الفوتوشوب وابو عبد الله المصمم

[الطائر المهاجر]

الا ياخالد المنشار نشرك في الهوى غيره = تغار من المهاجر مالقيت العذر والا عيوب
انا اقول الصراحه ماارتجي مكسب ولا خيره= ابي تفهم عن الواقع ولا تركض مثل مطبوب
تطيح بخادعه تغريك بالمظهر وبالجيره = وتخدع بالإسم لاقيل آل وآل من منصوب
تخير بنت ريفيه عفيفة جيب والسيره= ولو هي راعيه معزى تراها أفضل المحسوب

مداخله

انا ناظرت بالحاصل وشدتني طوابيره=شباب وشايبٍ واقف وبنتٍ تطلب الملعوب
اشوف العود متراكي ويطلب ربه الخيره=وابن منشار حوله ياكل المضغوط والمعصوب
وابو شويمان جا فازع قبل تاصل معاصيره=تطاير شعر راسه يوم شاف الذيب والرعبوب
وجيت امشي على هوني وقلبي شب به غيره=انادي وين بن منشار وين الشايب المحبوب

[فارس القوافي]

ريفيّه وين يبو عبد الله انقرضوا ماعاد فيه خخخخخخخخخخخ

انا عالثقل متعوّد واعْرْ ف البـــحر وغويره = ولاني منتـــــــظر زولٍ يجي طاير وبالــشقلوب
تِحْسب الموج يسحبني ! ويرميني بتقريره = ترى ماني بمربوشٍ بعين المعـــــــجبه مطلوب
خذيت إمن الزمن درسٍ وعلّمني مسـاييره = عرفت انّ الرجل تمشي وتعشق سكّة المحجوب
ولا تنشد بنات اليــــوم عن طبخٍ وعن غيره = على الموضه يجيـــــبونك ولا تلقى بهم مكروب
بنات الأمس جمّاله يعْرفوا الــعلم والديره = وسيعات الصدْر .. فيهم جمال وناعسات اهدوب