لاصار مالك في هوى البيض حاجه

[عبدالمحسن الرحمه]

لاصار مالك في هوى البيض حاجه= ولا بك عيوب وناجحٍ بالتحاليل
تصير مثل الديك ماله دجاجه= يذن ولا من جاوبه تالي الليل
الله خلقهن للرجاجيل صاجه= تحمي عليهم لين ماتهد للحيل
صحيح فيهن سحر دل وغناجه = لكن ترى فيهن عذابٍ وتنكيل
لا حصلن رجال مطفي سراجه= ركبن على علباه واصبح كما الذيل
ولا من لقن رجال سفرٍ حجاجه= وعند المهمه عنتره يعسف الخيل
صارن اناثي كل وحده زجاجه= تسكره ما يحتاج كاس ومعاميل
ولا صار اقشر فيه عنف وهواجه=محدٍ يبيه ولو يزيد المكاييل
ولا سار في دربٍ كثير اعوجاجه= فاعرف ترى حوله عيون ودرابيل
لابد ما يكشف على ادنى سذاجه= ويطيح من عين الرجال الحلاحيل
ويبلاه ربه بامر يجهل علاجه = ف البيت والاّ النفس من دون تطويل
للنفس نزواتٍ اذا ما تواجه = بالدين قبل العقل من غير تأجيل
فالرجل من يعرف بوقته خراجه= ما ينتظر حتى تجيه البهاذيل


صح السانك دكتورنا الغالي على هذي الجزله تحيتي لك
اللي منور القصيدة اسم ولدي ( مالك ) الله يصلحه