كشكول النهج المختلف

[النهج المختلف]

ــــــــ صعب الوصول ـــــــ



طبع البشر تخطي من قديم ليامي=يامن يفكر من اللي ما خطا فيها

ونفس لا حام ضيم حزنها إلزامي=اضحك وتذهب معها كل شكاويها

وقول اللي يصيبه همّ ما دامي=حتى الفرح ما تدوم معها غناويها

أشوف حلو(ن) و مر اليوم قدامي=ياسرع ما تختلط فيني هقاويها

الله أنا أعبده واشهر له إسلامي=أسرار خلقه وضعف النفس يدريها

كلٍ مسجل عمله بخط لأقلامي=واللي يبي يصبر الجنة يبي يجيها

اصبر وتلقى الصبر عند ربنا سامي=درب سعادا و أفضله نلاقيها

كان التمني وشوقه مثل الحلامي=يلحق سراب العمر ليته يوفيها

وش اللي مزعلّك يومٍ قالها اللامي=ترى الفعايل تنافي كل ما فيها