انشر هنا أبياتك اليتيمة

[الحرالأشقر]

الدمعه



دمعه ولاسالت على خد مخلوق

الدمعه اللي يوم قفيت سالت

لوطولت بالموق كان أعمت الموق

لوطولت بالروح كانت استزالت

ترسم معاني على الخد من فوق

ودرباً عليه دموع عيني توالت

سيلتها لفراق عاشق ومعشوق

يوم رجعتهم لبعض أستحالت

حباً جمع رغبات نفسي بمخلوق

ونفسي عن الرغبات عقبه تعالت

ــــــــــــــــــــــــــــــ ــــــــــــــــــــــــــــــ ـــــــــــ

ودعتني


أضحت اللي كانت البارح قريبه

مثل ماأضحى في سماء الدنياء الهلالي

ودعتني مثل توديع الغصيبه

وأتركتني ياشقاء حالي لحالي

لاطرت لي قمت أجيب الدمع أجيبه

وإذا سهى فكري تخيلّها أقبالي

مايقدر لوعة أفراق الحبيه

غير قلب ٍ فارق بدنياه غالي

ــــــــــــــــــــــــــــــ ــــــــــــــــــــــــــ


سحايب دموعي


الله أكبر ياســحايب دموعي
لياسـرت من فوق خــدي هـماليل
عسـاسها منها سريع الرجوعي
يفرح بهافرحة أهل الذود للســيل
وخطرٍعلى قلبي يهشـــم ضلوعي
لولاي أوسع خاطري بالمواويل
لاقام تالي الليل قلبي يفــوعي
تقول طيرٍواقع ٍ في المحــابيل
لاذكرت ماصار يوم الربوعي
غنيت وين الصبح يانجمة سهيل
ــــــــــــــــــــــــــــــ ــــــــــــــــــــــــــــــ ــــ

أخوكم الدائم : الحرالأشقر