شمسك بلا فيّ

[نجم الإبداع]

وش فيك ياطيري تغيرت عني=مانته على خبري واحس ان بك شي
لونك تغير صار غامق وبني = في نبرتك غنه وشمسك بلافي
احساس في بعدك خذ النوم مني = قلي بربك والصراحه لنا ضي
ماقد كذب حدسي ولاخاب ضني = من عافني عفته ولو كان لي خي
يمكن احبك يمكن انسى التمني = يمكن معك يمكن بدونك انا حي
يمكن جوى يمكن نوى ممتحني = شويت قلبي فوق جمر الغضى شي
شفتك لنبضي يالغضي ماتحني = واول تقول انه لك الزاد والمي
مانا بمجبور ارسمك ظمن فني=ولا انت بي مجبور لو داخلك غي
همس المشاعر منك بالوصل جني=واليوم اشوف الصد عبر الفضا جي
ماجيت لك عاني ولا هيب منّي = صدفه تلاقينا وذقنا الهوى ري