكبل والقيود تحدني والطم على الجالي
وقصري مبطي اجرته وسكانه لهم شكري=اذا ماضيقوا صدري يولوال وتولوالي

[ثار التميميه]

صحت السنكم ولاهنتو

ابداع

واصلو

[نجم الإبداع]

سلام الله عليكم يالفطاحل والجزل حصري = لكم عذب المشاعر مانسجها راعي الأعمالي
درر لا لا جواهر من لغه يحزى بها العبري= تثير اشجان بين احروفها والوزن قتالي

[ابو زياد]

فلاح اشوفه مشرف عطانا قافه السحري=هلا يامرحبا ياللي عريب العم والخالي
لفيت ويسبقك صيتك وقاف تبدعه جَسري=هلا بك يا مخاوينا على عسرات ل اهوالي

[نجم الإبداع]

هلا يابو زياد الله يجيرك حكمه القسري = يمون الطائر الي مايفارق ذيك الأطلالي
بفكره نور رباني وانا سلمت له أمري = يقود القافله ربان متميز ورحالي

[ابو زياد]

وانا سلمت له امري وهو باقي على خبري=وفعله ما يجي ناقص ولا به زيف وجدالي
وله باع طويل وله دروس تجبر الكسري=يجي من كل قيفانه نفيس القول والغالي

[الطائر المهاجر]

ترى طيرٍ بلا جنحان بارضه ما ارتفع شبري = عزاي انتم رجاجيل الفطاحل نجمه العالي
ونا جيت استمع واطرب على قيفانكم عمري= واقول انتم رجال الشعر هاتوا كل موالي