ماتت شروق القلب بنتي ذي ربيت

[عصام عبد الحميد]

ماتت شروق القلب بنتي ذي ربيت = كانت لي اغلى من مشى وسط البطاح
من حين ماتت ما وسعني اي بيت = والدمع في عيني بلا صوت او صياح
ماتت وغابت ضحكتي حتى انزويت = هي كانت الهامي لصبري والكفاح
كانت عيوني ذي تناظر لو دريت = قلبي عليها ماقدر يوقف نياح
قالوا قضا الله احمده انت ابتليت = قلت احمده ذي خالق الكون الفساح
ماغير دمع العين غصباً لو رأيت = لا تنقدوني ما قدرت انسى الجراح
يامن تناظر وسط عيني ما نسيت = وكيف بنساء من دفنتوا بالبراح
حزني بقلبي ملتوي وانا التويت = كلاً لوى ودعتها هي والنجاح
من بعدها مالي نجاح شوف انشويت = رغم المقادير بسمتي ذابت رياح
قالولي انسى قلت ليت انسى وليت = شيلوا لي العقل اجعلوه روس الرماح
وقالوا انسى وانت عاقل ما جنيت = قلت استميح العذر منكم والسماح
من حين غابت مهجتي قالوا عويت = قلنا على قلبي الم ينطح نطاح
قلبي انكوى وانا عليها انكويت = من دمع عيني خد وجهي هو نساح
فرح قليل واحزان عمري به حويت = قلبي انظلم كنه خلق بايام سجاح
كانت تداعب رمش عيني لو مسيت = واليوم ليلي في ظنك حتى الصباح
احس نحوك بالحنين مهما سويت = با نلتقي واياك من بعد الفلاح
يارب يامن للدواعه قد خبيت = هذه وداعه خلها بين الملاح
هي كل انفاسي وانت الي هديت = وادعوك تبدل ظلمت القلب انشراح


كلمات غايه فى الروعه

ولكن يملؤها الحزن

فتزكر اخى ان الكل

الى الله راجع وما يبقى سوى العمل

فعد الى حظيرة الله

وتزكر ان مع العسر يسرا ان شاء الله