العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات ومسابقات الفطاحله

إضافة رد
 
أدوات الموضوع
قديم 18-11-2006, 06:33 PM   رقم المشاركة : 1
محمد العيباني




معلومات إضافية
  النقاط :
  الحالة :

 

Thumbs up مساجلات كيبورديه (( بيني )) وبين ابوحسين ))


السلام عليكم ورحمة الله وبركاته

اضع بين ايديكم مساجلات كيبورديه

بيني وبين الشايب ابوحسين الله يطول بعمره


* * *

/

قال / ابوحسين

لا والله الا تو ما افلست ياحسين=يوم البخت معنا سوات الزقاره
نوبن تعجعج عجزته بالدخاخين=ونوبن تقل مافيه حتى شراره
احترت انا ياحسين مابين الامرين=اما البخت بيطيب والا خساره
حظن صفاء للشين مع بارد العين=حظن يحد الرجل عكس اختياره
من عاف كلمتنا نجيب البراهين=الشيخ بيع دلته مع وجاره
يقطعك ياوقتن تعز الردين=كانك حضاره مانريد الحضاره
من اولن كنا نسوق البعارين=واليوم شفنا حدر سقف وغماره
من اولن كنا من الهم سالين=الكل منا غازين له بغاره
يوم الردي فيها يبع بقرشين=من فوق بومه بالشن في وزاره
هذي حقيقه قلتها بين قوسين=والشاهد الله ما نوينا عياره
ياحسين دوك العلم ياحسين ياحسين=رده على اللي ينظره في بصاره
يامزبن الجاني طلبتك قل امين=حظي يقوم وينتفض من غباره


،

،

رد / مزبن الجاني



هات القلم ياصاحبي قوم هالحين=هات الورق مع بكيت وزقاره
واجلب معك كبريت مافيه بعدين=هالحين هاته)) ((تالع الحين)) ناره
تالع بي النيران بين الشراين=نار ٍ على المسحوب قبل الخفاره
الكل باله يم لندن وبرلين=يا بادع المعنى فهمنا الاشاره
قم استلم ترحيب سقم المعادين=ومن عقبها ندرس امور الاداره
يامرحبا ترحيب ماشي من الصين=اموجهة ٍ يم الخوي وسط داره
ترحيبت ٍ تسناق يم السلاطين=للشاعر البيطار ... شيخ البطاره
هو يحسب اني غارقن فالملاين=او يحسب اني شارين لى عماره
مايدري اني مبتلش فالدكاكين=مطلوب حالي مثل حال الطفاره
حان الحصاد وحان قطف البساتين=زرعن زرعته قوم واجني ثماره
ان كنت تنفع افزع وسدد الدين=شرواك يفعل . والفلك في مداره
شفني اغني آه يالليل ياعين=حظي ترى يشبه لبرج التجاره
بكره دوامي ول ياوقتنا الشين=انا اشهد اني عايفن هالوزاره
في ساحة الميدان ناس ٍ مولين=ابك استعد ثابت . كرهنا العباره



* * *


،

،

ثم قال / ابوحسين


ابك البقاء قدام ماشين ماشين=انته وانا ماحدن يضيع مساره
القاف ما يكفى لمدح العيابين=الكل منهم بارزن في اشتهاره
صلفين فل وقفه وبالحيل سمحين=لجاهم المخطي يسوق اعتذاره
لا ياولد عيبان ثنتين ثنتين=الاوله معنى والاخرى شطاره
ذكرتني بايام ياخوك وسنين=ايام فيها كم ذقنا المراره
نلبس بدال ومنورا المتن خيطين= كلن يعدل فوق راسه شعاره
الحمد لله تمت العد عشرين=الاسم مت قاعد واضنه معاره
وان كان عندك دين عطنا العناوين=وابشر بعزك واستمع للبشاره
يفداك ذودن كل ابوها مزايين=مابين خلفاتن ولقح وعشاره
شعلن حرسها الله من الحسد والعين=تجيك من قاعن يهيض خضاره
هذي تراها اردىفعول الدياحين=والاش خل الاش يركب حماره
بانين خوتنا على العسر والين=نفزع لطيحات الخوي وانكساره
ذى سلمنى والشرع واوصابه الدين=ناسن على ضيم الموالي غياره
حنا لسقم الي شكا السقم شافين= الكل منا فل مواجيب طاره
هرجن تقوله مثل طعن السكاكين=والهرج لجانا خذينا خياره
ابن البيوت وزود الساس ساسين= ولمن بنيت البيت طول جداره
منته من الي فضّحا العود غادين=البيت بيت اما المغاره مغاره
القاف توه وصل القاف تسعين=دام القوافي مّطره في غزاره
يا مزبن الجاني طلبتك قل امين= عساك تبني مسجدٍ له مناره

