انشر هنا أبياتك اليتيمة

[خالد الذيابى]

بالورد والعطر
تقبلوا الدفعه الاولى وهناك المزيد

:)



عطنى لقلبي قبل ترحل .. سنّد قبض=وضمة على صدرك ووادع وسافر
خلة دخيلك لجل يرعاك بالنبض=لان الفراق المر بالقلب كافر


()


()


راع الهوا دايم بعزلة عن الصحب=نديم فرك المسبحة باليدينا
تشوف جسمة منسحب بالعنا سحب=وفكرة مشتت بين حينٍ وحينا
ودايم أثار السهّر فى وجهه الشحب=بإسباب من عنته بنت اللذينا
فلا شفت لك مبلى جرح قلبه النحب=جنب وقل يالله لاتبتلينا
وإعلم تراك بنعمةٍ خيرها رحب=وإن الهوا أفة كما الغرغرينا


()


()


كل الهموم تروح منى على جنب=إليا حضنتك للظلوع الحنايا
وأستغفر الله كان فى ضمتى ذنب=لكن من شافك رثع بالخطايا



()

()


قدام أحط أصابعى وسط عينك=من دون حدك لاتعدا مجالك
وش هولة أجامل لك تبت يدينك=لاصرت متغطرس على زود مالك
مأنى بقايل جعل تبطى سنينك=وإن طشت لا والله زينت فالك


()


()


أنا أتحمل ما وصلنى من غلط=وانته بتعذيبك عسى فيك بركه
ياليت رمحك قبل يطعنى قلط=داخل فوادى لين حبك يدركه
دمرت حبٍ راح بأسبابك زلط=نسفتنى نسف العدو بالمعركه


()

()


حسبى عليك إليا طرا طيفك فجع=لاشفت زولك بالنجوم الساريه
والله مأخذت من الهوا غير الوجع=وأنتى ولا أنتى يالحبيبة داريه
العام طاف وعذب صوتك ما سجع=وأنا تناهشنى الهموم الضاريه
لازان حالى لانتكساته رجع=تقول فى دمى خناجر جاريه



()

()


حطيت فى قلبى سبب غيبتك خرم=وإن قلت أبصبر عنك وين العزيمة
الليل .. والهوجاس .. والخاطر الضرم=تجمعوا جعل العواقب سليمة
ياصرم حالى منك يا معذبى صرم=خليت قلبى عايشٍ فى جحيمة
مدام أشوفك جرح قلبى ماهو جرم=بعدك .. عن عيونى .. هو أكبر جريمة


()

()


يشب فى قلبى من أسبابك لهب=إليا ذكرتك واقف بنفس المكان
الله يبارك فيك ياسوق الذهب=أهديت لى جرحٍ على طول الزمان
كنك تقول .. أقلط ترا همك زهب=وكنك تحدوابى على .. درب الجنان



الموقع ادناه