جميع من يقرون في صفحتلي

[صنداح الزلامى]

جميع من مروعلى صفحتلي = يقرون مايلقون فيها من أشعار
نسج البيوت اللي تنشط هولي = وابرد بها خافق خفوقي عن النار
نارٍ سناها للفواد امتولي = والبكد كن يحزها حد منشار
ويافاهمن مضمون الابيات قلي = عساك تعطيني من العرف مقدار
ثلاث في تالي زماني بدلي =الرابعه جايه ونسمع لها اذ كار
ومن الثلاث الغطلسة والتعلى = واهدار حق الجار ومحارب الجار
ومن الثلاث العلومه واتجلي = وشيأ منول مانعرفه ولاصار
ومن الثلاث الشايب اللي يصلي = ماعاد له في وقتنا اليوم معبار
والرابعه بكره علينا تطلي = ومنشي عليها كلنا اصغار وكبار
بيع القيم واسلومنا اللي تحلي = ونقلد الكفار في كل الادوار
اللي خذونا بالغلو والتغلي = وسوو لنا مع سكت الريل وقطار
وسلم اليهود اللي ياعله يولي = ماهوب سلمٍ للوفيين الاحرار
ومن ماتشوف العين ياهيه ياللي = غرتكم الدنيا ترى الوقت غرار
غزو الفكر والهيمنة والتولي = يبث وسط ابيوتكم عبر الاقمار
صنعة خبيثٍ فوقنا يستطلي = والطبع طبع الفا ر من يامن الفار
وحنا نحب المعمه والتسلي = وليا قبلنا مثل هذا هذا عار
نهج الرسول المصطفى قدوتلي = وقدوة هل الطالات وافين الاشبار
وختامها يافاهم القيل قلي = عساك تعطيني من العرف مقدار

[عبدالعزيز ابراهيم المنصور]

أبْدَعت .. لاَفَضّ فُوك

نَّصُكَ عَابِقٌ بِالعَذوبَةْ وقُوةُ المَعَنى

ونَعَم لَقَدْ صَدَقتْ فِيمَا تَقَول

دُمْتَ عَابِقـًا

دُمْتَ بِخَير

[صنداح الزلامى]

الاخ العزيز والشاعر القدير / عبد العزيز المنصور

اسعدني مرورك طال عمرك صح بدنك كما اشكرك

على جمال تعبيرك وحسن خلقك دمت بخير

[ماجد الزيد]

صح الله لسانك يالزلامي
وجاد بنانك
مبدع كعادتك
جزل ولا تجيب الا الجزله لله درك

[همس الورد]

شاعرنا المحترم صنداح ابيات رائعة لاهنت

صح لسانك اخي الكريم

[الطامي]

صنداح الزلامي
صح السانك ملايين
وافية من وافي
لاهنت وشكرا لك

[عذب القوافي]

صح لسانك أبومحمد

مشاء الله تبارك الله

نص وافي كله حكم

مودتي

أبوابراهيم,,,,,,

[عدنان كريزم]

وسلم اليهود اللي ياعلـه يولـي
ماهوب سلمٍ للوفييـن الاحـرار

الله الله .. آنا اشهد والله


لا هنت يالذيب


تحيتي

[حوريه]

صنداح الزلامي
صح السانك ملايين
نص مواعظ وحكم
لاهنتــ... وشكرا لك

[ياسر عبدالرحمن الخالدي]

صح لسانك يا صنداح