ماتت شروق القلب بنتي ذي ربيت

[الخنساء]

ماتت شروق القلب بنتي ذي ربيـت ---كانت لي اغلى من مشى وسط البطاح
من حين ماتت ما وسعني اي بيـت ====والدمع في عيني بلا صوت او صياح
ماتت وغابت ضحكتي حتى انزويـت ====هي كانت الهامي لصبري والكفـاح
كانت عيوني ذي تناظر لـو دريـت =====قلبي عليهـا ماقـدر يوقـف نيـاح
قالوا قضا الله احمده انـت ابتليـت ====قلت احمده ذي خالق الكون الفسـاح
ماغير دمع العين غصباً لـو رأيـت ====لا تنقدوني ما قدرت انسى الجـراح
يامن تناظر وسط عيني مـا نسيـت ====وكيف بنساء مـن دفنتـوا بالبـراح
حزني بقلبي ملتـوي وانـا التويـت ====كلاً لـوى ودعتهـا هـي والنجـاح
من بعدها مالي نجاح شوف انشويت ====رغم المقادير بسمتي ذابـت ريـاح
قالولي انسى قلت ليت انسى وليـت ----شيلوا لي العقل اجعلوه روس الرماح
وقالوا انسى وانت عاقل مـا جنيـت ---قلت استميح العذر منكـم والسمـاح

صح لسانك اخي الشاعرالطبيب

لاهان راسك قصيدة رائعة

ترجمت الحزن والمعاناة

احسن الله عزاك وقواك الله بالصبر

سلمت وسلم شعرك

دمت بخير