بكيت ودموعي روت للمناديل

[عبدالله الشويمان]

السلام عليكم ورحمة الله وبركاته..

هذه الابيات ترحماً على والدي الله يغفرله ويرحمه ويسكنه جنة النعيم واموات المسلمين..

بكيت ودموعي روت للمناديل=على الذي أقفا بيومٍ ذعرنا
ابوي راح وما لنا بروحته حيل=اخذه واخفاه الاجل عن نظرنا
حيل الله اقوى والرضى فيه تجليل=وهو الجليل اللي بحكمه صبرنا
يابوي لك منا الدعاء والتحاليل=حقٍ علينا لك به الله أمرنا
يا جعل قبرك دو فيه المظاليل=أشجار طيبٍ مثلها ما خبرنا
معبرك للجنه وكله تساهيل=تحمل عملك بدين ربٍ فطرنا
دين الله الطاهر عن الشك والميل=اللي خلقنا له بغيره كفرنا
وابشرك يا ابوي ذكرك مع الجيل=ذكرٍ يطيِّب كل مجلس حضرنا
سيرتك ما جتها دناسه وتسفيل=يشهد لك اهل الخير وهذا فخرنا
الكل يدعو لك حريم ورجاجيل=عساك بالجنه ولـ (الله) شكرنا

عبدالله الشويمان-الرعد

[روح الشعر]

الله يرحمه ويغفر له ويسكنه فسيح جناته بالفردوس الاعلى


صح لسانك ياعبدالله

[عمر ال شيبي]

مرثيه طيبه
والله يرحمه ويسكنه فسيح جنانه

صح لسانك لا هنت

[داعي الشوق]

الله يرحم والدكم و موتى المسلمين

و صح لسانك يا بو بدر

قصيدة معبره بالحيل

ولاهنت

[نجم الإبداع]

الله يرحمه رحمة واسعه ويسكنه فسيح جناته

وصح لسانك يابو بدر

اكثر من الدعاء له

لاهنت

تقبل مروري

وتقديري

[الخنساء]

هذه الابيات ترحماً على والدي الله يغفرله ويرحمه ويسكنه جنة النعيم واموات المسلمين..

بكـيـت ودمـوعـي روت للمـنـاديـل ----عـلـى الــذي أقـفـا بـيـومٍ ذعـرنــا
ابـوي راح ومـا لـنـا بروحـتـه حـيـل ----اخـذه واخفـاه الاجــل عــن نظـرنـا
حيل الله اقوى والرضى فيه تجليل ----وهـو الجليـل اللـي بحكمـه صبرنـا
يابـوي لـك منـا الـدعـاء والتحالـيـل ----حــقٍ عليـنـا لـــك بـــه الله أمـرنــا
يـا جعـل قبـرك دو فيـه المظالـيـل ----أشـجـار طـيـبٍ مثلـهـا مــا خـبـرنـا
معـبـرك للجـنـه وكـلـه تسـاهـيـلتحـمـل عمـلـك بـديـن ربٍ فـطـرنـا
دين الله الطاهر عن الشك والميـل ----الـلـي خلقـنـا لــه بـغـيـره كـفـرنـا
وابشرك يا ابوي ذكـرك مـع الجيـل ---ذكـرٍ يطيِّـب كـل مجـلـس حضـرنـا
سيرتك ما جتهـا دناسـه وتسفيـل ------يشهد لك اهـل الخيـر وهـذا فخرنـا
الكـل يدعـو لـك حـريـم ورجاجـيـل -----عـسـاك بالجـنـه ولـ(الله) شـكـرنـا




صح لسانك مليووون ولايكفووووون

قصيدة جزلة من شاعر متمكن

والله يرحمه وابوى وموتي المسلمين

صراحه بدونهم مانسوى الله يجمعنا بهم
بالفردوس الاعلي من الجنه

سلمت ودام حرفك

[سمّار]

الله يرحمه ويغفر له ويجمعك به في جنته
كلمات معبره معنى راقي
ومرثية ملهمه
صح لسانك يابو بدر
والله لايحرمك الاجر

تقبل مروري وتقديري

[عبدالعزيز العمار]

صح لسانك يابو بدر

رحم الله والدكم وأسكنه الفردوس الأعلى من الجنه

مرثية طيبه وجزله

تحياتي لك

[الـزلـزال]

الرعد

مرثيه رائعه ومميزة وجزله
عبرت عن حب متغلغل بوسط قلبك
دائمآ مبدع وجزل في كل حالاتك
رحم الله والدك وأسكنه فسيح جناته
صح لسانك ملايين ملايين
ولك فائق تحياتي وتقديري

[الطائر المهاجر]

الكل يدعو لك حريـم ورجاجيـل
عساك بالجنه ولـ(الله) شكرنـا

الله يغفر له ويرحمه ويجمعكم به في فردوسه الأعلا
تحياتي