الزموا الصف يالنشامي .. خلوووووووووووووووووها ؟

[الطائر المهاجر]

يافلاح اركد وليّا تشعل النيران ثاني = شوف ابو طله وربعه ما ترد لهم اذيه
جهدتك في اللي فزع لك يوم قلت الموت جاني= وجيت تركض للشويب طالب منه الحميه

[نجم الإبداع]

شوركم وهداية الله خير من بعض المباني= وانت رايدنا ونفزع عندنا مية سريه
سوق بنده والبخاري مايبي سوق السواني= خلنا حول المواشي والليالي الشاعريه

المشاركة الأصلية كتبت بواسطة سـعـد الحويماني

يانديم انته علامك صابك اليومه جنانى = كلم المشرف يدور لك علاج ن بالحويه
الزمل يذبح وسوقك مايبيع الا الاوانى= وتوبتك ياصاحبى ماهيب توبه عامريه

والله ان الجن الازرق مايغير في بياني = كلمتي وحده ولالي في علوم الجاهليه
ليه ماتقرا الاغاني للزعيم الاصفهاني = العرب تقرا وتكتب بالحروف الفارسيه

[الطائر المهاجر]

كلمته وحده ابضحك او اغني ليلداني = من رهف قلبه تغير بين صبح او عشيه
وقلبك اخضر يارفيقي مالقى بعض الأماني= لو تفتح مثل وردٍ ما بغته البابليه

المشاركة الأصلية كتبت بواسطة المشرف العام

كلمته وحده ابضحك او اغني ليلداني = من رهف قلبه تغير بين صبح او عشيه
وقلبك اخضر يارفيقي مالقى بعض الأماني= لو تفتح مثل وردٍ ما بغته البابليه

ياجماعه كلما جنبت عن دربه بلاني = اعترض لي في طريقي ويش اسوي بالبليه
والله اني لاخذ المشرف واركب له محاني = ان صدمته ماكسرته لو جت الصدمه قويه

[الطائر المهاجر]

ابتلاك الله بقلب داله بدنيا الغواني = صايبك مدٍ وجزرٍ في غرام البربريه
من بلد "واخا" لنهر النيل غيره ما تداني= ولو لقو لك ريمٍ اصلي قلت ما بيها ابدويه

المشاركة الأصلية كتبت بواسطة المشرف العام

ابتلاك الله بقلب داله بدنيا الغواني = صايبك مدٍ وجزرٍ في غرام البربريه
من بلد "واخا" لنهر النيل غيره ما تداني= ولو لقو لك ريمٍ اصلي قلت ما بيها ابدويه

حل يادكتورعني لاتكلم في لساني = انت في وادي حنيفه شايل (ن) لك سامريه
والله اني جبت بنت الشيخ يوم الله عطاني = المرابي في فيافي نجد والاصل عنزيه

[الطائر المهاجر]

وين احل وانت من قرا سبع المثاني = عارف قدرك وعلمك من رموز يعربيه
لايكون اني وطيت الضب مدري عن مكاني = العذر كاني بديت الزل لاتشره عليه