،

،

رد / مزبن الجاني



(( البورش كايين ))

الطيب لا جانا نرده بطيبين=والا الردى نلحق عليه الحقاره
قم يانديبي اركب البورش كايين=جيب ٍ لنا مملوك ماهو إستعاره
صنعت ذوى ألمان زين ٍ على زين=دقه . تطور . فن نال الجداره
وصفه حقيقه ماهو محتاج تزين=وصفه ، إثاره ، مابعدها إثاره
زينه مثل هياء ونجوى ونسرين=لمن مشى بشويش من فوق قاره
في شكله الجذاب ، أذواق راقين=إليا ركبته ، تفتكر لك إماره ))
عن المواتر فارق ٍ فرقه يبين=كايين حر ٍ ، و المواتر ، حباره
عند الاشاره لاوقف يجذب العين=هذا حرام ، يصف عند الاشاره
اللون ثلجي ، فاق كل التلاوين=كن السماء بالثلج , فوقه هداره
والداخليه بيج , كشنيه قسمين=مخطط ٍ بسود ، يمين ويساره
ان شفت رنقاته , توقع , يابوحسين=( تعدل النسفه ) ( بلمعت إطاره
مير اذكرالله عندنا خط سارين=خوفي حوادث ، ماحسبنا خساره
الحمدلله ، ندبل الشيك شيكين=نرخص له الدينار ، عند النصاره
صيف ، بشهر سبعه تفوح البراكين=والله / ما يرفس نبير الحراره
الزيت خبري فيه قدام شهرين=و اليوم , بدلته , حرام , انتثاره
والخط ما يحتاج , سوه , سيدين=وايض ٍ على ذلك مزود بناره
روح وخذ معك الامانه باليدين=يم الرفيق اللي بعيده دياره
أليا مشيت ادعس ل100 وستين=ما يمدي الادار ، يلقط نماره
سلام عليه , و بلغه يحتزم لين=تتلام نجوم السماء مع قماره
حذرا ، يتوهق , تونا الحين بادين=راعي نياق ٍ )) بين شاشه وفاره
تسعت عشر ناقه ، بوسط الدواوين=ما بين جر الصوت كاره وكاره
ماهو بلغز ٍ يافتى عنه دارين=اليا كسرت البيض تلقى صفاره
يالشايب الصامل بتلعب على مين=(( يا معلم )) النجار فن النجاره
ماتاصل الستين قدام خمسين=طق السنين سبب براسك نعاره
الفقر مزحه )) (( والحقيقه غنين=غنات مال ونفس ماهنا فقاره
والا انت يابوحسين فالشده تبين=والاش خل الاش ، خلف الستاره
سيف ٍ مجرب من رجال ٍ كريمين=ريف الخوي ، والا العدوى يادماره
النفس ضاقت والعرب دوم ساهين=والهم في قلبي سريع انتشاره
وجدي لحالي وجد ناس ٍ مساجين=مرت ثلاث اعوام مامن زياره
ترفع كتاب ، وطالبه فيه تهوين=تهوين حكم ٍ قاسين ، في حصاره
والحال هو الحال مافيه تحسين=الله على وقت ِ سريع استداره
طال الصبر ، شاب الرجاء ، فالزنازين=يالله عساء المكسور يلقى نجباره
ناس ٍ مظاليم ٍ ، وناس ٍ برين=والبعض الاخر قاتل ٍ ، لجل عاره
متكومين ٍ فالسجن ، حروت ، ألفين=والسجن منهم غادين مثل حاره
يالعنبوو ، وقت ٍ يذل الرفيعين=يكسر نياب الذيب منشان فاره
واللي شقح طامر جدار القوانين=المشكله / ناوي يفجر سفاره
قله تركد وين ناوي على وين=المنتحر ما شال هم ، إنتحاره
يقول:انا ماخضع لشخص ٍ لي يهين=والمشكله لاصار في وسط داره
انا عزيز ٍ كيف اباصير مسكين=اسمع كلام الجد واترك هزاره
خل الردى ياهيه ، للراس متنين=الله خلق راس ٍ وعنده نحاره
مانته مموتني ولاانته بمحين=العقل قالو : وسط لبه قراره
تجيب لي بيت ٍ بليا موازين=مبعثر الكلمات ) واللحن ، خاره
مابه فرامل داعس ٍ دوم بنزين=شال الشجر ثمن طمر فالزباره
البيت ما يبناء بليا خبيرين=ناد المهندس مع فريق استشاره
اما ترد العلم يابن الدياحين=والا تراني / مشتكي للإداره

