محاورة رباعية

[الطائر المهاجر]

الا يالمرشدي هونك سهامي صعب تنصدي = ومثلك كالحبارى لافترسها الحر شبعانه
وشوفك باديٍ ترفس فحر الموت له ردي = بدا ماطورك يخبط يبي توضيب وصيانه
انا بدلتك بخالد رفيق الدرب في الشدي= فلا لي في رفيق بالظهر ما يترك اطعانه
ونا اعلنتها هدنه مع الشايب فهو سعدي= ومع اللي فالح دربه فلاح الطيب شيهانه

انا باروح مادام التفاهم معك منلدي=واخلي شلةٍ تلعب على الالحان طربانه
ابن منشار بشويمان متجود ومنشدي=ولاهمه ولا فكر بقوم جات عجلانه

الله يصلح الشان ويغيب الشيطان

[نجم الإبداع]

سلام الله على الدكتور والصاحب ومن ضدي= سلامٍ من صميم القلب والتقدير شريانه
تقابلنا على المعروف مابنصعر الخدي = نقدر شيخنا والي صغيّر نشد بنيانه
الا وين الشويمان ازهموه اليوم بالردي = نبي صلح العرب والي مضى في درب تبانه
انا مارضى يروح المرشدي زعلان ويصدي = فنون الحرب والملعب تراقص فيه شيطانه
الا صلو على احمد واذكروا الله واطبخوا المندي= وياخالد تركد واعرف الملعب وفرسانه

نبي نقلط على ضيفة طويل الباع والمدي=ونرفى زلة المخطي ولو يخطي على شانه
وكبار السن هاليومين لاتاخذ ولا تدي=ولا تهتم في ساير ضعيف الهرج وامتانه
وانا اتشرف بنظم القاف بين البني والهدي=مع امثاله وشايبنا وشايبهم وغلمانه
نبي ننسى كلامٍ فات اذا بده واذا بدي=مادام ان القلوب الطاهره بالود رويانه
وخالد نشمله بالعفو اذا هوناويٍ يدي=ويقلط جنبي الايمن وابو عبدالله اوزانه

[عبدالله الشويمان]

إبن شويمان جاكم مسرعٍ من فوق مصعدي=يبي يعرف عن اللي صار بالطاروق وشجانه
عسى ما شر بالخطر بدت إتجيب وتودي=ووش اللي مزعل ابن المرشدي ترضيه شيبانه
على وضح النقا نمشي ونرفع للعتب بندي=ولا جا بيننا شيٍ يثير اغبار بركانه
يابن منشار لا تقدح بزندك العرب تغدي=تضن السالفه صدقٍ وحنا الولف واقرانه
وفلاح وخالد وعبدالله بن المرشدي سندي=وشيبان الفطاحل للسند يوفون ميزانه