كان اسندوا تدريبهم ( للخراشي )

[احمد الجريفاني]

عزآه من همٍ بوسط الحشا جاش=اغضيت عنه و راح يرثع بجاشي
يومي عذاب ولا توجهت لفراش=من شان انام القاه داخل فراشي
يصيح : خلً النوم لمعاشر اللاًش=اما انت معروفين منهم تمآشي
عندك ضمير ولا تحابي للاوباش=شاعر صريح ومنطقك دوم كاشي
ضاعت بلدنا بين سارق وغشاش=سرقت بلدنا بين مرشي وراشي
من خاننا : ببلاد (باريس) منحاش=هو من يزوًد سعر سهم المواشي
مبسوط يرقص بين حلوات و (غراش)=(الكافيار) يجاب قبل المحاشي
في سهرته يحضر له الكاش بخياش=تستاهل الحلوات دولار كاشي
وقبل الظهر تقفل له ابواب وافياش=حكمه على كل المخاديم ماشيي
وليا صحى عقب العشا حيل منداش=شبيه ل(الفقمه) يدودل كراشي
ما يشبهه با الوصف يا كود خفاش=بالليل سكره والنهار ارتعاشي
اما المواطن يا عرب كيف يعتاش=ما ذاق خبزه كيف يحلم بحاشي
ليله غثى صبحه رثاء يسكن عشاش=دوم يتسلًف قبل وقت المعاشي
لو كل عقد (بشيك) ما يسمح (الكاش)=عشنا العداله يا وجيه الخشاشي
اطفالنا لو تهديه (كيس فشفاش)=طارت من الفرحه لانه (بلاشي)
عقب (الفلبين) اتجهنا ( للاحباش )=من (فقرنا) ماهو غلا (للنجاشي)
ولو منتخبنا ما بصفقاته (عراش)=كان اسندوا تدريبهم ل (الخراشي)
با المختصر صوًرت ما خالج الجاش=وغير الله المعبود ماني بخاشي

[الراقي]

صح السـانك ومنطوقك الجزل الوف الملايين

جزله من راس جزل

دمت بِكُلِ مَوَدَةٍ

[الطائر المهاجر]

من سمع هرجك قال ذا هرج حشاش=توه يعرف انه بوقت الكداشي
ماقل دل وزبدة الهرج بانعاش = فخل السوالف منت يالهرش حاشي

صح لسانك وكفى
تحياتي

[بنت النور]

صح السـانك وعتلى شانك
لاهنت

تحياتي

[هترل]

القدير احمد الجريفاني ...
صح لسانك مليار ولا يسدون
وفيت وكفيت وابدعت يالجزل
لاهنت ولاهان فكرك


تحياتي وتقديري

[عبدالمحسن الرحمه]

صح السانك شاعرنا القدير رائعة الله يسلم فكرك النير

[منيع]

مبدع ورائع
شكرا لكم
تحياتي

[عبدالله الشويمان]

شبيـه ل(الفقمـه) يـدودل كراشـي

ههههههه

صح السانك يا اخ احمد..

نص جزل مبنى ومعنى يا الجزل..

دمت بخير وصحه وسلامه..

[سعود بن سنيد]

بـا المختصـر صـوًرت مـا خالـج الجـاش=وغـيـر الله المعـبـود مـانـي بـخـاشـي


احمد

صح لساااااااااااااانك

جزله من جزل

وهادفه الله درك



تقبل مروري من هنا لاهنت

[داعي الشوق]

صح لسانك مليووووون يا بو فراس

ابدعت كعادتك دائما

و تصويرك رائع و ما يخطر ع البال

لله دررك

و صح لسانك مدد