* * *




،

،

ثم قال / ابوحسين



(( جيب الشاص ))

يامرحبابك ياهلابك وسهلين=انا معك بلقاف صرنا خشاره
وين انت يبن الناس غيبتك يومين=ضني تصلي فل قصيد استخاره
يمزبن الجاني ترى البعد ياذين=متى تجي نلعب معاك الهواره
نجوى كرم ليتك قبالي تغنين=ابرك من الي صجني طق طاره
شبت بوسط القلب يازين نارين= والحب ماياوي صغاره كباره
قم يانديبي عشق الشاص بثنين=الين تسمع حنته مع صفاره
توه جديد ملقبه بسم تنين=الزول دله والوصايف بهاره
يشبه وهو مقبل للالهام شاهين=ويشبه وهومقفي لصد العذاره
فسرعته يسبق سبوق الشياهين=وفي وقفته كنه للاخيار ماره
الصدر واحد منحكر في مراتين=والقير عادي في يمينك غياره
لا تحسبه واحد ترا فيه قيرين=ورعن وله فزعه بوقت العفاره
في خشته مزروع له بس ليتين=من قوهن الليل يطلب نهاره
صنعت ذوي يابان وتقول نعمين=فنس الخشوم وعاسفين المهاره
والله مابيعه ولو جوه شارين=جيبن وصل فلمجد لين الصداره
ولاانت جيبك مايساوي ريالين=لامن دخلت البر شفت انحداره
ياخوك جيبك صنعته للمحبين=راعيه يلبس من محلات زاره
ماهو لنا للي يعاف المصلين =الي بتال الليل في وسط باره
ويا الغاني ميل الخصر ميلين=يترنحون وكل ابوهم سكاره
على الطوايل يلعبون الملاعين =كلن علا ماقيل همه قماره
هذي لجل عيناك نعطيك عشرين=كله ولاانك تشتكي للاداره


