أبوأنس/الشرقي .. والقوافي المشبوهة !!

[ابو أنس]

ياصاحب الفتوى ترا ابيك تفتين=وانتا خبير بفتنة العين والقلب
بالك تذرّع باتباع القوانين=والقلب ماله من قوانين تحسب
الى خفق تختل كل الموازين=والى عشق ما يسمع المدح والسب
والى لمح ضبي الفلا دق تسعين=في الثانيه والحر في داخله شب
لاكنت داله ترقب البحر بالعين=سارح بفكر(ن)ماله حدود تحجب
سمعت لك نغمة موسيقى بتلحين=تدعيك وانتا في مكانك تِكَهرَب
واظنها ضحكه على بعد مترين=ضحكه وجاوبها بعد ضحكه اعذب
والى التفتّ الى الصبايا قريبين=كلن لبس لبس البحر ومتسكلب
ظنيت نفسي في منامي بتمكين=واغمضت عيني كود ذا الحلم يطنب
يوم اختفى حلمي رفعت الحجاجين=واثر الحقيقه مدّت اليد واقرب
قالن سلام وقلتِ ياناس انا وين=غصّيت من ريقي وانا اقول ابشرب
وتلخبطت عندي الصور والتلاوين=وجتني شفاحه ودي آطب وانهب
من دهشتي تضاحكن ضحكن بلين=قعدت اجاوبهن وانا اقوم وآطب
واحن حنّة موترن حن باثنين=يوم انهن اقفن قعدت آتحيسب