،

ـ

رد مزبن الجاني

لا يانماء ماهي قضية فلسطين=اخير عن كثر الكلام اختصاره
لك البقاء ياهيه ماحنا بعجلين=نساير المركب ولا ابها عساره
للبيت معزاء واكثر الناس لاهين=اعلم جزيل القاف عندي احتكاره
تنشد عن الغيبه ! وتضحك بسنين=ماهمك غيابي ، ولا ابك طهاره
كثرت ذنوبك مالايات الموازين=عساء الولي يهديك كب الجواره
خل الهواره ! خل درب الشياطين=مالي بها ياشين خل الدشاره
(( كومو سافا )) وشلون حال الغريمين=اثرك تحب لاحول عزف الجتاره
تطرب مع نجوى ، تمول بتلحين=ياكبرها عند العرب في اندقاره
وان كان قلت الشاص غير الصوالين=ادنات حاجة تقلبه لو حجاره
هدي من السرعه بدربك مطبين=لا تطرح شعير البهم مع شواره
ثوبك قصير و باينات الكراعين=خلك مع هالشاص دون استماره
وان قلت لي ، كايين شوق المزاين=كلك نظر ، مير النظر في قصاره
كم شايب ٍ هايم بحب الفلبين=بين المكاتب طاح عزه وقاره
ولا انت يابوحسين شرعت بابين=منصبن نفسك في منصب وزاره


* * *

وسلامت من تابع

كلي امل ان تنال هالمساجلات الكيبورديه قل القليل من رضاكم عليها

ودمتوو / بود






توقيع محمد العيباني
 
  رد مع اقتباس
قديم 30-11-2010, 06:34 PM   رقم المشاركة : 2
الطوير
مشارك





معلومات إضافية
  النقاط : 10
  الحالة :الطوير غير متواجد حالياً

 

افتراضي


بارك الله فيك وجهودك المميزه
تحياتي







توقيع الطوير
 
  رد مع اقتباس
قديم 30-11-2010, 09:08 PM   رقم المشاركة : 3
اصيل
مشارك





معلومات إضافية
  النقاط : 10
  الحالة :اصيل غير متواجد حالياً

 

افتراضي


بارك الله فيك
جميل ما قرأته
تحياتي







توقيع اصيل
 
  رد مع اقتباس
قديم 30-11-2010, 09:17 PM   رقم المشاركة : 4
بليهان
مشارك





معلومات إضافية
  النقاط : 10
  الحالة :بليهان غير متواجد حالياً

 

افتراضي


احسنت
ولاهنت
تحياتي







توقيع بليهان
 
  رد مع اقتباس
قديم 02-12-2010, 06:48 AM   رقم المشاركة : 5
الجفلان
مشارك





معلومات إضافية
  النقاط : 10
  الحالة : الجفلان متواجد حالياً

 

افتراضي


شكراً على المعلومه
تحياتي







توقيع الجفلان
 
  رد مع اقتباس
قديم 02-12-2010, 08:24 AM   رقم المشاركة : 6
معتدل
مشارك





معلومات إضافية
  النقاط : 10
  الحالة :معتدل غير متواجد حالياً

 

افتراضي


احسنت
ولاهنت
تحياتي







توقيع معتدل
 
  رد مع اقتباس
قديم 03-12-2010, 05:50 PM   رقم المشاركة : 7
المرشودي
ضيف





معلومات إضافية
  النقاط : 10
  الحالة :المرشودي غير متواجد حالياً

 

افتراضي


شكراً جزيلاً
ارويت الذائقه
تحياتي







توقيع المرشودي
 
  رد مع اقتباس
قديم 04-12-2010, 12:12 PM   رقم المشاركة : 8
البديعي
مشارك






معلومات إضافية
  النقاط : 10
  الحالة :البديعي غير متواجد حالياً

 

افتراضي


بارك الله فيك
على ما تقوم به
احترامي







توقيع البديعي
 
  رد مع اقتباس
قديم 04-12-2010, 12:48 PM   رقم المشاركة : 9
طويق
مشارك






معلومات إضافية
  النقاط : 10
  الحالة :طويق غير متواجد حالياً

 

افتراضي


مشكور
على المعلومه الجيده
تحياتي







توقيع طويق
 
  رد مع اقتباس
قديم 05-12-2010, 10:11 AM   رقم المشاركة : 10
خميس
مشارك





معلومات إضافية
  النقاط : 10
  الحالة :خميس غير متواجد حالياً

 

افتراضي


وفقك الله
وسلمت اناملك
تحياتي وتقديري







توقيع خميس
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:47 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة